Daniẹlụ 3:17 - Ika

¹⁷ Omẹni, Chuku ẹnyi rị e fe a chọghọ n'ọ zụọpụha ẹnyi imẹ ọkụnnị lẹ ẹka ị, o k'a gbapụha ẹnyi ẹka ị, Agụ.

Daniẹlụ 3:17 Iomraidhean Croise

Jẹnẹsisi 17:1

Ogẹn Ebram gi rị ahụa ohu arịa ọgụn-isẹn, Osolobuẹ nọzị we enwẹn ẹ ghọsị Ebram, sị a, “Mmẹ wụ Chuku Hụn nwọn ikẹn ile; bi kẹ m dọn chọ; emẹkwọlẹ ihiẹn wẹ e gi kọrịanị ị —

Jẹnẹsisi 18:14

O nwọn ihiẹn karị Osolobuẹ ẹka omumẹ? O ru ogẹn ahụn m ku, m k'e kinhẹn, mgbeni akan-ile, Sẹra k'a mụ okẹnnyẹ.”

Jobu 34:29

Ọ gba ịhịan nkịtịn, onyẹ k'a ma a ikpe? O bupụ ịhịan ihun, onyẹ k'a s'ẹka hụn a? Kẹ ịhịan kẹ alị?

Jobu 5:19

Osolobuẹ k'a gbapụhadẹ i imẹ eje-ihiẹn isin — ọsụọn'a ẹsa, erukọ wẹ i ẹhụ.

Ẹbụ-ọma 115:3

Bụ Chuku ẹnyi rị elu-igwee, e mẹ ihiẹn ọ chọ n'o mẹ.

Ẹbụ-ọma 37:39

Ẹka Osolobuẹ kẹ nzụọpụha gha a bịanị ndị ezi-omumẹ; ịya e kpumẹ wẹ ogẹn nsọngbu.

Ẹbụ-ọma 37:40

Osolobuẹ e yeni wẹ ẹka, a gbapụha wẹ; ọ gbapụha wẹ ẹka ndị-njọ, mẹ wẹ hụn isi makẹni ịya kẹ wẹ gbọnni.

Ẹbụ-ọma 73:20

Di-nwọnni-ẹnyi, wẹ nọhụ kẹ nrọ mmakalaka, hụn o mẹni ịhịan tẹnhin, ọ la — makẹni, i pụha, y'e mẹ wẹ kẹ ihiẹn mmakalaka.

Azaya 12:2

Eziẹ, Chuku wụ onyẹ a zụọpụhanị m. M k'e gi i dọn ẹnya, egun atụkọ m. Osolobuẹ — Osolobuẹ, wụ ikẹn m lẹ ẹbụ m, ọ zụọpụhagụọ m.”

Azaya 54:14

I k'e gi ezi-omumẹ turu: Onwọnni onyẹ k'a kịgbun'i, onwọnni ihiẹn i k'a tụ egun ẹ. Ihiẹn k'a tụ ị okẹn egun anọkunmẹkọ ị kaka; ọ nọkunmẹkọ ị.

Jerimaya 1:8

Atụkwọlẹ egun wẹ, nị m k'a nọyeni i, zụọpụha ị.” Ya kẹ Osolobuẹ ku.

Jerimaya 15:20

M k'e mẹdẹ i wụrụ ẹhụ-ẹjan ebe ndịnị rị, ẹhụ-ẹjan igwe-bronzu zegbu enwẹn ẹ. Wẹ k'a lụsọn i ọgụn, kanị onwọnni ihiẹn wẹ k'a saẹka mẹ i, makẹni m nọyeni i anọyeni — m k'a gbapụha ị; m k'a zụọpụha ị — Ya kẹ Osolobuẹ ku.

Jerimaya 15:21

M k'a zụọpụha ị ẹka ndị-ejẹ; m k'a gbapụha ị ẹka ndị ẹfọ-njọ.’ ”

Daniẹlụ 3:26

Nebukadineza nọ nwan nọkunmẹ ọnụmụzọ ebe okẹn ọkụn hụ nọ e nwun, ọ nọ weshi olu elu hị, “Shẹdrakị, Mishakị lẹ Abẹdnego, idibo Chuku Hụ Kachanrịnnị, pụha nị! Bịa nị ebeni!” Ya kẹ Shẹdrakị, Mishakị lẹ Abẹdnego nọ pụha imẹ ọkụn ahụn.

