Daniẹlụ 2:29 - Ika

²⁹ “Kẹ yụ wụ eze dinẹ ebahụn, obi i nọ shi ihiẹn ndị k'e mẹ ihun, onyẹ hụn a ghọsị ịhịan ihiẹn-omimi n'ọ ghọsị ị ihiẹn k'e mẹni.

Daniẹlụ 2:29 Iomraidhean Croise

Jẹnẹsisi 41:25

Ya Josẹfụ nọ sị Fẹro, “Nrọ ndịnị ị rọ wụhụ ohu: Chuku a ghọsịgụọ Fẹro ihiẹn Chuku jẹnkọ d'e mẹ:

Izikẹlụ 38:10

“ ‘Osolobuẹ Nwọn Ihiẹn Ile sị: o ru ogẹn ahụn, y'e romẹ ihiẹn i k'e ro, y'a mama eje-ihiẹn.

Daniẹlụ 2:22

Ịya e wepụha ihiẹn mini lẹ ihiẹn zuerini ifọn, ịya marịn ihiẹn rị imẹ ishi, ịya lẹ ukpẹ wị bi.

Daniẹlụ 2:23

Chuku ndị nẹdi m — m rị a kpanmịn ị, a ja ị mma: makẹni y'e yegụọ m amamihiẹn lẹ ikẹn, y'a ghọsịgụọ m ihiẹn ẹnyi rịọ ị, y'e mẹgụọ ẹnyi marịn ihiẹn eze rị a chọ.

Daniẹlụ 2:28

kanị, o nwẹghọ Chuku rị elu-igwee hụn e wepụha ihiẹn zuerini ifọn. Ọ ghọsịgụọ yụ wụ Eze wụ Nebukadineza ihiẹn k'e mẹ ihun. Lee nwan nrọ ị, ihiẹn ị rọhụn ebe i dinẹ elu bẹdi i:

Daniẹlụ 2:45

Ịya wụ ọmụma ahụn ị hụn wẹ gha ugu bepụha bụ ẹlẹ ịhịan bepụha a — ọmụma ahụn tigungwọn igwe lẹ igwe-bronzu lẹ ụrụa lẹ siliva lẹ goru. “Chuku hụ kanị a ghọsịgụọ eze ihiẹn sikọ d'e mẹ ihun. Ọnwan wụ nrọ ị k'i dọnchanrịn rọ a; ọnwan wụ nkọwa a — ịrụ-ụka arịa.”

Daniẹlụ 2:47

Eze nọ sị Daniẹlụ, “Eziẹ, Chuku i ka mmọn ile; ịya a kị ndị-nze; ịya e wepụha ihiẹn-omimi ifọn, makẹni y'a sagụọ nwan ẹka wepụha ihiẹn-omimini ifọn.”

Emọsụ 4:13

Lekwọ nị ẹnya, Onyẹ hụn mẹmẹ ugu ile, Onyẹ hụn ke ufere; Onyẹ hụn a gwa ịhịan uche ẹ; Onyẹ hụn e mẹ efinaị a gba ishi; Onyẹ hụn a zọ ebe ile jẹn elu elu-ụwa ụkụ; Osolobuẹ, Chuku ihiẹn ile rị okpuru ẹ ịya wụ ẹfan a!”