Daniẹlụ 2:47 - Ika

⁴⁷ Eze nọ sị Daniẹlụ, “Eziẹ, Chuku i ka mmọn ile; ịya a kị ndị-nze; ịya e wepụha ihiẹn-omimi ifọn, makẹni y'a sagụọ nwan ẹka wepụha ihiẹn-omimini ifọn.”

Daniẹlụ 2:47 Iomraidhean Croise

Jẹnẹsisi 41:39

Fẹro nọ sị Josẹfụ, “Ebe o mẹ ni yụ kẹ Chuku ghọsị ihiẹnni ile, onwọnni onyẹ ẹnya ru alị mọbụ onyẹ marịn ihiẹn kẹ yụ.

Ndị-nze Nke Ẹbụọ 5:15

Ya Naamanị lẹ ndị ile ya lẹ wẹ wị nọ kin azụụn d'e kunrun odibo Osolobuẹ wụ Ẹlaịsha. Ọ nọ wuzo ihun Ẹlaịsha, sị, “Echẹn kẹ m marịn nị onwọnni ebe Chuku rị imẹ ụwa ile karị imẹ Izrẹlụ. Dodo narịn nwan mmẹ wụ odibo i ihiẹnni m wẹhẹ.”

Jobu 12:19

Ọ gba ndị nchụn-ẹjan wẹ te gi dọn ẹnya ẹka, e dupụ, a napụ ndị turuchanrịngụ kete-kete ọnọdị wẹ.

Ẹbụ-ọma 136:2

Kpanmịn nị Chuku hụn ka mmọn ile, makẹni ihiẹn-ọsụsụọ a rị jẹnrin ejẹn.

Ẹbụ-ọma 136:3

Kpanmịn nị Nna ndị wụ nna, makẹni ihiẹn-ọsụsụọ a rị jẹnrin ejẹn.

Ẹbụ-ọma 72:11

Ndị-nze ile wẹ kpọn'a isi alị; alị ile wẹ fe ẹ.

Ẹbụ-ọma 82:1

Chuku e werigụọ ọnọdị a imẹ ọgwa a, ịya a han eṅẹn imẹ igunrun mmọn ile.

Ẹbụ-ọma 96:4

Makẹni, Osolobuẹ e hikẹ ogbe, o furu nị wẹ ja a mma ọda-ọda; o furu nị wẹ gbaye ẹ karị mmọn ile —

Izikẹlụ 26:7

“Osolobuẹ Nwọn Ihiẹn Ile sị: M sikọ nwan d'a gha ẹbamịn-ugu wẹhẹ Nebukadineza eze Babilọnụ, eze rị a kị ndị-nze, n'ọ bịa d'a lụsọn Taya agha. O kịla ẹshin lẹ ụgbọ-ẹshin lẹ ndị gi ẹshin a lụ agha lẹ igwerigwe ndị-agha.

Daniẹlụ 11:36

“Eze alị rị ẹbamịn-ugu k'e mẹ k'ọ sụọn'a. O k'a sị ya ka mmọn ile lẹ ihiẹn ile w'e fe, kujama oku Chuku hụn ka mmọn ile. Ihiẹn k'a rị a ghan'a d'e ru mgbe Osolobuẹ e gi ghọsịgụ ọnụma a hụn ọ rị e gi ẹ a ghọsị, makẹni ihiẹn Osolobuẹ kutọgụ sikọ d'e mẹrịrị.

Daniẹlụ 2:19

O ru imẹ abalị, Osolobuẹ nọ ghọsị Daniẹlụ ihiẹn-omimi ahụn imẹ ọhụn. Daniẹlụ nọ ja Chuku rị elu-igwee mma,

Daniẹlụ 2:22

Ịya e wepụha ihiẹn mini lẹ ihiẹn zuerini ifọn, ịya marịn ihiẹn rị imẹ ishi, ịya lẹ ukpẹ wị bi.

