Daniẹlụ 12:3 - Ika

³ Ndị hụn nwọn uche k'a gha egbuke kẹ igwere, ndị hụn k'e mẹ ịhịan hutọ mẹmẹ ezi-omumẹ k'e gbuke kẹ kokisẹ jẹnrin ejẹn.

Daniẹlụ 12:3 Iomraidhean Croise

Ọpụpụ 34:35

a hụn w'a nị ihun ẹ rị e gbuke; Mozizi e gizi ẹkwa hụ kpumẹ ihun d'e ru mgbe o jẹn d'e duzi Osolobuẹ ku.

Itẹn 11:30

Elu onyẹ ezi-omumẹ wụ osisi e ye ndụn; onyẹ ma nwọnhẹn obi ịhịan a marịnghọ ihiẹn.

Itẹn 3:35

Onyẹ nwọn uche jẹnkọ d'e nwọnrin mgbaye, kanị ịfa kẹ onyẹ nzuzu sikọ d'e nwọnhẹn.

Itẹn 4:18

Kanị ụzọ onyẹ ezi-omumẹ nọ kẹ eki rị e fọnni, hụn e fọnwaye ofọnwaye-ofọnwaye d'e runi o fọnchanrịn.

Ẹkịliziastisi 12:9

Ẹlẹdẹ nị Onyẹ-nkuzi marịn ihiẹn sụọ, kama, ọ kuzizi ịhịan ihiẹn. O leban itẹn bu ọda ẹnya, chọpụhasọnmẹ alị wẹ, detusọnmẹ wẹ usọnrọn-usọnrọn.

Azaya 53:11

Ọ tagụ afụnfụn, nwụnhụn, ọ k'a hụn ihiẹn ọ rụn, ẹfọ e jun ẹ. Odibo m k'e mẹ wẹ hatu ndị bu ọda ikpe ma hụn sikọ d'a marịnn'a — o k'e buru njọ wẹ.

Jerimaya 23:22

Omẹni e te nọdịọlẹ wẹ ọgwa m, nkẹ e zi wẹ ndị nke m ozi m, e mẹ wẹ wẹ bibehi eje-obibi wẹ, mẹ wẹ latọ eje-ihiẹn ndị wẹ rị e mẹ.

Daniẹlụ 11:33

“Ndị marịn ihiẹn jẹnkọ d'e dumẹ ndị bu ọda, a kuzi wẹ, kanị wẹ k'e gi ọpịa-agha lẹ ọkụn gbu ndị ahụn marịn ihiẹn ẹkẹrẹ ogẹn, a nwụnrụn wẹ, a kwarị ihiẹn wẹ.

Daniẹlụ 11:35

Imẹ ndị hụ marịn ihiẹn, o nwọn ndị k'a kpọgburu imẹ okukwe wẹ, e gi wẹ ẹ chanchan wẹ kẹ w'a chanchan goru, dọn wẹ nsọ, mẹ wẹ zu oke d'e ru ogẹn ọgụgụ, makẹni o k'a bịarịrị o ru ogẹn ẹ.

Daniẹlụ 12:10

Ndị bu ọda jẹnkọ d'a chanchan enwẹn wẹ, a wụrụ wẹ ndị nwọnlẹni nkọrịanị, a chanchan wẹ wẹ kẹ w'a chanchan goru, kanị ndị eje-ịhịan k'e mẹsọnmẹ eje-ihiẹn. Onwọnni onyẹ e mẹ eje-ihiẹn k'a ghọtanị, kanị ndị marịn ihiẹn k'a ghọta.

Matiu 13:43

Ogẹn hụ, ndị ezi-omumẹ k'a gha gbukepụ kẹ ẹnyanwụn imẹ Alị-eze Nẹdi wẹ. Onyẹ hụn nwọn ntịn ya nụ.

