Daniẹlụ 12:7 - Ika

⁷ Ya okẹnnyẹ ahụn yi ẹkwa linẹni hụn rị elu mirin-iyi ahụn nọ kịshi ẹka-nni lẹ ẹka-ekpẹn elu zinmẹ elu-igwee, m nọ nụ k'o kun Onyẹ Ahụn Rị Ndụn Jẹnrin-ejẹn, sị, “O k'a rị ahụa ohu cheni ahụa ẹbụọ lẹ mkpikpi. Hụn wẹ gihụ mẹrigụ ndị-nsọ, ihiẹn ndịnị ile k'e mẹzuchanrịn.”

Daniẹlụ 12:7 Iomraidhean Croise

Jobu 27:2

“Ma Chuku hụn jụ n'ọ hankọnị m eṅẹn; ma Onyẹ hụ Nwọn Ikẹn Ile hụn ye m ụyanị m rị e ri:

Azaya 62:12

Wẹ k'a kpọ wẹ “Ndị-nsọ, ndị Osolobuẹ gbapụha;” wẹ k'a kpọ yụ nwẹn wụ obodo Zayọnụ, “Obodo w'a chọ achọ, obodo wẹ Latọlẹni.”

Jerimaya 4:2

omẹni ụnụ hụ e gi ezioku lẹ ẹka rị mma lẹ ezi-omumẹ a sị, ‘Ma Osolobuẹ’ ụnụ gi e kun ẹfan m ogẹn ahụn alị ndị ọzọ e gi ẹfan Osolobuẹ gọzimẹ ibe wẹ, gi Osolobuẹ nyanma isi.”

Izikẹlụ 20:5

sị wẹ: Lee ihiẹn Osolobuẹ Nwọn Ihiẹn Ile ku: ụhụọhịn hụ m họrị Izrẹlụ, e weshi m ẹka elu kunni ebọn Jekọpụ enwẹn m, we enwẹn m ghọsị wẹ imẹ alị Ijiptu. M kishi ẹka elu sị wẹ, ‘Mmẹ wụ Osolobuẹ, hụn wụ Chuku ụnụ.’

Daniẹlụ 10:5

e lee m ẹnya, e lee okẹnnyẹ ohu yi ẹwuru linẹni lẹ akpụkpọ ukun ezigbo goru alị Ufazị.

Daniẹlụ 11:13

Makẹni, eze alị rị ẹbamịn-ugu k'e kpọngbamazị ndị agha ka ndị ibuzọ ọda. Ahụa ole-lẹ-ole ghagụ, ọ kịpụha igunrun ndị-agha hi-ogbe wẹ kwademẹgụ agha ọhụnma-ọhụnma d'a lụ agha.

Daniẹlụ 12:6

Ohu imẹ wẹ nọ sị okẹnnyẹ ahụn yi ẹkwa linẹni, hụn rị imẹ-elu ebẹhụ iyi ahụn rị, “Ele mgbe kẹ ihiẹn-egun ndịnị k'e mẹ?”

Daniẹlụ 12:8

A nụghọ m ihiẹn o ku, bụ aghọtanị m. Ya m nọ sị, “Diọkpa, kị ihiẹn ndịnị ile k'e buhẹ?”

Daniẹlụ 4:31

Oku hụ e ke gụ a ọnụ kẹ olu ohu gha elu-igwee bịa, sị: “Eze wụ Nebukadineza, wẹ rị nwan a sị ị nị: Eze a pụgụọ ị ẹka.

Daniẹlụ 4:34

Ogẹn hụ e zugụ, mmẹ wụ Nebukadineza nọ bu ẹnya zinmẹ elu-igwee, ẹnya nọ dọn m. M nọ ja Onyẹ Hụ kachanrịnnị mma; a gbaye m onyẹ hụ rị ndụn jẹnrin ejẹn, ye ẹ ọghọ. Ọkịkị a wụ ọkịkị itẹbitẹ; alị-eze ẹ k'a rị agbọ ile.

Daniẹlụ 7:21

Ebẹhụ m rị e lee ile, mpịnnị nọ mayemẹ ndị-nsọ ọgụn, e mẹri wẹ,

Daniẹlụ 7:25

O k'e kuja oku Onyẹ hụ Kachanrịnnị, a bịangbu ndị-nsọ a, mẹmẹ n'o gbehutọ ogẹn mmẹmmẹ ichẹn-ichẹn lẹ iwu. Wẹ k'e we ndị-nsọ che ẹ ẹka n'o mẹshi wẹ ikẹn ahụa ẹtọ lẹ mkpikpi.

