Daniẹlụ 2:22 - Ika

²² Ịya e wepụha ihiẹn mini lẹ ihiẹn zuerini ifọn, ịya marịn ihiẹn rị imẹ ishi, ịya lẹ ukpẹ wị bi.

Daniẹlụ 2:22 Iomraidhean Croise

Jẹnẹsisi 41:16

Josẹfụ nọ sị Fẹro, “Mmẹ nwẹn asakọ ẹka mẹ ẹ; kanị, Chuku k'a kọwanị Fẹro ya kẹni obi ru Fẹro alị.”

Jobu 12:22

O mẹ ihiẹn zueri imẹ ishi a pụha ifọn, e mẹ ukpẹ a rị ebe kachanrịn ishi a gba.

Jobu 26:6

Alị-mmọn gba ọtọ ẹnya Chuku; Ntikpọ nkẹ rị oghe ẹnya a.

Ẹbụ-ọma 104:2

Ukpẹ k'i yi nọkẹ ẹwuru. Ịyụ shịshịapụ igwere rịkẹ okpukpu ụlọ;

Ẹbụ-ọma 25:14

Ndị a tụ egun Osolobuẹ k'ọ gwa uche ẹ, o mẹ wẹ a ghọta Iwu ẹ.

Ẹbụ-ọma 36:9

Makẹni ịyụ gi isi-mirin e ye ndụn; ukpẹ i kẹ ẹnyi gi e legha ụzọ.

Ẹkịliziastisi 8:1

Onyẹ nọ kẹ onyẹ marịn ihiẹn? Onyẹ marịn alị ihiẹn? Amamihiẹn e mẹ ihun ịhịan e fọn, e mẹ ihun ẹ a lụlụa.

Azaya 41:22

Wẹ nọzụnhan; wẹ d'a gwa ẹnyi ihiẹn k'e mẹ ihun. Kọwa nị nị ẹnyi ihiẹn ndị mẹgụnị, kẹni ẹnyi lele nkọwa ndị ahụn, marịn kẹ wẹ dọn mẹ mọbụ ụnụ a gwa ẹnyi ihiẹn jẹnkọ d'e mẹ ihun.

Azaya 41:26

Onyẹ ku oku ihiẹnni isi mbidọn kẹni ẹnyi marịn mọbụ gwatọ ịhịan ya n'o d'e mẹ kẹni ẹnyi sị, “O kughọ a”? Onwọnni onyẹ ọwụlẹ ku oku ihiẹnni; onwọnni onyẹ gwatọ ịhịan ya, onwọnni onyẹ nụ ihiẹn ọwụlẹ ọnụ ụnụ.

Azaya 42:9

Lee ẹ, ihiẹn ile m gwa ụnụ mbụ e mẹgụọ. M rịzị nwan a gwa ụnụ ihiẹn ọhụn; m rị a gwatọ ụnụ ya hụnnị o kelẹni mẹ.”

Azaya 45:7

Mmẹ ke ukpẹ, kezikwọ ọhịhị; m'e ye ihiẹn rị mma, e yezikwọ nsọngbu; mmẹ wụ Osolobuẹ e mẹchanrịn wẹ ile.

Jerimaya 23:24

Nị ịhịan saẹka warị ebe zuerini amamgbe m'a hụn a? Ụnụ amarịn nị m rị ebe ile rị elu-igwee lẹ ụwa?

Jerimaya 33:3

‘Kpọku m, m k'a za ị, gwa ị okẹn-ihiẹn zuerini, hụn ị marịnlẹni.

Daniẹlụ 2:11

Ihiẹn eze rị a sị ẹnyi mẹ e zekẹkwọ. Onwọnni onyẹ k'a gwa eze ya mmanị mmọn, bụ arị wẹ ebeni ịhịan rị.”

Daniẹlụ 2:19

O ru imẹ abalị, Osolobuẹ nọ ghọsị Daniẹlụ ihiẹn-omimi ahụn imẹ ọhụn. Daniẹlụ nọ ja Chuku rị elu-igwee mma,

Daniẹlụ 2:47

Eze nọ sị Daniẹlụ, “Eziẹ, Chuku i ka mmọn ile; ịya a kị ndị-nze; ịya e wepụha ihiẹn-omimi ifọn, makẹni y'a sagụọ nwan ẹka wepụha ihiẹn-omimini ifọn.”