Daniẹlụ 2:28

kanị, o nwẹghọ Chuku rị elu-igwee hụn e wepụha ihiẹn zuerini ifọn. Ọ ghọsịgụọ yụ wụ Eze wụ Nebukadineza ihiẹn k'e mẹ ihun. Lee nwan nrọ ị, ihiẹn ị rọhụn ebe i dinẹ elu bẹdi i:

Daniẹlụ 2:29

“Kẹ yụ wụ eze dinẹ ebahụn, obi i nọ shi ihiẹn ndị k'e mẹ ihun, onyẹ hụn a ghọsị ịhịan ihiẹn-omimi n'ọ ghọsị ị ihiẹn k'e mẹni.

Daniẹlụ 2:30

Mmẹ nwẹn, ọ ghọsị m ihiẹn-omimini — ẹlẹni mmẹ ka ndị ọzọ ile rị ndụn amamihiẹn e nwọn, kanị, ọ ghọsị m'a kẹni yụ wụ eze marịn ihiẹn ọ wụ, lẹni i hụn ụzọ ghọta ihiẹn ahụn bansọnmẹ i obi.

Daniẹlụ 2:37

Agụ, ịyụ wụ eze hụn rị a kị ndị-nze. Chuku hụn rị elu-igwee e yegụọ ị ọkịkị lẹ ikẹn lẹ ndị-agha lẹ ọghọ;

Daniẹlụ 3:15

Ụnụ nụ nwan ukwere ọdụ, ẹkpịrị, ụbọ-zita, ụbọ-layẹ, ụbọ-hapụ, ẹrere lẹ ụdị ihiẹn-egu ndị ọzọ ile, nị ụnụ e kweri dannị ihiẹn ahụn m kpụ alị, gbaye ẹ, nsọngbu arịkọ. Kanị, omẹni ụnụ agbayen'ẹ, wẹ k'a tụ ụnụ ye imẹ okẹn ọkụn rị e nwunni ozigbo. Nị m hụn mmọn hụ k'a sa nwan ẹka zụọpụha ụnụ ẹka m.”

Daniẹlụ 3:28

Ya Nebukadineza nọ yi, “Ịja mma y'a rịnị Chuku Shẹdrakị, Mishakị lẹ Abẹdnego, hụn zi mmọn-ozi ẹ d'a gbapụha idibo ẹ, idibo ẹ hụn gi ẹ dọn ẹnya, pa oku eze, kweri ọnwụn, hụn nkẹ w'e gi fe mọbụ gbaye mmọn ọwụlẹ wezụka Chuku wẹ.

Daniẹlụ 3:29

M rị nwan e ti iwu nị onyẹ alị ọwụlẹ mọbụ asụsụ ọwụlẹ hụn k'e kuja oku Chuku Shẹdrakị, Mishakị lẹ Abẹdnego wẹ sikọ d'a jakịka a, kụtuchanrịn ụlọ a, o họnrin mkpọkọ-ụlọ — makẹni onwọnni mmọn ọzọ k'a s'ẹka gbapụha ịhịan ẹnịna.”

Daniẹlụ 4:17

“ ‘Ndị-ozi hị ihiẹnni; ndị-nsọ sị ihiẹnni mẹ, kẹni ịhịan ile rị ụwa marịn nị alị-eze ile ịhịan pumẹ rịchanrịn okpuru Onyẹ hụ Kachanrịnnị, nị o we wẹ e ye onyẹ ọwụlẹ ọ chọ, e wedẹ wẹ e ye onyẹ kachanrịn ntịn a kị.’

Daniẹlụ 4:25

wẹ k'a chụpụ ị ebe ịhịan rị d'e sọn anụmanụ biri; i jẹnkọ d'e ri irurue kẹ efin, igirigi a gha elu-igwere ziẹnkpu i. Ahụa ẹsa k'i k'a rị ọnọdị hụ, d'e ru nị o we i ẹnya nị alị-eze ile ịhịan pumẹ rịchanrịn okpuru Onyẹ Hụ Kachanrịnnị, lẹni o we wẹ e ye onyẹ ọ chọ.

