Daniẹlụ 12:6 - Ika

⁶ Ohu imẹ wẹ nọ sị okẹnnyẹ ahụn yi ẹkwa linẹni, hụn rị imẹ-elu ebẹhụ iyi ahụn rị, “Ele mgbe kẹ ihiẹn-egun ndịnị k'e mẹ?”

Daniẹlụ 12:6 Iomraidhean Croise

Ẹbụ-ọma 74:9

Ẹnyi arịzị a hụn ọrụn-atụmẹnya ndị ẹnyi gi marịn ị; onwọnzini onyẹ-amụma họdụnị; onwọnzikwọnị onyẹ nke ẹnyi marịn kẹ ụyanị k'e biehan!

Izikẹlụ 9:2

M nọ hụn ikẹnnyẹ isin kẹ wẹ lala: wẹ gha ibẹka Ọnụ-mgbọn hụ rị mkpọnyin lala — Ọnụ-mgbọn hụ bu ihun zinmẹ ẹbamịn-ugu. Onyẹ-onyẹ imẹ wẹ bu ihiẹn o gi e gbu. Okẹnnyẹ ohu hụn yi ẹkwa-linẹni rị imẹ wẹ, o kẹn ihiẹn wẹ gi e de ihiẹn ukun. Wẹ ile nọ bịa d'e wuzo ẹhụ ukpo nchụn-ẹjan igwe-bronzu Ụlọ-nsọ.

Daniẹlụ 12:5

Ya kẹ mmẹ wụ Daniẹlụ nọ lee ẹnya, e lee madụ ẹbụọ ọzọ turu mkpẹnrẹn ote-mirin ahụn: ohu wuzo mkpẹnrẹnni, ohu wuzo mkpẹnrẹnni.

Daniẹlụ 12:8

A nụghọ m ihiẹn o ku, bụ aghọtanị m. Ya m nọ sị, “Diọkpa, kị ihiẹn ndịnị ile k'e buhẹ?”

Daniẹlụ 8:13

Ya m nọ nụ kẹ onyẹ-nsọ ohu rị e ku oku, onyẹ-nsọ ọzọ nọ sị a, “Nanị ọhụnnị e biehan d'e mẹ — ọhụn ahụn gbashịarịnị ẹjan w'a chụsọnmẹ ụhụọhịn-ụhụọhịn lẹ arụ ahụn k'e buhẹ ntikpọ, lẹzi ọlatọ wẹ k'a latọn'a Ụlọ-nsọ lẹ igunrun ndị nsọ o k'a zọkpụkpọ?”

Daniẹlụ 8:16

M nọ nụ olu okẹnnyẹ rị a gha Ote-mirin Ulaị a hị, “Gebrẹlụ, gwa okẹnnyẹ hụ ihiẹn ọhụn ahụn wụ.”

Matiu 24:3

Jizọsị nọdị alị elu Ugu Olivu, ndị nsọnmazụụn a nọ bịa d'e kunrun ẹ ebẹhụ ya sụọ nọdị, sị, “Gwa ẹnyi, elee ogẹn kẹ ihiẹn ndịnị jẹnkọ d'e mẹ? Kị wụ ahịma ọbịbịa ị lẹ ahịma ọgụgụ-ogẹn?”

Makị 13:4

“Gwa ẹnyi, elee ogẹn kẹ ihiẹn ndịnị sikọ d'e mẹ? Kị wẹ e gi marịn nị ihiẹn ndịnị ile e d'e mẹmẹ?”

Ndị Ẹfẹsọsụ 3:10

kẹni o gi ụka ghọsị ndị-ọkịkị lẹ eje-mmọn ile ikẹn rị ẹka wẹ imẹ elu amamihiẹn Osolobuẹ hụn nwọn agala bu ọda.

Pita Ibuzọ 1:12

Osolobuẹ nọ ghọsị wẹ nị ẹlẹ wẹ, nị ụnụ kẹ wẹ rị e zitọnị ozi. Ụnụ a nụgụọ a nwan ọnụ ndị wẹhẹni ụnụ oziọma ghahanị ikẹn Mmọn-nsọ ahụn Osolobuẹ gha elu-igwee zihẹ. Ndị mmọn-ozi nkẹ a chọka nị wẹ leghadẹ ihiẹn ndịnị!

Rẹvẹleshọnụ 15:6

Ndị mmọn-ozi ẹsa hụ gi eje-afụnfụn ẹsa hụ nọ gha ebẹhụ pụha. Wẹ yisọnmẹ ẹkwa linẹ nwunni rị e gbukeni, gi ihiẹn goru kẹnhunmẹ obi.

Rẹvẹleshọnụ 19:14

Ndị-agha elu-igwee nyinkọ ẹshin ọchan sọnkọ a. Ẹwuru wẹ wụ ezigbo linẹ ọchan nwọnlẹni nkarụ.

Rẹvẹleshọnụ 6:10

Wẹ nọ weshi olu wẹ elu yi, “Euu Di-nwọnni-ẹnyi, Onyẹ ihiẹn ile rị okpuru ẹ, onyẹ rị nsọ, onyẹ ezioku! Nanị kẹ y'e biehan d'e kin ndị rị elu-ụwa ikpe, gbugwarị wẹ ogbugbu wẹ gbu ẹnyi?”