Daniẹlụ 2:2 - Ika

² Ya eze wụ Nebukadineza nọ sị wẹ kpọ ndị-ihẹnrẹn ile a hụn ụzọ lẹ ndị a gwọ ọgụn lẹ ndị a gba ẹfa lẹ ndị ile a hụn ụzọ, nị wẹ bịa d'a gwa a nrọ ọ rọ. A bịa wẹ, wẹ nọ wuzo ihun eze;

Daniẹlụ 2:2 Iomraidhean Croise

Jẹnẹsisi 41:8

Eki e fọn, obi eruni Fẹro alị; ọ nọ zi wẹ d'a kpọhan'a ndị ile a gbanị wẹ ẹfa imẹ alị Ijiptu, kẹ ndị dibiẹ kẹ ndị marịn ihiẹn. Ya Fẹro nọ ziẹnni wẹ nrọ ndị ahụn ọ rọ, kanị onwọnni onyẹ sa ẹka kọwan'a nrọ ndị ahụn.

Ẹsta 1:13

Ya eze nọ gwa ndị a dụn a ọdụn, ndị ghọta kẹ ihiẹn nọ, makẹni ẹrịra kẹ eze dọn a jụ uwẹ ndị marịn iwu lẹ ọdịnalị ọhụnma uche wẹ;

Ọpụpụ 7:11

Ya kẹ Fẹro nọ kpọbanhan ndị marịn ihiẹn lẹ ndị a gwọ ọgụn. Ndị Ijiptu ndịnị wẹ kpọbanhan nọzị gi ọgụn wẹ mẹzikwọ ihiẹn ohu hụ:

Azaya 19:3

Ndụn k'a gụchanrịn ndị Ijiptu — makẹni m k'e wiwipụ ihiẹn wẹ rotọ; wẹ k'e buru mmọn ndị hụ wẹ kpụ lẹ ndị-mmọn d'a jụ wẹ ihiẹn wẹ k'e mẹ, kẹ ndị a gba ẹfa kẹ ndị wẹ lẹ ndị-mmọn gba e ku.

Azaya 8:19

Wẹ sị ụnụ d'e kunrun ndị a gba ẹfa lẹ ndị a ma ozun lẹ ndị wẹ lẹ ndị-mmọn gba e mẹkọ, ndị a ka nwịnrịn-nwịnrịn, o furuni nị ndị alị jẹn d'a jụ Chuku wẹ ọnụ? Kị wẹ rị a jụnị ndị nwụnnị oku ndị rị ndụn?

Daniẹlụ 1:20

Imẹ ihiẹn ile w'a mụ amụ lẹ hụn chọ nghọta, ọ hụn a nị wẹ gi mgbe iri ka ndị-ihẹnrẹn lẹ ndị ile a gwọ ọgụn rị alị-eze ẹ ihiẹn a marịn.

Daniẹlụ 1:4

ikorọbịa ndị ẹhụ zu oke, ma mma ẹhụ, ndị ghọsị nị wẹ k'a saẹka mụ ụdị ihiẹn ọwụlẹ wẹ kuzi wẹ, ndị marịn ihiẹn rị e mẹni, ndị a ghọtakẹnrinni, ndị furu hụn a rụn ọrụn imẹ obi-eze. Nebukadineza sị a kuzi wẹ ẹkụkwọ lẹ asụsụ ndị Kal'di, ndị Babilọnụ.

Daniẹlụ 2:10

Ndị ahụn a hụn ụzọ nọ sị eze, “Onwọnni onyẹ rị elu-ụwa k'a s'ẹka mẹ ihiẹn eze rị a sị ẹnyi mẹ. Onwọntuni eze ọwụlẹ — k'o mẹlẹ okẹn ịhịan, k'ọ kpalẹ ikẹn — sịtu ohẹnrẹn mọbụ onyẹ a gwọ ọgụn mọbụ onyẹ a hụn ụzọ ya mẹ ihiẹn nọ ẹnịna.

Daniẹlụ 2:27

Daniẹlụ nọ sị eze, “Onwọnni onyẹ a hụn ụzọ mọbụ onyẹ a gwọ ọgụn mọbụ ohẹnrẹn mọbụ onyẹ a gba ẹfa hụn k'a s'ẹka kọwanị eze ihiẹn-omimini ọ rị a chọ n'ọ marịn;

Daniẹlụ 3:8

Ogẹn hụ kẹ ụfọdụ ndị itu ndị a hụn ụzọ nọ pụha d'e kpe ndị Ju.

Daniẹlụ 4:3

Ọ ghọsịkakwọ ẹka-o! Ọ rụnkakwọ ihiẹn a tu ẹnya!! Alị-eze ẹ wụ alị-eze itẹbitẹ; ọkịkị a k'e ru agbọ ile.

Daniẹlụ 4:6

Ya m nọ sị wẹ d'a kpọhanị m ndị ile a hụn ụzọ imẹ alị Babilọnụ, ni wẹ kọwanị m nrọ hụ.

Daniẹlụ 5:7

Eze nọ yi wẹ kpọha ndị a gwọ ọgụn lẹ ndị ile a hụn ụzọ ozigbo, wẹ lẹ ndị a gba-ẹfa. Ọ nọ sị ndị ahụn ile a hụn ụzọ imẹ Babilọnụ, “Onyẹ ọwụlẹ hụn k'a sa ẹka gụn ihiẹnni wẹ de, kọwanị m ihiẹn ọ wụ, wẹ k'e yimẹ ẹ okẹn ẹwuru pọpụ, yimẹ ẹ ihiẹn-olu goru, ọ wụrụ ube-ẹtọ imẹ alị-ezeni.”

Samuẹlụ Nke Ibuzọ 6:2

ndị Filistia nọ kpọ ndị ohẹn-mmọn wẹ lẹ ndị a gbanị wẹ ẹfa, jụma wẹ sị, “Nanị kẹ ẹnyi e mẹ Ẹkpẹti-Osolobuẹ? Gwa nị ẹnyi kẹ ẹnyi e dọn zikin ẹ alị a.”