Daniẹlụ 3:1 - Ika

¹ Eze wụ Nebukadineza gi goru kpụ ihiẹn. Usue ẹ wụ ọb'ụkụ iri kwasị ọgụn-ẹnọ, akpa a wụ ọb'ụkụ itenẹi. Ọ nọ bu ẹ tumẹ alị-aradan rị Dura, Ẹgbẹrẹ Babilọnụ.

Daniẹlụ 3:1 Iomraidhean Croise

Ndị-nze Nke Ibuzọ 12:28

Eze a jụgụ ndị ọ jụ uche wẹ, ọ nọ gi goru kpụ ụmụ-efin ẹbụọ. Ọ sị ndị ọ rị a kị, “Jerusalẹm e tekẹzi ụnụ e jẹn. Ndị Izrẹlụ, lee ni mmọn ụnụ, hụn gha alị Ijiptu wepụha ụnụ!”

Ẹsta 1:1

Ihiẹn ndịnị mẹ ogẹn Ahazẹrusu gi wụ eze alị-eze Pẹshịa, Ahazẹrusu hụn kị Azụụn ẹsa kwasị ọgụn-isin (127) rị alị-eze Pẹshịa ogẹn hụ — ghakwọrị Ndịa d'e ru Ẹtiopịa.

Ẹbụ-ọma 135:15

Mmọn alị ndị ọzọ e fe wụsọnmẹ siliva lẹ goru, ọrụn-ẹka ịhịan mmaka.

Ọpụpụ 20:23

Ya wụ, akpụkwọlẹ ni mmọn-lẹ-iyi ọwụlẹ cheni m, kẹ nke siliva kẹ nke goru.

Ọpụpụ 32:31

Ya Mozizi nọ kin azụụn d'e kunrun Osolobuẹ, sị a, “Euu, ndịnị e mẹọlẹ okẹn njọ! A kpụrụgụọ wẹ mmọn goru.

Azaya 2:20

Ụhụọhịn ahụn, ịhịan k'a matuhu goru lẹ mmọn siliva ndị ahụn wẹ kpụ w'a rụa, tụ wẹ yeni oke lẹ ụsụ.

Azaya 30:22

Ogẹn ahụn, ụnụ k'e mẹrụ mmọn ụnụ wẹ gi siliva nyanhunmẹ lẹ hụn wẹ gi goru nyanhunmẹ, ụnụ jẹnkọ d'a mahu wẹ kẹ ẹkwa okpoho gi sọ ezi, sị wẹ, “Pụ nị ebeni!”

Azaya 46:6

Ndị hụn e hupụha goru rị imẹ ẹkpa-goru, a mapụha siliva; a kpọ wẹ ọkpụ-goru n'o gi ẹ kpụ mmọn — a kụnị wẹ mmọn hụ isi alị, fe ẹ.

Jerimaya 10:9

Wẹ weri siliva alị Tashishi wẹ tipịagụ, e weri wẹ goru alị Ufazị; onyẹ-nka lẹ onyẹ a kpụ goru mẹmẹgụ a, e yimẹ wẹ ẹ ẹwuru e nwun bru-bru lẹ pọpụ-pọpụ. Ndị e mẹ nka mẹmẹ wẹ ile.

Jerimaya 16:20

Ịhịan e mẹmẹdẹ nwan ihiẹn o sikọ d'e fe ra? Ihiẹn wẹ e mẹmẹ ẹlẹ Chuku!”

Daniẹlụ 2:48

Eze nọ ye Daniẹlụ ọkwa uku, ye ẹ ihiẹn ọda-ọda, tumẹ ẹ n'ọ kịma ẹgbẹrẹ Babilọnụ hụ ile, bu ndị ile a hụn ụzọ imẹ Babilọnụ che okpuru ẹ.

Daniẹlụ 2:49

Daniẹlụ a rịọ eze, eze nọ kweri tumẹ Shẹdrakị, Mishakị lẹ Abẹdnego nị w'e lepụsọnmẹ ihiẹn ẹnya Ẹgbẹrẹ Babilọnụ hụ — Daniẹlụ nkẹ nọ nọdị ọgwa kẹti-kẹti eze a rụn ọrụn a.

Daniẹlụ 3:14

Nebukadineza nọ sị wẹ, “Shẹdrakị lẹ Mishakị lẹ Abẹdnego, ezioku rọ nị ụnụ ara fe mmọn m, ụnụ agbayezikwọnị nwan ihiẹn goru hụ m kpụ?

