Daniẹlụ 12:1 - Ika

¹ “O ru ogẹn hụ, Maịkẹlụ onyẹ-isi ndị mmọn-ozi, onyẹ hụn e che ndị nke ụnụ nche, k'a pụha. Ogẹn nsọngbu k'a rị, ụdị hụn rịtulẹni kete anị ichẹn-ichẹn e bidọnlẹ. Kanị, o ru ogẹn hụ, wẹ k'a gbapụha ndị nke ụnụ, wẹ ile ẹfan wẹ rị imẹ ẹkụkwọ hụ.

Daniẹlụ 12:1 Iomraidhean Croise

Ẹbụ-ọma 56:8

Y'a hụngụọ ẹkwan ile m rị a kwan; ị hụ e butọ ẹnya-mirin m imẹ ọgọ ị. Y'e detugụọ wẹ ile imẹ ẹkụkwọ ị.

Ẹbụ-ọma 69:28

Wẹ finchanpụ ẹfan wẹ imẹ ẹkụkwọ ndị k'a rị ndụn; w'a gụnkwọlẹ wẹ ye imẹ ndị ezi-omumẹ!

Azaya 4:3

Wẹ k'a kpọ ndị k'a họdụ imẹ Zayọnụ, imẹ Jerusalẹm, “Ndị rị nsọ”, ndị hụ ile Osolobuẹ detu ẹfan wẹ nị wẹ k'a rị ndụn imẹ Jerusalẹm.

Azaya 9:7

Ọkịkị a lẹ Ọrịrịmma o k'e wẹhẹ agụkọ. O k'a nọ ukpo-eze Defidi kị alị-eze Defidi, e gi ezigbo-eṅẹn lẹ ezi-omumẹ a kwadọn ẹ, e kwọndọn ẹ — gha ogẹn ahụn jẹnmẹ, jẹnrin ejẹn. Adụdụ Osolobuẹ Onyẹ nwọn ikẹn ile k'a han ihiẹnni mẹ.

Jerimaya 30:10

“Odibo m wụ Jekọpụ, atụkwọlẹ egun; ẹghẹẹ, Izrẹlụ anịlẹ ndụn gụ ị. M jẹnkọ d'a gha alị hụ teni zụọpụha ụnụ; m jẹnkọ d'a zụọpụha ụmụ ị ẹka alị hụ gini wẹ. Ẹghẹẹ, Jekọpụ jẹnkọ d'e bi udọn lẹ ndọnkwa; onwọnzini onyẹ k'e rọn ẹ egun.

Jerimaya 30:7

Ogẹn hụ lalanị k'a jọgbu enwẹn ẹ! Onwọnni eje-ogẹn nọ kẹ ya. O jẹnkọ d'a wụnị ebọn Jekọpụ ogẹn okẹn nsọngbu, kanị o k'a hụn isi wanahịn.’ ”

Izikẹlụ 13:9

Ẹka m k'e bitụ ndị-amụma hụ rị a hụn ọhụn ntụ, a gba-ẹfa ntụ; arịkọzị wẹ imẹ ozuzu ndị nke m; ẹfan wẹ arịkọzị ẹkụkwọ ndị Izrẹlụ; abankọzịdẹ wẹ alị Izrẹlụ. Ogẹn hụ, ụnụ a marịn nị m wụ Osolobuẹ nwọn ihiẹn ile.

Izikẹlụ 34:24

Mmẹ wụ Osolobuẹ k'a wụ Chuku wẹ, odibo m wụ Defidi a wụrụ onyẹ-isi wẹ. Mmẹ wụ Osolobuẹ e kuọl'a.

Izikẹlụ 5:9

M k'e gi ufiri arụ ndị hụ wẹ rị e mẹ imẹ i mẹ i ihiẹn m mẹtulẹni, ihiẹn hụn o mẹ ni m mẹgụ ị ya, emẹkọzị m'a.