Daniẹlụ 8:14

Ọ nọ sị m, “O k'a nọ ẹnyasị lẹ ụtụntụn ọgụn-mmisẹn kwasị nnụ-isẹn (2,300); ogẹn ahụn kẹ w'e gi dọnzi Ụlọ-nsọ hụ rụnị.”

Daniẹlụ 8:24

O k'e kẹnrẹn ọda-ọda, kanị ẹlẹ ikẹn ya lẹ enwẹn ẹ k'o k'e gi kẹnrẹn. O k'e se okẹn ntikpọ a tụ ẹnya, ihiẹn ile o mẹ a ghachanrịnn'a. O k'e tikpọdẹ ndị dikẹn lẹ ndị-nsọ.

Luku 21:14

Kwademẹ ni nwan obi nị ụnụ erotọkọ ihiẹn ụnụ e gi kinrin ọnụ ụnụ.

Luku 21:24

Wẹ k'e gi ọpịa-agha gbu wẹ, kpụnrụn wẹ shi alị ile rị ichẹn-ichẹn. Alị ndị ọzọ jẹnkọ d'a zọ Jerusalẹm ụkụ d'e ru nị ogẹn alị ndị ọzọ e zu.

Ditrọnọmi 26:19

O kugụọ a n'o k'e bu ụnụ che ọnọdị wẹ k'e gi ja ụnụ mma, a nụ otiti ụnụ, ọnọdị ụnụ a nọ nwọn ọghọ karị ndị ile o ke, lẹni ụnụ k'a wụ ndị-nsọ Osolobuẹ wụ Chuku ụnụ, k'o dọn kwe nkwa.

Ditrọnọmi 32:36

Osolobuẹ k'a tụnnị ndị nke ẹ ụya, mẹ omikẹn idibo ẹ, ọ hụn a nị ndụn a gụgụọ wẹ, nị onwọnni onyẹ họdụnị — kẹ igbọn kẹ ndị nwọn enwẹn wẹ.

Ditrọnọmi 32:40

M rị nwan e bu ẹka e zinmẹ igwere, a sị: Ebe m rị ndụn jẹnrin-ejẹn,

Ditrọnọmi 7:6

Makẹni ụnụ wụ ndị rị nsọ ẹnya Osolobuẹ wụ Chuku ụnụ. Imẹ ndị ile rị elu-ụwa, ụnụ kẹ Osolobuẹ họrị nị ụnụ wụrụ ndị nke ẹ pụ-ichẹn.

Pita Ibuzọ 2:9

Kanị, ụnụ nwẹn wụ agbọ wẹ họrị ahọrị; ndị nchụn-ẹjan Eze; ebọn rị nsọ; ndị nke Osolobuẹ kẹti-kẹti, kẹni ụnụ a ghọsị ẹka-ọrụn Onyẹ hụn kpọpụha ụnụ imẹ ishi bu ụnụ che imẹ ukpẹ ẹ rịgbu enwẹn ẹ mma.

Rẹvẹleshọnụ 12:14

Kanị, e ye wẹ okpoho hụ nku ẹbụọ, nku ugọn uku, kẹni ọ gha ebe agwọ hụ rị fepụ, shi imẹ atụ, ebe wẹ jẹnkọ d'a nọ e ye ẹ ihiẹn-oriri ahụa ẹtọ lẹ ifọn isin.

Rẹvẹleshọnụ 12:6

Ya okpoho hụ nọ gbashi imẹ atụ d'a nọdị ebẹhụ Osolobuẹ kwademẹn'ẹ, ebe wẹ k'a nọ e ye ẹ ihiẹn-oriri akpọhịn ọgụn-ẹtọ kwasị nnụ-ẹtọ, (1,260).

Rẹvẹleshọnụ 13:5

Wẹ ye eje-anụ hụ ọnụ o gi e ku okẹn ihiẹn, e ku arụ, ye ẹ ikẹn ọrọgbọ ifọn ẹbụọ kwasị ọgụnnaị.

Rẹvẹleshọnụ 4:10

ndị-isi ẹnọ-kwasị-ọgụn ahụn e fiẹnrin alị ihun ẹ, ihun Onyẹ hụ nọdị ukpo-eze gi fe ẹ, Onyẹ ahụn rị ndụn jẹnrin ejẹn, wẹ hụ a tụ okpu-eze rị wẹ isi e ye ihun ukpo hụ, a sị,

Rẹvẹleshọnụ 4:9

Ihiẹn ẹnọ ahụn rị ndụn yegụ Onyẹ ahụn rị ndụn jẹnrin ejẹn hụn nọdị alị ukpo-eze ọghọ lẹ mgbaye lẹ ekele ẹnịna,