Matiu 19:28

Jizọsị nọ sị wẹ, “M rị a gwa ụnụ ezioku, ụwa ọhụn lalanị, ogẹn hụ Nwa nke Ịhịan k'a nọdị okẹn ukpo ẹ, ụnụ ndị hụn sọnni m sikọ d'a nọdịsọnmẹ ukpo mmẹbụọ, a hannị ebọn mmẹbụọ Izrẹlụ eṅẹn.

Matiu 24:45

“Onyẹ wụ nwan odibo hụ furu nị wẹ gi ẹ dọn ẹnya, odibo ahụn marịn ihiẹn, hụn di-nwọnn'ẹ sị lepụn'a ezi-lẹ-ụlọ a ẹnya, e ye wẹ ihiẹn-oriri ogẹn furuni?

Jọnụ 4:36

Onyẹ rị a ghọnị hụ a ghọ, a narịn ụgwọ-ọrụn a, e kpọntọnị ndụn itẹbitẹ, kẹni hụn kụnn'a lẹ hụn ghọn'a nwọngbama ịghọghọ.

Jọnụ 5:35

Jọnụ te rị a dụn, e nwun kẹ ukpẹ; ụnụ a ghọghọghọ nị ukpẹ ẹ ẹkẹrẹ ogẹn.

Ọrụn Ndị-ozi 13:1

O nwọn ndị amụma lẹ ndị-nkuzi rị ụka rị Antịọkụ. Ndịnị wụ: Banabasị lẹ Simiọnụ w'a kpọ Onyẹ-ogi lẹ Lushiọsụ onyẹ alị Saịrini lẹ Manẹni hụn ya lẹ Hẹrọdụ nọ ụlọ ohu sue lẹzi Sọlụ.

Ndị Kọrẹntị Ibuzọ 3:10

Ghahanị ikẹn Osolobuẹ ye m, e gbegụọ m iyetọ nọkẹ ọka ịtụn-ụlọ; onyẹ ọzọ rị nwan a tụnye elu ẹ. Onyẹ-onyẹ lekpọkwọ ihiẹn ọ rị a tụnye elu iyetọ ahụn,

Ndị Ẹfẹsọsụ 4:11

Ịya yesọnmẹ ụka a ndị-ozi pụ-ichẹn, ndị-amụma e zi ozi Osolobuẹ, ndị e jẹnhunmẹ e zi oziọma, ndị ụkọ-Chuku lẹ ndị-nkuzi.

Hibru 5:12

Ẹghẹẹ, ụnụ te furu nwan a kuzi ndị ọzọ, kanị ụnụ e họnrinzi ndị w'a kuzimẹzi ihiẹn ibuzọ rị oku Osolobuẹ! Ụnụ e họnrinzi ndị wẹ e ye mirin-ẹran mmaka ẹlẹ ihiẹn-oriri ndị ka ẹhụ!

Pita Nke Ẹbụọ 3:15

Weri n'ẹ nị ndidin Di-nwọnni-ẹnyi wụ oghere ịhịan e gi nwọnrin nzụọpụha — kẹ ezi nwẹnẹ ẹnyi wụ Pọlụ dọnzi dejẹnni ụnụ ghahanị amamihiẹn Osolobuẹ ye ẹ.

Rẹvẹleshọnụ 1:20

“O mẹ nke kokisẹ ẹsa ahụn ị hụn ẹka-nni m lẹ obu-ukpẹ ẹsa hụ, lee ihiẹn wẹ wụ: kokisẹ ẹsa ahụn wụ ndị-isi ẹsa a nọkin ẹnya ụka ẹsa ahụn. Obu-ukpẹ ẹsa ahụn wụ ụka ẹsa ahụn.

Ndị Han Eṅẹn 5:31

“Euu Osolobuẹ, ndị iṅẹnrẹn i ile wẹ la iwi ẹrịra! Kanị, ndị ihiẹn i a sụọ wẹ nọ kẹ ẹnyanwụn, ebe ọ nọ wachanrịn!” Agha hụ e bigụ, udọn nọ rị alị ahụa ọgụnnaị.