Daniẹlụ 2:19 - Ika

¹⁹ O ru imẹ abalị, Osolobuẹ nọ ghọsị Daniẹlụ ihiẹn-omimi ahụn imẹ ọhụn. Daniẹlụ nọ ja Chuku rị elu-igwee mma,

Daniẹlụ 2:19 Iomraidhean Croise

Jobu 4:13

Ebe nrọ m rọ rị e hue m uhue imẹ uhinhin, ogẹn hụ okẹn ụran gi e buru ịhịan,

Ẹbụ-ọma 25:14

Ndị a tụ egun Osolobuẹ k'ọ gwa uche ẹ, o mẹ wẹ a ghọta Iwu ẹ.

Daniẹlụ 1:17

Chuku ye ikorọbịa ẹnọnị ikẹn wẹ gi a mụ ihiẹn lẹ hụn wẹ gi a ghọta ẹkụkwọ ile lẹ ihiẹn ile w'a mụ a mụ. Daniẹlụ nkẹ a ghọta ọhụn ile lẹ nrọ ile.

Daniẹlụ 2:22

Ịya e wepụha ihiẹn mini lẹ ihiẹn zuerini ifọn, ịya marịn ihiẹn rị imẹ ishi, ịya lẹ ukpẹ wị bi.

Daniẹlụ 4:26

Hụn ahụn ọ gwa wẹ hatu ukun osisi hụ lẹ mkpọgụn a ghọsị nị alị-eze i k'e mẹzi nke i o wegụ ị ẹnya nị Elu-igwee rị a kị.

Daniẹlụ 4:9

E sị m'a, “Bẹlụtẹshaza onyẹ-isi ndị a hụn ụzọ, a marịnghọ m nị mmọn rị nsọ rị imẹ i, nị onwọnni ihiẹn-omimi a fụ ị ọrụn ọkọwa. Lee nrọ m rọ; gwa m ihiẹn ọ wụ.

Daniẹlụ 7:2

Daniẹlụ sị: “Imẹ nrọ hụ m rọ imẹ uhinhin, e lee m ẹnya, e lee kẹ ufere rị a ghasọnmẹ ẹbamịn ẹnọ ọ gha e fe imẹ igwere e fe, e gberụrụ okẹn ohimin.

Daniẹlụ 7:7

“Ọhụn e mẹgụ, imẹ nrọ ahụn m rọ imẹ uhinhin, e lee m ẹnya ihun m ebahụn, e lee eje-anụ hụn mẹ wẹ ẹnọ; hụnnị wụ ihiẹn-egun; ndụn a rịka a! Eze igwe hi ogbe k'o nwọn; ọ dọkịka ihiẹn danban a ẹka, e ripụ, a zọkpụkpọ hụn ọwụlẹ họdụnị. Ọ rị ichẹn ebe eje-anụ ndị hụ bu ẹ ụzọ pụha rị; mpịn iri k'o nwọn.

Emọsụ 3:7

Ezioku-ezioku, Di-nwọnni-ẹnyi wụ Osolobuẹ ara mẹ ihiẹn-anaị bụ ọ ghọsịgụnị idibo ẹ ndị-amụma ihiẹn o bu obi.

Ọgụngụn 12:6

ọ nọ sị wẹ, “Gọn ni nwan ntịn ihiẹn m jẹnkọ d'e ku: Omẹni onyẹ-amụma m rị igunrun ụnụ, imẹ ọhụn kẹ m'a nọ e we enwẹn a ghọsị a; imẹ nrọ kẹ m nọ a gwa a oku.

Joshụa 22:33

Ozi wẹ nọ jun ndị Izrẹlụ ẹfọ, a ja wẹ Osolobuẹ mma; ekuzini wẹ oku ịlụsọn wẹ agha tikpọ alị hụ ndị Rubẹni lẹ ndị Gadị bi.