Daniẹlụ 2:23 - Ika

²³ Chuku ndị nẹdi m — m rị a kpanmịn ị, a ja ị mma: makẹni y'e yegụọ m amamihiẹn lẹ ikẹn, y'a ghọsịgụọ m ihiẹn ẹnyi rịọ ị, y'e mẹgụọ ẹnyi marịn ihiẹn eze rị a chọ.

Daniẹlụ 2:23 Iomraidhean Croise

Jẹnẹsisi 18:17

Osolobuẹ nọ sị, “Nị m zuemẹni nwan Ebraham ihiẹn m chọ nị m mẹ?

Jẹnẹsisi 31:42

Omẹni ẹlẹ hụn Chuku hụn nẹdi m e fe nọyeni m — Chuku Ebraham, Chuku hụn Aziki nẹdi m a tụ egun ẹ, o te nwọnni ihiẹn nkẹ y'e ye m! Chuku a hụngụọ afụnfụn ile m rị a ta lẹ okẹn ọrụn m ile, ya haịn o gi jụgbọ ị hụn uhinhin.”

Ndị-nze Nke Ibuzọ 18:36

O ru nwan ogẹn wẹ gi a chụnnị Osolobuẹ ẹjan-ẹnyasị, onyẹ-amụma wụ Ẹlaịja nọ jẹnpụha ihun ịhịan ile, mẹ ekpere, sị, “Osolobuẹ, Chuku Ebraham lẹ Aziki lẹ Izrẹlụ! Ghọsị tannị nị ịyụ wụ Chuku imẹ alị Izrẹlụ lẹni m wụ odibo i, lẹzi ni ịyụ sị m mẹ ihiẹn ndịnị m mẹ.

Ndị-nze Nke Ibuzọ 8:57

Osolobuẹ wụ Chuku ẹnyi, ya dodo nọyeni ẹnyi k'o dọn nọyeni ndị nẹdi ẹnyi; y'a latọkwọlẹ ẹnyi mọbụ jụ ẹnyi tọ.

Ihiẹn Mẹni Nke Ibuzọ 29:10

Defidi nọ nọ idẹnya ndị Izrẹlụ ile zuni ja Osolobuẹ mma, sị, “Ịja-mma ya rịn'ị, Osolobuẹ, Chuku Izrẹlụ nẹdi ẹnyi, ya rịnị ị jẹnrin-ejẹn k'o dọn rị gha alị lala.

Ihiẹn Mẹni Nke Ibuzọ 29:13

Osolobuẹ ẹnyi, ẹnyi rị nwan a kpanmịn ị, a ja ị mma makẹni y'e nwọnkẹ ẹfan.

Ihiẹn Mẹni Nke Ẹbụọ 20:6

sị: “Euu, Osolobuẹ, Chuku ndị nẹdi ẹnyi, ịyụ sụọ wụ Chuku hụn rị elu-igwee. Ịyụ rị a kị alị-eze ile rị alị ile. Ikẹn lẹ akwanran rị ị ẹka, onwọnni onyẹ k'a s'ẹka che i ọgụn.

Ẹbụ-ọma 21:2

Y'e yegụọ a ihiẹn obi ẹ chọ — onwọnni ihiẹn ọ rịọ i yelẹn'ẹ! Sẹla

Ẹbụ-ọma 21:4

Ọ rịọ ị dọnmẹ ẹ ndụn, ị nọ dọnmẹ ẹ ndụn — ye ẹ isi-nka, kẹni o rị jẹnrin-ejẹn.

Ẹbụ-ọma 25:14

Ndị a tụ egun Osolobuẹ k'ọ gwa uche ẹ, o mẹ wẹ a ghọta Iwu ẹ.

Ẹbụ-ọma 50:14

Chụnyeni Chuku ẹjan-ekele, y'e mẹzuni Onyẹ Kachanrịnnị nkwa hụn i kwe ẹ;

Ọpụpụ 3:15

Chuku nọzị sị a, “Gwa ndị Izrẹlụ, ‘Osolobuẹ hụn wụ Chuku ndị nẹdi ụnụ, Chuku Ebraham, Chuku Aziki, Chuku Jekọpụ zihẹ m d'e kunrun ụnụ.’ Ọnwan wụ ẹfan m jẹnrin ejẹn, ẹfan agbọ ile jẹnkọ d'e gi a nyanhan m.

Itẹn 21:22

Akpụ onyẹ ohu nwọn uche k'a s'ẹka fedẹ mgbọn obodo ndị odogun-agha bu ọda rị, tikpọpụ ihiẹn hụn wẹ gi dọn ẹnya.