Daniẹlụ 3:30

Ya eze nọ bushi ọkwa Shẹdrakị, Mishakị lẹ Abẹdnego elu imẹ ẹgbẹrẹ Babilọnụ hụ.

Daniẹlụ 5:23

Ị nọ bushimẹdẹ enwẹn i elu ebe Onyẹ nwọn elu-igwee rị, sị wẹ kịhanị ị mkpu ndị wẹ weri imẹ Ụlọ-nsọ a, ịyụ lẹ ndị-isi lẹ inyẹnmẹ i lẹ ndị mgba ị nọ gi wẹ ra manya; ị nọ jama mmọn ichẹn-ichẹn mma — kẹ nke goru kẹ nke siliva kẹ nke igwe-bronzu kẹ nke igwe-mmaka kẹ nke osisi kẹ nke ọmụma — mmọn ndị hụn ghalẹni e legha ụzọ mọbụ a nụ ihiẹn mọbụ a ghọta ihiẹn. Bụ y'e yeni Chuku ọghọ — Chuku, hụn gi ndụn ị lẹ ọpụpụ ị lẹ ọbanhan i.

Daniẹlụ 5:4

Wẹ hụ a ra manya hụ, wẹ hụ a ja mmọn rị ichẹn-ichẹn mma — kẹ nke goru kẹ nke siliva kẹ nke igwe-bronzu kẹ nke igwe-mmaka kẹ nke osisi kẹ nke ọmụma.

Hosia 2:8

Izrẹlụ e gin'ẹ dọn nị mmẹ y'ẹ ọka, lẹ manya-ọhụn lẹ ofigbọn-olivu yezi ẹ goru lẹ siliva ahụn o gi rụa Baalụ.

Hosia 8:4

E tumẹsọnmẹ wẹ ndị-nze, ajụnị wẹ m ọnụ; e tumẹsọnmẹ wẹ ndị-isi, amarịndẹ m. E gi wẹ goru lẹ siliva wẹ kpụrụ mmọn kpụgbu enwẹn wẹ.

Habakọkụ 2:19

O k'a jọ ị njọ, ịyụ hụn a kpọku nkp'osisi, a kpọku ogbe ọmụma! N'ọ sa ẹka gwa ị ihiẹn i k'e mẹ? Y'a hụnnị nị ihiẹn wẹ gihụ goru lẹ siliva nyankwama rọ, nị ara kwọn?!

Ọrụn Ndị-ozi 17:29

“Ebe o mẹni ẹnyi wụ ụmụ Osolobuẹ, ẹlẹ hụn ẹnyi e gi e ro ni Osolobuẹ ẹnyi nọ kẹ ihiẹn goru mọbụ siliva mọbụ ọmụma ịhịan gi akọ-lẹ-uche ẹ lẹ iroro ẹ kpụ mọbụ tụ.

Ọrụn Ndị-ozi 19:26

Kanị ụnụ hụ e gi nwan ntịn a nụ, e gi ẹnya a hụn nị Pọlụnị e gigụọ ihiẹn ọ rị e ku nị mmọn wẹ gi ẹka mẹmẹ ẹlẹ mmọn, dọrị ndị bu ọda; ẹlẹ imẹ Ẹfẹsọsụ sụọ k'ọ rị e mẹ ihiẹnni, o d'a ghagbarịdẹ Ẹgbẹrẹ Eshịa ile!

Ditrọnọmi 7:25

Dụnpụ nị mmọn wẹ ile wẹ kpụ ọkụn. Anịlẹ ni siliva lẹ goru rị mmọn ndị ahụn ẹhụ la ụnụ ẹnya; ewelẹ ni wẹ, makẹni ọnyan rọ, makẹni arụ k'ọ wụ ẹnya Osolobuẹ wụ Chuku ụnụ.

Rẹvẹleshọnụ 9:20

Ndị họdụ elu ụwa ihiẹn ndịnị gbulẹni ebihutọkwọnị mẹbehi eje-ihiẹn wẹ rị e mẹ — efebehini wẹ eje-mmọn lẹ mmọn goru lẹ siliva lẹ igwe-bronzu lẹ mmọn wẹ gi ọmụma lẹ osisi pịn ghalẹni e legha ụzọ mọbụ a nụ ihiẹn mọbụ e jẹn ijẹn,