Daniẹlụ 12:10 - Ika

¹⁰ Ndị bu ọda jẹnkọ d'a chanchan enwẹn wẹ, a wụrụ wẹ ndị nwọnlẹni nkọrịanị, a chanchan wẹ wẹ kẹ w'a chanchan goru, kanị ndị eje-ịhịan k'e mẹsọnmẹ eje-ihiẹn. Onwọnni onyẹ e mẹ eje-ihiẹn k'a ghọtanị, kanị ndị marịn ihiẹn k'a ghọta.

Daniẹlụ 12:10 Iomraidhean Croise

Ẹbụ-ọma 107:43

Ndị marịn ihiẹn wẹ rokpọ ihiẹn ndịnị wẹ, wẹ lekpọ ihiẹn-ọsụsụọ Osolobuẹ.

Ẹbụ-ọma 51:7

Gi ẹrurushin-hisopu i fe m ẹhụ kẹni m rịzị ọchan; sụ m ọhụnma-ọhụnma lekẹ ẹkwa, kẹni m nwunnahịn ẹkwa-ọchan.

Itẹn 1:5

Onyẹ hụn marịn ihiẹn ya gọnzikwọ wẹ ntịn, gi wẹ marịnwaye; wẹ k'e yezikwọnị onyẹ nwọn uche ẹka bi;

Azaya 1:18

Osolobuẹ sị, “Bịa nị nwan nị ẹnyi ku: ọsụọn'a njọ e mẹgụọ ụnụ nwunmẹ ododo-ododo, m k'e mẹ ụnụ nwunmẹ kẹ ẹkwa-ọchan! Ọsụọn'a n'o mẹgụọ ụnụ nwunmẹ ufie-ufie, ụnụ k'e nwunmẹ kẹ oruru ọchan.

Izikẹlụ 36:25

E fekpu m ụnụ mirin nwunni, gi ẹ fepụ ụnụ ụrụ ile ụnụ rụ lẹ mmọn ile ụnụ fe.

Izikẹlụ 47:11

“Kanị alị eje-ẹfịfịa lẹ alị eje-ịkpọtọ ndị rị a la iwi mkpẹnrẹn ohimin ahụn arịkọ mma, nnu e wiwi alị k'e weri wẹ.

Daniẹlụ 11:33

“Ndị marịn ihiẹn jẹnkọ d'e dumẹ ndị bu ọda, a kuzi wẹ, kanị wẹ k'e gi ọpịa-agha lẹ ọkụn gbu ndị ahụn marịn ihiẹn ẹkẹrẹ ogẹn, a nwụnrụn wẹ, a kwarị ihiẹn wẹ.

Daniẹlụ 11:35

Imẹ ndị hụ marịn ihiẹn, o nwọn ndị k'a kpọgburu imẹ okukwe wẹ, e gi wẹ ẹ chanchan wẹ kẹ w'a chanchan goru, dọn wẹ nsọ, mẹ wẹ zu oke d'e ru ogẹn ọgụgụ, makẹni o k'a bịarịrị o ru ogẹn ẹ.

Daniẹlụ 12:3

Ndị hụn nwọn uche k'a gha egbuke kẹ igwere, ndị hụn k'e mẹ ịhịan hutọ mẹmẹ ezi-omumẹ k'e gbuke kẹ kokisẹ jẹnrin ejẹn.

Hosia 14:9

Ndị marịn ihiẹn wẹ ghọta ihiẹn ndịnị; ndị nwọn nghọta wẹ marịn ihiẹn wẹ wụ. Makẹni ụzọ Osolobuẹ furu efuru, ndị kụrụ ọtọ a gha wẹ, kanị ndị e mẹfieni a kpọgburu, a dan.

Zẹkaraya 13:9

m k'e mẹ ụzọ ohu hụ họdụnị gha imẹ ọkụn, gi ẹ chanchan wẹ kẹ w'a chanchan siliva; gi ẹ lele wẹ kẹ wẹ e lele goru. Wẹ k'a kpọku ẹfan m, a za m wẹ; m k'a sị, ‘Wẹ wụ ndị nke m’, a sị wẹ, ‘Osolobuẹ wụ Chuku ẹnyi.’ ”

Malakaị 3:3

O k'e mẹ kẹ onyẹ e gi ọkụn a dụnchanpụ nsịn siliva e wepụha ezigbo siliva, o wepụ ebọn Livaị unyin kẹ wẹ e wepụ unyin rị goru lẹ siliva, a wụrụ wẹ nke Osolobuẹ, a sa ẹka a chụn ẹjan hụn Osolobuẹ a narịn.

Makị 4:11

Ọ nọ sị wẹ, “Ụnụ kẹ w'a nị marịn ihiẹn-nzuzue Alị-eze Osolobuẹ, kanị nke ndị rị ogbe, ilu kẹ wẹ gi a gwa wẹ ihiẹn ile;

Luku 24:25

Ya Jizọsị nọ sị wẹ ẹbụbụọ, “Ụnụ e zuzukẹ! Ihiẹn ile ndị-amụma ku imẹ Ẹkụkwọ-nsọ a fụka ụnụ ọrụn okweri!

Jọnụ 18:37

Ya Paịleti nọ jụ a, “Eze k'ị wụ nwan?” Jizọsị nọ sị a, “Ọ ghagụọ ọnụ ị pụha ni m wụ eze. M bịa d'a shịanị ezioku ẹri: ufiri ẹ kẹ wẹ gi mụ m; ịya haịn m gi bịa imẹ ụwa. Onyẹ wụ nke ezioku e gọn ntịn oku m.”