Daniẹlụ 5:11

O nwọnghọ okẹnnyẹ rị alị-eze i hụn nwọn mmọn rị nsọ imẹ ẹ. Ogẹn nẹdi i gi a kị, wẹ hụn a n'o nwọn nghọta, nwọn uche, nwọn amamihiẹn — nọkẹ mmọn. Eze wụ Nebukadineza hụn wụ nẹdi i, nẹdi i ebe oche-eze rị — tumẹ ẹ onyẹ-isi ndị-ihẹnrẹn lẹ ndị a gwọ ọgụn lẹ ndị ile a hụn ụzọ lẹ ndị a gba ẹfa; ẹghẹẹ nẹdi i tumẹ ẹ.

Daniẹlụ 5:14

A nụọlẹ m nị mmọn Osolobuẹ rị imẹ i, lẹni i nwọn nghọta, nwọn uche, nwọnzikwọ amamihiẹn pụ-ichẹn.

Matiu 13:13

Ya haịn m gi e gi ilu a gwa wẹ oku; makẹni wẹ rị e lee ilee, kanị a rị w'e legha ụzọ; w'e gọn ntịn, kanị a rị w'a nụ, a rị w'a ghọha.

Jọnụ 1:9

Onyẹ hụn wụ Ezigbo Ukpẹ hụn e ye ịhịan ile ukpẹ lala imẹ ụwa ogẹn ahụn.

Jọnụ 21:17

Jesu nọ jụzị a ya hụn mẹ ẹ mgbe ẹtọ, “Saịmọnụ nwa Jọnụ, ihiẹn m a sụọghọ ị?” Ọ nọ fụ Pita nị Jesu jụ a mgbe ẹtọ, “Ihiẹn m a sụọghọ ị?” Pita nọ sị a, “Di-nwọnni-ẹnyi, y'a marịnghọ ihiẹn ile; y'a marịnghọ nị ihiẹn i a sụọghọ m.” Jesu nọ sị a, “Lepụ atụnrụn m ẹnya.

Jọnụ 8:12

Ya kẹ Jizọsị nọ sịzị ndị ahụn o te rị a kuzi, “Mmẹ wụ ukpẹ ụwa. Onyẹ rị e sọnni m aghakọ imẹ ishi, kama, o sikọ d'e nwọn ukpẹ ahụn e ye ndụn.”

Ndị Kọrẹntị Ibuzọ 4:5

Eke hanlẹ ni nwan eṅẹn ebe ogẹn kelẹni ru. Cheri ni nị Di-nwọnni-ẹnyi bịa. O jẹnkọ d'e wepụha ihiẹn rị imẹ ishi ifọn, o kpuchanrịn obi ile oghe. Ogẹn hụ, onyẹ-onyẹ a narịn ọjịja-mma run'ẹ ẹka Osolobuẹ.

Ndị Ẹfẹsọsụ 3:5

Osolobuẹ aghọsịnị ndị mbụ ya k'o dọn nwan ghọsị ndị-ozi nsọ a pụ-ichẹn lẹ ndị-amụma nsọ a ya ogẹnni ghahanị Mmọn-nsọ.

Ditrọnọmi 29:28

Osolobuẹ gi okẹn-olulu lẹ okẹn-ọnụma bụkpọpụ wẹ alị wẹ, ma wẹ ye alị ọzọ, k'o dọn nwan rị.”

Timoti Ibuzọ 6:16

Ịya sụọ wụ onyẹ ghalẹni a nwụnhụn; Onyẹ hụn bi imẹ ukpẹ wẹ ghalẹni a s'ẹka a nọkunmẹ; Onyẹ ịhịan leghatulẹni hụn ịhịan jẹnkọlẹni d'a s'ẹka legha! Mgbaye lẹ ọkịkị itẹbitẹ wụ nke ẹ jẹnrin ejẹn! Isẹẹ.

Hibru 4:13

Ẹnya Osolobuẹ, onwọnni ihiẹn zuerini. Ẹghẹẹ, ihiẹn ile gba ọtọ, rị oghe, ẹnya onyẹ hụ ẹnyi jẹnkọ d'e ye mgbakọ.

Jemisi 1:17

Makẹni, ihiẹn ile rị mma zu oke wẹ e ye gha elu-igwee bịa — ọ gha ẹka Nẹdi hụn e ye ukpẹ ile a bịa, Nẹdi hụn ghalẹni e kuhutọ ọnụ mọbụ e yebe ukpẹ yemẹ ishi.

Jọnụ Ibuzọ 1:5

Ọnwan wụ ozi hụ ẹnyi nụ ọnụ a, hụn ẹnyi rị nwan e zi ụnụ: nị Osolobuẹ wụ ukpẹ, ishi arị imẹ ẹ kaka.