Daniẹlụ 10:13

Kanị mmọn hụn rị a kị alị-eze Pẹshịa gbọnkin m ụzọ ọrọgbọ akpọhịn ohu-kwasị-ọgụn. Ya Maịkẹlụ, hụn wụ onyẹ ohu imẹ ndị-isi ndị mmọn-ozi nọ bịa d'e yeni m ẹka, makẹni mmọn rị a kị alị-eze Pẹshịa te gbọndọn m ebẹhụ.

Daniẹlụ 10:21

Kanị, m k'a gwagụ ị ihiẹn wẹ deye imẹ Ẹkụkwọ Ezioku.” “Onwọnni onyẹ e yeni m ẹka a lụsọn wẹ agha wezụka Maịkẹlụ, mmọn-ozi ụnụ.”

Daniẹlụ 11:45

O k'a rụn obi-eze o k'e bi ẹkẹrẹ ogẹn ye ẹgbata Ohimin lẹ Ugu nsọ hụ ma mma. Kanị ọnwụn k'e gbu ẹ, onwọnni onyẹ k'e yen'ẹ ẹka.

Daniẹlụ 7:10

Iyi nọ kẹ ọkụn hụ e hu — a gha ebe onyẹ hụ dịnọ ukpo hụ rị a pụha. Mmadụ nnụ-uku ole-lẹ-ole hụ e jẹnn'ẹ ozi; ijẹri ole-lẹ-ole rị ihun ẹ e che. Ọgwa e zugụọ nị wẹ kinmẹ ikpe, wẹ nọ shịapụsọnmẹ ẹkụkwọ.

Daniẹlụ 9:12

Y'e mẹgụọ ihiẹn ị sị i k'e mẹ ẹnyi lẹ ndị ọkịkị ẹnyi ebe ị nọ mẹ ẹnyi okẹn ihiẹnni. Elu ụwanị ile rị okpuru igwere, emẹtuni wẹ alị ọzọ ihiẹn wẹ mẹ Jerusalẹm.

Juwẹlụ 2:2

Ọhịhị k'a gba ụhụọhịn ahụn, eki e fọnpụkọ; okẹn mirin k'e ru, igwere e gitọ ụhụọhịn ahụn Igunrun ndị-agha bugbu enwẹn ẹ ọda k'a pụha elu ugu ndịnị, ụdị hụn rịtulẹni; ụdị hụn jẹnkọlẹni d'a rịzị.

Malakaị 3:16

Ya kẹ ndị a tụ egun Osolobuẹ nọ gwa ibe wẹ oku, Osolobuẹ nọ gọn ntịn ihiẹn wẹ ku, gụn a yeni wẹ. Ebe Osolobuẹ rị, wẹ nọ de ẹkụkwọ wẹ gi a nyanhan ndị ahụn a tụ egun Osolobuẹ, a gbaye ẹfan a.

Matiu 24:21

Makẹni okẹn afụnfụn jẹnkọ d'a rị, ụdị hụn rịtulẹni kete ụwa e bidọnlẹ, ụdị hụn jẹnkọlẹni d'a rịzị.

Makị 13:19

Makẹni okẹn afụnfụn jẹnkọ d'a rị ogẹn hụ — ụdị hụn rịtulẹni kete Osolobuẹ e kelẹ ụwa; ụdị hụn jẹnkọlẹni d'a rịzị.

Luku 10:20

K'osilẹrị, aghọghọlẹ ni nị eje-mmọn rị e humẹni ụnụ isi, ka ghọghọ nị n'e deyegụọ wẹ ẹfan ụnụ imẹ elu-igwee.”

Ndị Rom 11:15

Makẹni, omẹni ọjụjụ Osolobuẹ jụ wẹ ye ụwa oghere wẹ lẹ Osolobuẹ gi dọn, kị ịnabanhannị wẹ k'e wẹhẹ nwan? Ẹlẹ ịgha ọnwụn lihi?!