Jọnụ 7:17

Onyẹ kwademẹ obi ẹ n'o k'e mẹ uche Osolobuẹ ọ marịn kẹ nkuzi m gha ẹka Osolobuẹ bịa ra uche m kẹ m rị e ku.

Jọnụ 8:47

Onyẹ wụ nke Osolobuẹ e gi oku Osolobuẹ e dọn. Ụnụ ẹlẹ nke Osolobuẹ haịn ụnụ gilẹni e gi oku Osolobuẹ e dọn.”

Ndị Kọrẹntị Ibuzọ 6:11

Ihiẹn ndịnị kẹ ụfọdụ imẹ ụnụ te wụ, kanị Osolobuẹ ẹnyi gi Mmọn-nsọ a chanchan ụnụ; o dọn ụnụ nsọ, gi ẹfan Jizọs Kraịstị Di-nwọnni-ẹnyi nabanhan ụnụ.

Ndị Kọrẹntị Nke Ẹbụọ 7:1

Ndị nke m, hụnnị Osolobuẹ kwe ẹnyi nkwa ndịnị, nị ẹnyi chanpụ enwẹn ẹnyi ihiẹn ile e mẹrụ ẹhụ lẹ mmọn, gi egun Osolobuẹ a rịchanrịn nsọ.

Taịtọsụ 2:14

Jizọsị Kraịstị, hụn gi ufiri ẹnyi we enwẹn ẹ ye, n'ọ gbapụha ẹnyi imẹ njọ ile, gi ẹ chanchanpụhanị enwẹn ẹ ndị k'a wụchanrịn nke ẹ, ndị ihiẹn rị mma a dụ omumẹ.

Hibru 12:10

Ndị nẹdi ẹnyi a zụn ẹnyi ẹkẹrẹ ogẹn k'ọ rị wẹ, kanị Osolobuẹ rị a zụn ẹnyi nị ẹnyi ban erere pụ-ichẹn: nị ẹnyi sọn ẹ rị nsọ.

Pita Ibuzọ 1:22

Ebe o mẹ ni ụnụ a chanchangụọ nwan obi ụnụ ghahanị ịgbaye ezioku Osolobuẹ, ụnụ sikọ d'a saẹka e nwọn ezigbo ihiẹn-ọsụsụọ ibe ụnụ. E gi ni nwan obi ụnụ ile, obi rị ọchan, e nwọn ihiẹn-ọsụsụọ ibe ụnụ —

Pita Ibuzọ 1:7

wẹ rị e gi wẹ a ghọsị nị okukwe ụnụ wụ ezigbo ẹ, makẹni okukwe ụnụ ka goru mkpa bụ wẹ e gidẹ ọkụn e lele goru — ọsụọn'a nị goru e wiwi ewiwi! Wẹ rị e lele okukwe ụnụ, kẹni wẹ ja ụnụ mma ogẹn Jizọsị e gi bịa, ye ụnụ ọghọ lẹ mgbaye.

Jọnụ Ibuzọ 5:20

Ẹnyi a marịnghọ nị Nwa Osolobuẹ a bịagụọ, n'o yegụọ ẹnyi nghọta hụn ẹnyi e gi marịn onyẹ ahụn wụ Ezioku. Ẹnyi rị nwan imẹ onyẹ ahụn wụ Ezioku lẹ Nwa a wụ Jesu Kristi. Ịya wụ Osolobuẹ nke-esi lẹ ndụn-itẹbitẹ.

Rẹvẹleshọnụ 16:11

wẹ nọ kpọma Chuku rị elu-igwee iyi makẹ ụfụ lẹ ẹtẹ rị wẹ ẹhụ; ebihutọnị wẹ ẹka.

Rẹvẹleshọnụ 19:14

Ndị-agha elu-igwee nyinkọ ẹshin ọchan sọnkọ a. Ẹwuru wẹ wụ ezigbo linẹ ọchan nwọnlẹni nkarụ.

Rẹvẹleshọnụ 19:8

“E yegụọ wẹ nwagbọọ hụ ezigbo ẹkwa linẹ yiri, ẹkwa linẹ nwunni rị e gbukeni,” makẹni ẹkwa linẹ hụ rị a ghọsị ọrụn ọma ndị nke Osolobuẹ rụn.

Rẹvẹleshọnụ 22:11

Onyẹ e mẹ njọ ya mẹsọnmẹ; onyẹ e bi eje-obibi ya bisọnmẹ; onyẹ ezi-omumẹ ya mẹsọnmẹ; onyẹ rị nsọ ya rịsọnmẹ.”

Rẹvẹleshọnụ 3:18

M rị nwan a dụn ị ọdụn: ṅọnnarịn m ezigbo goru unyin rịlẹni, kẹni i hụn ụzọ wụrụ ọdanfịn nke-esi; ṅọnnarịn m ẹkwa ọchan yiri amamgbe w'a hụn ọtọ ị ahụn e mẹ ifẹnrẹn; ṅọnnarịnzị m ọgụn-ẹnya tụnye ẹnya, kẹni i leghama ụzọ.

Samuẹlụ Nke Ibuzọ 24:13

Ọ nọ nwan kẹ ndị akan dọn ku ẹ, ‘Imẹ ndị e mẹ eje-ihiẹn kẹ eje-ihiẹn gha a pụhasọnmẹ.’ Emẹtụkọ m'ị nwan ẹka.