Daniẹlụ 4:35

Ndị ile bi elu-ụwa enwọn kẹ wẹ han ebe ọ rị. Ihiẹn sụọn'a k'o mẹ — kẹ ebe ikẹn ndị rị elu-igwee rị kẹ ebe ndị rị elu-ụwa rị. Onwọnni onyẹ a sa ẹka e gbọndọn ẹ mọbụ sị a: “K'i mẹni ihiẹnni?”

Daniẹlụ 6:16

Ya eze nọ zi wẹ, wẹ nọ wẹhẹ Daniẹlụ, tụ a ye imẹ olu ẹwọrọ. Eze sị Daniẹlụ, “Chuku i, hụn y'e fe ogẹn ile ya dodo gbapụha ị!”

Daniẹlụ 6:23

Ẹfọ nọ sụọ eze ụsụọ ọda-ọda, ọ nọ zi wẹ d'a dọpụha Daniẹlụ imẹ olu hụ. A dọpụha wẹ Daniẹlụ, wẹ nọ hụn a n'o nwọnni ebe ọ rụ ẹhụ, makẹni o gi Chuku ẹ dọn ẹnya.

Daniẹlụ 6:27

Ọ gbapụha ịhịan, a zụọpụha; o mẹ ihiẹn a ghọsị ẹka a lẹ ihiẹn a tụ ẹnya imẹ elu-igwee lẹ enu-ụwa. Ọ gbapụhagụọ Daniẹlụ ọnụ ẹwọrọ.”

Maịka 7:7

Kanị, mmẹ nwẹn, Osolobuẹ kẹ m'e lee; m k'e cheri Chuku hụn a zụọpụhanị m; Chuku m jẹnkọ d'a za m.

Luku 1:37

Ya wụ nị, onwọnni ihiẹn Osolobuẹ ghalẹni a saẹka e mẹ!”

Ọrụn Ndị-ozi 20:24

Kanị onwọnni ihiẹn m kpọ ndụn m, kasị m gbagụ ọsọ Osolobuẹ, rụngụ ọrụn Di-nwọnni-ẹnyi wụ Jesu buche m ẹka: ọrụn izisọnmẹ oziọma banyeni ọhụnma Osolobuẹ mẹ.

Ọrụn Ndị-ozi 21:13

Ya kẹ Pọlụ nọ sị, “Kị ụnụ rị e mẹdẹ — a kwan ẹkwan, e tiwa m obi? A kwademẹgụọ m nị m jẹnkọ Jerusalẹm, ọsụọn'a nị wẹ k'e kẹn m ẹgbụn, ọ sụọdẹn'a nị m k'e gi ufiri ẹfan Di-nwọnni-ẹnyi wụ Jesu nwụnhụn ebẹhụ.”

Ndị Rom 8:31

Kị ẹnyi k'e ku nwan? O mẹ nwan nị Osolobuẹ rị ẹnyi azụụn, onyẹ k'a saẹka mẹ ẹnyi ihiẹn ọwụlẹ?

Ndị Kọrẹntị Nke Ẹbụọ 1:10

Ịya gbapụha ẹnyi eje-ọnọdị hụ te k'e gbuni ẹnyi. Ọ k'a rị a gbapụha ẹnyi. Ịya kẹ ẹnyi rị e lee ẹnya n'o k'a gbapụhazị ẹnyi —

Hibru 7:25

Ufiri ẹ, k'o gi a sa ẹka a zụọpụha ndị ghaha ẹka a d'e kunrun Osolobuẹ, a zụọpụha wẹ d'e ru isi ẹ, makẹni ọ rịsọnmẹ ndụn, a rịọdọnni wẹ Osolobuẹ.

Samuẹlụ Nke Ibuzọ 17:37

Osolobuẹ hụ hụn zụọpụha m ẹka ẹwọrọ lẹ ẹka biẹ k'a zụọpụha m ẹka onyẹ Filistia-nị!” Ya Sọlụ nọ kweyen'ẹ, sị, “Jẹnmẹ nwan; Osolobuẹ ya nọyen'i.”

Samuẹlụ Nke Ibuzọ 17:46

Osolobuẹ jẹnkọ d'e bu i che m ẹka tannị, e gbu m'i, beri i isi. M k'e we ozun ndị-agha Filistia ye nnụnụ lẹ anụmanụ, kẹni ụwa ile marịn nị Chuku hụn wụ Chuku nke-esi rị Izrẹlụ!