Daniẹlụ 4:32

Wẹ sikọ d'a chụpụ ị ebe ịhịan bi, y'e sọn anụmanụ biri; i jẹnkọ d'e ri irurue kẹ efin. Ahụa ẹsa k'i k'a rị ọnọdị hụ d'e ru ni y'e ku ẹ nị alị-eze ile ịhịan pumẹ rịchanrịn ẹka Onyẹ Hụ kachanrịnnị lẹni o we ẹ e ye onyẹ ọ chọ.”

Daniẹlụ 5:11

O nwọnghọ okẹnnyẹ rị alị-eze i hụn nwọn mmọn rị nsọ imẹ ẹ. Ogẹn nẹdi i gi a kị, wẹ hụn a n'o nwọn nghọta, nwọn uche, nwọn amamihiẹn — nọkẹ mmọn. Eze wụ Nebukadineza hụn wụ nẹdi i, nẹdi i ebe oche-eze rị — tumẹ ẹ onyẹ-isi ndị-ihẹnrẹn lẹ ndị a gwọ ọgụn lẹ ndị ile a hụn ụzọ lẹ ndị a gba ẹfa; ẹghẹẹ nẹdi i tumẹ ẹ.

Emọsụ 3:7

Ezioku-ezioku, Di-nwọnni-ẹnyi wụ Osolobuẹ ara mẹ ihiẹn-anaị bụ ọ ghọsịgụnị idibo ẹ ndị-amụma ihiẹn o bu obi.

Ndị Kọrẹntị Ibuzọ 14:25

ihiẹn rị a obi a pụha ifọn. Ọ kụnị Osolobuẹ isi alị, ye Osolobuẹ ọghọ, sị, “Ezioku-ezioku, Osolobuẹ rị imẹ igunrun ụnụ!”

Ditrọnọmi 10:17

Makẹni, Osolobuẹ wụ Chuku ụnụ wụ Chuku ka mmọn-lẹ-iyi ile, Nna ndị nna; Chuku ahụn hi ogbe, hụn e mẹ ihiẹn a tụ egun; ara gbeyeni ịhịan, ara na egho azụụn.

Timoti Ibuzọ 6:15

Ọbịbịa a hụn Chuku jẹnkọ d'e wẹhẹ ogẹn ẹ ru. Chuku, Onyẹ hụn furuchanrịn w'a ja mma ile, Onyẹ ya sụọ wụ Eze nke-esi, Eze ndị-nze lẹ Nna ndị wụ nna;

Joshụa 22:22

“Osolobuẹ wụ Chuku hụn wụ Chuku nkesi; Osolobuẹ wụ Chuku hụn wụ Chuku nkesi!! Ọ marịnghọ! Ndị Izrẹlụ lẹ enwẹn wẹ wẹ marịnzịkwọ. Omẹni nnupụ-isi mọbụ nị ẹnyi gi ẹ pa oku Osolobuẹ haịn ẹnyi gi mẹ ihiẹnni, ya edọnmẹlẹ ẹnyi ndụn tannị.

Rẹvẹleshọnụ 1:5

lẹ Jizọsị Kraịstị — Jizọsị Kraịstị hụn wụ ọshẹri ahụn furu wẹ gi e dọn ẹnya, onyẹ ibuzọ gha ọnwụn lihi, onyẹ hụn a kị ndị-nze rị elu-ụwa, onyẹ hụn nwọn ihiẹn-ọsụsụọ ẹnyi, gi ẹdeke ẹ gbapụha ẹnyi ẹka njọ ẹnyi;

Rẹvẹleshọnụ 17:14

Wẹ k'a lụsọn Nwa-ebulu hụ agha, kanị Nwa-ebulu hụ k'e mẹri wẹ, makẹni ịya wụ Nna ndị wụ nna lẹ Eze ndị-nze lẹzi makẹni ndị ya lẹ wẹ wị wụ ndị ọ kpọ oku, ndị ọ họrị, ndị furu wẹ gi e dọn ẹnya.”

Rẹvẹleshọnụ 19:16

Nzere wẹ deye elu ẹwuru ẹ lẹ ọgbọdọgbọ a wụ, “Eze ndị-nze lẹ Nna ndị wụ nna.”