Daniẹlụ 2:11 - Ika

¹¹ Ihiẹn eze rị a sị ẹnyi mẹ e zekẹkwọ. Onwọnni onyẹ k'a gwa eze ya mmanị mmọn, bụ arị wẹ ebeni ịhịan rị.”

Daniẹlụ 2:11 Iomraidhean Croise

Jẹnẹsisi 41:39

Fẹro nọ sị Josẹfụ, “Ebe o mẹ ni yụ kẹ Chuku ghọsị ihiẹnni ile, onwọnni onyẹ ẹnya ru alị mọbụ onyẹ marịn ihiẹn kẹ yụ.

Jẹnẹsisi 41:8

Eki e fọn, obi eruni Fẹro alị; ọ nọ zi wẹ d'a kpọhan'a ndị ile a gbanị wẹ ẹfa imẹ alị Ijiptu, kẹ ndị dibiẹ kẹ ndị marịn ihiẹn. Ya Fẹro nọ ziẹnni wẹ nrọ ndị ahụn ọ rọ, kanị onwọnni onyẹ sa ẹka kọwan'a nrọ ndị ahụn.

Ndị-nze Nke Ibuzọ 8:27

“Kanị, nị Osolobuẹ biridẹ nwan elu ụwa ra? Elu-igwere ile, kẹ elu-igwee hụn kachanrịndẹ elu e jẹn, asakọ ẹka ru i, ọrịwụzị Ụlọ-nsọ hụnnị m tụn!

Ihiẹn Mẹni Nke Ẹbụọ 6:18

“Kanị, nị Chuku sọndẹ ịhịan biri enu-ụwa nke-esi? Elu-igwere lẹ enwẹn ẹ, kẹ elu-igwere kachanrịndẹ elu e jẹn asakọ ẹka ru i, ọrịwụzị Ụlọ-nsọnị m tụn!

Ẹbụ-ọma 132:14

“Ebeni kẹ m'a nọ zu ikẹn jẹnrin-ejẹn; ebeni kẹ m k'e bi, makẹni ya kẹ m chọ.

Ẹbụ-ọma 68:18

Ị nọ shi ebẹhụ jẹn elu, dukọ ndị ị nwụnlụa agha — ịhịan hụ e wẹhẹni i ihiẹn wẹ gi a chann'ị ẹnya, kẹ ndị te jụ nị arịkọ wẹ okpuru i — ị nọ shi ebẹhụ kẹni i biri ebẹhụ, Osolobuẹ wụ Chuku.

Ọpụpụ 29:45

e biri m imẹ igunrun ndị Izrẹlụ, a wụrụ m Chuku wẹ,

Ọpụpụ 8:19

Ndị ahụn a gwọ ọgụn nọ sị Fẹro, “Ọnwan wụkwọ ẹka ọrụn Osolobuẹ!” Kanị obi Fẹro kpọkin akpọhịn, o gọnni ntịn. O mẹhụ kẹ Osolobuẹ sị o k'e mẹ.

Azaya 47:12

Busọnmẹ ni nwan nshi ụnụ, gwọsọnmẹ ọgụn ile ụnụ a gwọ — wẹ ile kẹ ụnụ e mẹ gha ẹhụ nwa-ndu lala. Ikẹnkwọ n'ọ ghaghọnị ụnụ, ikẹnkwọ nị wẹ gighọ wẹ tụ egun ụnụ.

Azaya 57:15

Makẹni, Onyẹ hụ kachanrịnnị hụn rị ebe kachanrịnnị, Onyẹ hụn rị ndụn jẹnrin ejẹn, hụn ẹfan a rị nsọ, sị, “M bi ebe jẹn elu, ebe rị nsọ kanị mmẹ lẹ onyẹ ọwụlẹ hụn gi akpakalị obi ẹ rogharị bizikwọ, onyẹ ọwụlẹ hụn e welụa enwẹn ẹ alị — kẹni m hụn ụzọ mẹ ndụn banzị ndị welụa enwẹn wẹ alị, mẹ ndụn banzị ndị gi akpakalị obi wẹ rogharị.

