Daniẹlụ 2:44 - Ika

⁴⁴ “Ogẹn ndị-nze ndịnị k'e gi rị a kị, Chuku hụn rị elu-igwee k'e pumẹ alị-eze hụn wẹ jẹnkọlẹni d'e tikpọ mọbụ latọnị ndị ọzọ. O k'e tipịpịa alị-eze ndị hụ ile — arịkọzị wẹ; kanị ya nwẹn sikọ d'a rị jẹnrin ejẹn.

Daniẹlụ 2:44 Iomraidhean Croise

Jẹnẹsisi 49:10

Ọkpọ-eze aghakọ Juda ẹka pụ, ọkpọ onyẹ-ọkịkị aghakọ a ngadan pụ — d'e ru mgbe onyẹ nwọn ọkpọ ahụn e gi bịa. Ndị alị ichẹn-ichẹn k'a gha e buhẹ ihiẹn d'a chann'a ẹnya, e sekpun'ẹ alị.

Samuẹlụ Nke Ẹbụọ 7:13

Ịya wụ onyẹ hụn k'a tụn Ụlọ-nsọ Ẹfan m jẹnkọ d'a rị; m k'e mẹ ukpo alị-eze ẹ tọ jẹnrin-ejẹn.

Samuẹlụ Nke Ẹbụọ 7:16

Ikpụlọ i lẹ alị-eze i k'a rịsọnmẹ ihun m, ukpo-eze i k'a tọ jẹnrin-ejẹn.”

Ẹbụ-ọma 145:13

Alị-eze i agụkọ; ọkịkị ị k'a tọ gha agbọ pụ agbọ. Osolobuẹ e mẹzuchanrịn nkwa a ile; o nwọn ihiẹn-ọsụsụọ ihiẹn ile o ke.

Azaya 60:12

Ẹghẹẹ, alị mọbụ alị-eze ọwụlẹ hụn jụ n'o fekọ ụnụ k'a la iwi — wẹ k'e gbuchanrịn ndị rịn'a.

Izikẹlụ 37:25

Wẹ k'e biri alị hụ m ye odibo m wụ Jekọpụ, alị hụ ndị nẹdi ụnụ kanị bi. Wẹ lẹ ụmụ wẹ lẹ ụmụ-ụmụ wẹ k'e biri ebahụn jẹnrin ejẹn, odibo m wụ Defidi k'a wụferi eze wẹ.

Daniẹlụ 2:28

kanị, o nwẹghọ Chuku rị elu-igwee hụn e wepụha ihiẹn zuerini ifọn. Ọ ghọsịgụọ yụ wụ Eze wụ Nebukadineza ihiẹn k'e mẹ ihun. Lee nwan nrọ ị, ihiẹn ị rọhụn ebe i dinẹ elu bẹdi i:

Daniẹlụ 2:34

Hụn ahụn ị rị e lee ẹ, wẹ nọ bepụha ọmụma ohu, kanị ẹlẹ ịhịan bepụha a — ọmụma hụ nọ ti ihiẹn hụ wẹ kpụ; ụkụ-alị a ẹbụbụọ wẹ gi igwe lẹ ụrụa mẹmẹ k'o ti, kụkpọpụ wẹ.

Daniẹlụ 2:35

Wẹ ile, kẹ igwe-mmaka kẹ ụrụa kẹ igwe-bronzu kẹ siliva kẹ goru nọ kụkpọpụ, nọchanrịn kẹ ẹfịfịa-ọka rị alị ebe wẹ nọ a kụkpọ ọka imẹ ọhọhị; ya kẹ ufere nọ fepụ wẹ, kaka akpụ-ohu ahọdụnị. Kanị ọmụma nwẹn ti ihiẹn ahụn wẹ kpụ nọ họnrin ẹregede ugu, shịagbarị ụwa ile.

Daniẹlụ 2:37

Agụ, ịyụ wụ eze hụn rị a kị ndị-nze. Chuku hụn rị elu-igwee e yegụọ ị ọkịkị lẹ ikẹn lẹ ndị-agha lẹ ọghọ;

Daniẹlụ 2:43

K'i dọn hụn nị wẹ gwọgbama igwe lẹ ụrụa, ẹrịra kẹ ịhịan k'a dọn gi ọlụlụ-di-lẹ-nwunyẹ nọgbamahụ mmaka, kanị k'o dọn mẹ nị igwe lẹ ụrụa ara mẹ ohu, emẹkọ wẹ ohu.

Daniẹlụ 4:3

Ọ ghọsịkakwọ ẹka-o! Ọ rụnkakwọ ihiẹn a tu ẹnya!! Alị-eze ẹ wụ alị-eze itẹbitẹ; ọkịkị a k'e ru agbọ ile.