Itẹn 24:5

Onyẹ nwọn uche nwọn ikẹn, onyẹ hụn nwọn amamihiẹn rị e nwọnwaye ikẹn;

Itẹn 8:14

Ndụnmọdụn rị mma lẹ ezigbo akọ-lẹ-uche wụ nke m, mmẹ nwọnzi nghọta lẹ ikẹn.

Ẹkịliziastisi 7:19

Amamihiẹn e mẹ onyẹ nwọnn'ẹ a ka madụ iri rị a kị obodo ikẹn.

Ẹkịliziastisi 9:16

Ya m nọ sị, “Akọ-lẹ-uche ka mma karị akwanran.” Kanị w'e legberi amamihiẹn ogbẹnnyẹ, w'a ra gi oku ẹ dọn.

Ẹkịliziastisi 9:18

Amamihiẹn ka ihiẹn-ọgụn ikẹn; akpụ mmẹfie ohu nwọn ikẹn wiwi ihiẹn rị mma bu ọda.

Azaya 12:1

O ru ogẹn ahụn, ị k'a sị: “Euu Osolobuẹ, m k'a ja ị mma! Ezioku, i te rị e buni m olulu, kanị olulu i a rọgụọ nwan; y'a rọkọgụọ m obi.

Jerimaya 33:3

‘Kpọku m, m k'a za ị, gwa ị okẹn-ihiẹn zuerini, hụn ị marịnlẹni.

Daniẹlụ 1:17

Chuku ye ikorọbịa ẹnọnị ikẹn wẹ gi a mụ ihiẹn lẹ hụn wẹ gi a ghọta ẹkụkwọ ile lẹ ihiẹn ile w'a mụ a mụ. Daniẹlụ nkẹ a ghọta ọhụn ile lẹ nrọ ile.

Daniẹlụ 2:18

Ọ nọ sị wẹ rịọ Chuku rị elu-igwee n'o mẹni wẹ omikẹn ebe ihiẹn-omimini rị, amamgbe w'e gbu ya nwẹn wụ Daniẹlụ lẹ ibe ẹ cheni ndị a hụn ụzọ rị Babilọnụ.

Emọsụ 3:7

Ezioku-ezioku, Di-nwọnni-ẹnyi wụ Osolobuẹ ara mẹ ihiẹn-anaị bụ ọ ghọsịgụnị idibo ẹ ndị-amụma ihiẹn o bu obi.

Matiu 11:25

Ogẹn hụ kẹ Jizọsị gi sị, “M rị a kpanmịn ị Baba, Onyẹ nwọn elu-igwee lẹ ụwa, makẹni i zuemẹni ndị marịn ihiẹn lẹ ndị nwọn uche ihiẹn ndịnị, we wẹ ghọsị ụmụ-ndu.

Luku 10:21

Ogẹn hụzịkwọ, Jesu nọ ghọghọ imẹ Mmọn-nsọ, sị, “Baba, Onyẹ nwọn elu-igwee lẹ ụwa! M rị a ja ị mma ni y'e zuemẹgụọnị ndị marịn ihiẹn lẹ ndị nwọn nghọta ihiẹn ndịnị, we wẹ ghọsị ụmụ-ndu. Ẹghẹẹ Baba, ẹnịna k'ị chọ n'ọ rị.

Jọnụ 11:41

E nupụ wẹ ọmụma hụ; ya Jizọsị nọ weshi ẹnya elu, sị, “M rị a kpanmịn ị Baba, makẹni y'a nụgụọ ekpere m.

Jọnụ 15:15

Arịzị m a kpọ ụnụ igbọn, makẹlẹ igbọn amarịn ihiẹn di-nwọnn'ẹ rị e mẹ. Ọwụ kẹ m kpọ ụnụ, makẹni a gwagụọ m ụnụ ihiẹn ile m nụ ọnụ Nẹdi m.

Rẹvẹleshọnụ 1:1

Ihiẹn ndịnị kẹ Jizọsị Kraịstị ghọsị odibo ẹ wụ Jọnụ. Osolobuẹ we ihiẹn ndịnị ye Jizọsị, kẹni o we wẹ ghọsị idibo ẹ, kẹni wẹ hụn ụzọ marịn ihiẹn jẹnkọ d'e mẹ ẹhụ-nsue. Kraịstị e wepụhagụọ a ifọn ghahanị izihẹ mmọn-ozi ẹ d'a ghọsị odibo ẹ wụ Jọnụ ya.

Rẹvẹleshọnụ 5:5

Ya kẹ onyẹ ohu imẹ ndị-isi hụ nọ sị m, “Akwanzilẹ! Lee ẹ, Ẹwọrọ ebọn Juda, Mkpọgụn Defidi, e mẹrigụọ; ya furu hụn a tọpụ eriri ẹsa ndị ahụn, fịfịpụ ẹkụkwọ hụ.”