Daniẹlụ 12:2 - Ika

² Ndị ahụn ile nwụnhụnnị hụn rị imẹ alị jẹnkọ d'e tẹnhin: ndị k'e nwọn ndụn itẹbitẹ lẹ ndị ọzọ k'e nwọn ifẹnrẹn itẹbitẹ.

Daniẹlụ 12:2 Iomraidhean Croise

Itẹn 12:8

Kẹ ịhịan marịnhan ihiẹn kẹ w'a jahan a mma, kanị w'e legberi ndị e ro ahan-ahan e legberi.

Azaya 26:19

Kanị, ndị nke i nwụnnị jẹnkọ d'a rịzị ndụn; ozun wẹ k'e lihi. Ụnụ ndị rị nwan imẹ alị, tẹnhin ni yimẹ oro ịghọghọ! Igirigi lalanịnị ụnụ rị kẹ igirigi ụtụntụn, alị k'e gi ẹ mụpụha ndị nwụnnị rịn'a.

Azaya 66:24

Wẹ k'a gha a pụ d'e lee ozun ndị ahụn feni m isi, makẹni ọhọrị k'e rini wẹ anwụnkọ, ọkụn k'a rị a dụn wẹ etinyụnkọ. Wẹ k'a wụrụ ihiẹn-ize ẹnya ịhịan ile.”

Jerimaya 20:11

“Kanị Osolobuẹ nọyeni m anọyeni nọkẹ okẹn odogun-agha. Ya wụnị ndị rị e kpokponi m jẹnkọ d'a dan, emẹrikọ wẹ; wẹ jẹnkọ d'a fa ọhụnma-ọhụnma ifẹnrẹn wẹ agụkọ.

Izikẹlụ 37:12

Bu nwan amụma sị wẹ, ‘Osolobuẹ Nwọn Ihiẹn Ile sị: Ndị nke m, lee ẹ, m jẹnkọ d'e kpupụ ili ụnụ, wepụha ụnụ imẹ wẹ, e welụa m ụnụ alị Izrẹlụ.

Hosia 13:14

Nị m gbapụha wẹ nwan ẹka ọnwụn? Nị m gbapụha wẹ nwan ẹka ili! Ọnwụn! Wẹhẹchanrịn ihiẹn ile i gi e gbu! Alị-mmọn! Wẹhẹchanrịn ihiẹn ile i gi e tikpọ! Emẹkọzị m omikẹn ndịnị!

Matiu 25:46

Ogẹn ahụn, e shi wẹ d'a tama afụnfụn itẹbitẹ, kanị ndị ezi-omumẹ e shi ndụn itẹbitẹ.”

Ọrụn Ndị-ozi 24:15

Ihiẹn ohu hụ ndịnị rị e lee ẹnya a ẹka Osolobuẹ kẹ mmẹ nwẹn rịzị e lee ẹnya a: nị ndị nwụnhụnnị jẹnkọ d'e lihi, kẹ ndị ezi-omumẹ kẹ ndị njọ.

Ọrụn Ndị-ozi 7:60

Ya ọ nọ gbu osekpu, weshi olu elu, yi, “Di-nwọnni-ẹnyi, agụnkwọlẹ njọnị yeni wẹ!” O kugụ a, ọ nọ nwụnhụn.

Ndị Rom 9:21

Ọkpụ-ite enwọnzi ikẹn gi ọkpụkpụ-ụrụa kpụ ihiẹn ọ chọ n'ọ kpụ? Ọsụọ a o gi ẹ kpụ ite wẹ gi ẹ mẹ ihiẹn-ọghọ, ọ sụọzịkwọ a o gi ẹ kpụ ite wẹ gi e gbu alị.

Ndị Tẹsalonika Ibuzọ 4:14

Makẹni, kẹ ẹnyi dọn kweri nị Jesu nwụnhụn, lihizi, ẹrịra kẹ ẹnyi dọnzi kweri nị Osolobuẹ k'e gi Jesu wekinhẹn ndị hụn kwerinin'ẹ hụn rị ụran.

Rẹvẹleshọnụ 20:12

M nọ hụn ndị nwụnhụnnị kẹ wẹ turu nwan ihun ukpo-eze hụ, kẹ onyẹ-uku kẹ onyẹ-nta. E kpupụsọnmẹ wẹ ẹhụhụọ bu ọda; ya wẹ nọzị kpupụ ẹhụhụọ ọzọ, hụn wụ ẹkụkwọ ndụn-itẹbitẹ. Wẹ nọ gi ihiẹn wẹ detọsọnmẹ imẹ ẹhụhụọ ndị hụ kin onyẹ-onyẹ ikpe ihiẹn o mẹ.