Daniẹlụ 4:34

Ogẹn hụ e zugụ, mmẹ wụ Nebukadineza nọ bu ẹnya zinmẹ elu-igwee, ẹnya nọ dọn m. M nọ ja Onyẹ Hụ kachanrịnnị mma; a gbaye m onyẹ hụ rị ndụn jẹnrin ejẹn, ye ẹ ọghọ. Ọkịkị a wụ ọkịkị itẹbitẹ; alị-eze ẹ k'a rị agbọ ile.

Daniẹlụ 6:26

“M rị e ti iwu nị ndị ile rị Ẹgbẹrẹ ọwụlẹ imẹ alị-eze m jẹnkọ d'a tụ egun Chuku Daniẹlụ, a gbaye ẹ. Makẹni ịya wụ Chuku hụn rị ndụn; o k'a rị jẹnrin ejẹn; etikpọkọ wẹ alị-eze ẹ; ọkịkị a agụkọ.

Daniẹlụ 6:27

Ọ gbapụha ịhịan, a zụọpụha; o mẹ ihiẹn a ghọsị ẹka a lẹ ihiẹn a tụ ẹnya imẹ elu-igwee lẹ enu-ụwa. Ọ gbapụhagụọ Daniẹlụ ọnụ ẹwọrọ.”

Daniẹlụ 7:27

Ogẹn ahụn kẹ wẹ jẹnkọ d'e gi we ọkịkị ile lẹ ikẹn lẹ ọghọ alị-eze ile rị okpuru igwere ye ndị-nsọ, ya wụ, ndị nke Onyẹ hụ Kachanrịnnị. Anị-eze lẹ ọkịkị a k'a tọ jẹnrin ejẹn, ndị ọkịkị ile k'e fe ẹ, e mẹ ihiẹn o ku.’

Daniẹlụ 8:25

O k'e gi ndufie gha ihun ọhụnma-ọhụnma, weri ẹ n'o nwọnni onyẹ hankẹ ya. Ogẹn wẹ gi e ro nị nsọngbu arịa kẹ o k'e gi gbu ndị bu ọda, bunụmanị Onyẹ a kị ndị-ọkịkị. Wẹ k'e gbu ẹ, kanị ẹlẹ ẹka ịhịan k'e gbu ẹ.

Maịka 4:7

E gi m ndị te wụ ngụrọ pumẹzi alị wẹ, gi ndị nwẹn m te jụ họnrin okẹn alị; mmẹ wụ Osolobuẹ a nọ Ugu Zayọnụ kị wẹ jẹnrin ejẹn.”

Hagaị 2:22

M k'e wepụ ndị-nze alị-eze ichẹn-ichẹn ukpo, e tikpọ m ihiẹn ile alị-eze ichẹn-ichẹn gi a kpa ikẹn; m k'e titu ụgbọ-anyịnyan lẹ ndị rị a nyannị wẹ; ẹshin lẹ ndị rị e nyinni wẹ k'a dan, makẹni ndị rị e nyinni wẹ k'e gi ọpịa-agha gbu ibe wẹ.

Hagaị 2:7

M k'e mẹhunmẹ alị ile rị ichẹn-ichẹn, ihiẹn rị mkpa rị imẹ wẹ a bịa ebeni, e ye m Ụlọnị ọghọ ọhụnma-ọhụnma. Ya kẹ Osolobuẹ ihiẹn ile rị okpuru ẹ ku.

Matiu 28:18

Jizọsị nọ jẹnzụnhan, sị wẹ, “E yeọlẹ wẹ m ikẹn ile rị elu-igwee lẹ elu-ụwa.

Jọnụ 12:34

Ya kẹ igunrun hụ nọ sị a, “Iwu ẹnyi gwa ẹnyi nị Kraịstị jẹnkọ d'a rị ndụn jẹnrin ejẹn. Kị ị rị a sịnị nị wẹ sikọ d'e weshi Nwa nke Ịhịan elu? Onyẹ wụdẹ nwan Nwa nke Ịhịannị?”

Hibru 12:28

Ebe o mẹ nwan nị ẹnyi rị e nwọnhẹn alị-eze wẹ ghalẹni a saẹka e zinzinpụ, nị ẹnyi kpanmịn nị Osolobuẹ, gi egun Osolobuẹ lẹ mgbaye fe Osolobuẹ ofufe ọ k'a nabanhan;

Rẹvẹleshọnụ 11:15

Ya mmọn-ozi nke ẹsa nọ gbu opi ẹ, m nọ nụ okẹn olu rịsọnmẹ elu-igwee rị a sị, “Alị-eze ụwa a wụrụọlẹ nke Di-nwọnni-ẹnyi lẹ Kraịstị a; o k'a kị jẹnrin ejẹn!”

Rẹvẹleshọnụ 2:27

o k'e gi ọkpọ-igwe kị wẹ; o k'e tikpọchanrịn wẹ lekẹ ite ụrụa,