Daniẹlụ 3:20 - Ika

²⁰ Ọ nọ sị ndị ka akwanran e nwọn imẹ ndị-agha a kẹnmẹ Shẹdrakị, Mishakị lẹ Abẹdnego, tụ wẹ ye imẹ okẹn ọkụn ahụn rị e nwunni.

Daniẹlụ 3:20 Iomraidhean Croise

Daniẹlụ 1:7

Onyẹ-isi ndị ọrụn Nebukadineza hụ nọ gụn onyẹ-onyẹ imẹ wẹ ẹfan ọzọ: ẹfan ọ gụn Daniẹlụ wụ “Bẹlụtẹshaza”, gụn Hanania “Shẹdrakị”, gụn Mishẹlụ “Mishakị”, gụn Azaria “Abẹdnego”.

Daniẹlụ 3:15

Ụnụ nụ nwan ukwere ọdụ, ẹkpịrị, ụbọ-zita, ụbọ-layẹ, ụbọ-hapụ, ẹrere lẹ ụdị ihiẹn-egu ndị ọzọ ile, nị ụnụ e kweri dannị ihiẹn ahụn m kpụ alị, gbaye ẹ, nsọngbu arịkọ. Kanị, omẹni ụnụ agbayen'ẹ, wẹ k'a tụ ụnụ ye imẹ okẹn ọkụn rị e nwunni ozigbo. Nị m hụn mmọn hụ k'a sa nwan ẹka zụọpụha ụnụ ẹka m.”

Daniẹlụ 3:19

Ya kẹ Nebukadineza nọ gi okẹn olulu sọn Shẹdrakị, Mishakị lẹ Abẹdnego, ihun asụọzịn'a ẹmụ kaka. Ọ nọ sị wẹ kpọyekẹnmẹ ọkụn hụ, n'ọ nụkarị k'o dọn rị a nụ mbụ ụzọ ẹsa.

Daniẹlụ 3:21

Ya wẹ nọ kẹnmẹ ikẹnnyẹ ndị hụ lẹ ẹwuru wẹ — kẹ hụn tueru anị kẹ hụn e ru mkpụkụ kẹ ẹkwa wẹ gi fụma isi kẹ ẹkwa ọzọ wẹ yisọnmẹ — tụ wẹ wẹ ye imẹ okẹn ọkụn ahụn rị e nwunni.

Ọrụn Ndị-ozi 16:23

E gbugụ wẹ wẹ mkpịnsịn ọda-ọda, wẹ nọ tụ wẹ ngan, sị onyẹ e che ndị-ngan ya kpọkin wẹ ye ọhụnma-ọhụnma.

Ọrụn Ndị-ozi 16:25

O ru imẹ abalị, kẹ Pọlụ lẹ Saịlasị rị e mẹ ekpere, e gi ẹbụ a ja Osolobuẹ mma, ndị-ngan hụ e gọn wẹ ntịn,