Azaya 8:18

Lee m ebeni, mmẹ lẹ mmụ Osolobuẹ ye m. Ẹnyi wụ ahịma lẹ ihiẹn Osolobuẹ Nwọn ikẹn ile gi a gwa Izrẹlụ oku, Osolobuẹ hụn bi Ugu Zayọnụ.

Daniẹlụ 4:4

Mmẹ wụ Nebukadineza rị obi-eze m e bi, ẹhụ hụ e fu m, m hụ a gha ihun.

Daniẹlụ 5:11

O nwọnghọ okẹnnyẹ rị alị-eze i hụn nwọn mmọn rị nsọ imẹ ẹ. Ogẹn nẹdi i gi a kị, wẹ hụn a n'o nwọn nghọta, nwọn uche, nwọn amamihiẹn — nọkẹ mmọn. Eze wụ Nebukadineza hụn wụ nẹdi i, nẹdi i ebe oche-eze rị — tumẹ ẹ onyẹ-isi ndị-ihẹnrẹn lẹ ndị a gwọ ọgụn lẹ ndị ile a hụn ụzọ lẹ ndị a gba ẹfa; ẹghẹẹ nẹdi i tumẹ ẹ.

Juwẹlụ 3:21

M k'a gbagharị wẹ ogbugbu wẹ gbu hụn m kelẹni gbagharị wẹ; makẹni imẹ Zayọnụ kẹ mmẹ wụ Osolobuẹ bi!”

Ọgụngụn 35:34

Ẹghẹẹ, emẹrụlẹ ni alị ụnụ bi, hụn mmẹ nwẹn bi, makẹni mmẹ wụ Osolobuẹ bi imẹ igunrun ụnụ ndị Izrẹlụ.”

Matiu 19:26

Kanị Jizọsị e lee wẹ ẹnya, ọ nọ sị wẹ, “Ebe ịhịan rị, ọ sakọ ẹka mẹ, kanị ebe Osolobuẹ rị, onwọnni ihiẹn ghalẹni a saẹka e mẹ.”

Jọnụ 1:14

Oku Chuku nọ họnrin ịhịan, sọn ẹnyi biri elu-ụwa. Ẹfọma lẹ ezioku jun imẹ ẹ! Ẹnyi a hụnọlẹ ikpẹn ẹ, ikpẹn akpụ Nwa ohu Chuku-Nẹdi mụ rọ.

Jọnụ 14:17

Mmọn-nsọ a ghọsị ezioku rọ; ụwa as'ẹka nabanhan a makẹni ụwa ara hụn a, ụwa amarịn a. Kanị ụnụ a marịnghọ a, makẹni o sọn ụnụ nọdị, o k'e bisọnmẹ imẹ ụnụ.

Jọnụ 14:23

Jesu nọ za a, “Onyẹ ọwụlẹ ihiẹn m a sụọ jẹnkọ d'e mẹ ihiẹn m ku. Ihiẹn ẹ k'a gha a sụọ Nẹdi m, mmẹ lẹ Nẹdi m a bịa d'e kunrun ẹ, du ẹ biri.

Ndị Kọrẹntị Nke Ẹbụọ 6:16

Kị Ụlọ-nsọ Osolobuẹ lẹ mmọn gi? Ẹnyi wụ Ụlọ-nsọ Osolobuẹ, Chuku hụ rị ndụn, nọkẹ kẹ Osolobuẹ dọn ku ẹ, sị, “M k'e biri imẹ wẹ, e jẹnhunmẹ imẹ igunrun wẹ. M k'a wụrụ Chuku wẹ, a wụrụ wẹ ndị nke m.”

Rẹvẹleshọnụ 21:3

M nọ nụ okẹn olu gha ukpo-eze hụ a sị, “Lee ẹ, ebe-obibi Osolobuẹ rị nwan imẹ igunrun ịhịan; o k'e bi imẹ igunrun wẹ, wẹ k'a wụ ndị nke ẹ; ya nwẹn k'a nọyeni wẹ, o k'a wụ Chuku wẹ.