Ndị Rom 11:26

Ya wụ, ndị Izrẹlụ ile jẹnkọ d'e nwọn nzụọpụha, nọkẹ kẹ Ẹkụkwọ-nsọ dọn ku, sị, “Onyẹ-nzụọpụha k'a gha obodo Zayọnụ bịa; o k'e wepụ eje-obibi imẹ igunrun ụmụ Jekọpụ.”

Ndị Ẹfẹsọsụ 1:21

nke wụnị Kraịstị kachanrịn ọkịkị ile lẹ ikẹn ile lẹ ihiẹn ile w'a gbaye agbaye lẹ ẹfan lẹ nzere ile; ẹlẹdẹ ogẹnni sụọ kanị kẹ ogẹn lalanị.

Ndị Filipi 4:3

Ẹghẹẹ, yụ wụ onyẹ-ọrụn ibe m furu wẹ gi e dọn ẹnya, m rị a rịọ ị n'ị yeni ikpoho ndịnị ẹka, makẹni e sọngụọ wẹ m lụnị oziọma ọgụn, uwẹ lẹ Klemẹnti lẹ ndị ọzọ ile mmẹ lẹ wẹ gba a rụn ọrụn — ndị ẹfan wẹ rị imẹ ẹkụkwọ ndụn-itẹbitẹ.

Judu 1:9

Kanị, Maịkẹlụ hụn wụ onyẹ-isi ndị mmọn-ozi emẹdẹni ẹnịna ogẹn o gi sọn Ekwensụ zụọ ozun Mozizi: egun Osolobuẹ anịn'a kuja oku Ekwensụ, kama ọ sịhụ Ekwensụ, “Di-nwọnni-ẹnyi a jụgbọ ị!”

Rẹvẹleshọnụ 1:5

lẹ Jizọsị Kraịstị — Jizọsị Kraịstị hụn wụ ọshẹri ahụn furu wẹ gi e dọn ẹnya, onyẹ ibuzọ gha ọnwụn lihi, onyẹ hụn a kị ndị-nze rị elu-ụwa, onyẹ hụn nwọn ihiẹn-ọsụsụọ ẹnyi, gi ẹdeke ẹ gbapụha ẹnyi ẹka njọ ẹnyi;

Rẹvẹleshọnụ 12:7

Ya wẹ nọ lụma agha elu-igwee. Mmọn-ozi wụ Maịkẹlụ lẹ ndị mmọn-ozi e sọnn'ẹ nọ lụsọn eje-anụ uku hụ wụ Dragọnụ agha, Dragọnụ lẹ ndị mmọn-ozi ẹ nọ lụsọn wẹ agha.

Rẹvẹleshọnụ 13:8

Ndị ile bi elu-ụwa k'e fe ẹ, ndị ile wẹ delẹni ẹfan wẹ imẹ ẹkụkwọ ndụn-itẹbitẹ, ẹkụkwọ Nwa-ebulu hụ wẹ gbu nị wẹ d'e gbe iyetọ ụwa.

Rẹvẹleshọnụ 17:14

Wẹ k'a lụsọn Nwa-ebulu hụ agha, kanị Nwa-ebulu hụ k'e mẹri wẹ, makẹni ịya wụ Nna ndị wụ nna lẹ Eze ndị-nze lẹzi makẹni ndị ya lẹ wẹ wị wụ ndị ọ kpọ oku, ndị ọ họrị, ndị furu wẹ gi e dọn ẹnya.”

Rẹvẹleshọnụ 20:12

M nọ hụn ndị nwụnhụnnị kẹ wẹ turu nwan ihun ukpo-eze hụ, kẹ onyẹ-uku kẹ onyẹ-nta. E kpupụsọnmẹ wẹ ẹhụhụọ bu ọda; ya wẹ nọzị kpupụ ẹhụhụọ ọzọ, hụn wụ ẹkụkwọ ndụn-itẹbitẹ. Wẹ nọ gi ihiẹn wẹ detọsọnmẹ imẹ ẹhụhụọ ndị hụ kin onyẹ-onyẹ ikpe ihiẹn o mẹ.

Rẹvẹleshọnụ 20:15

Onyẹ ọwụlẹ wẹ hụnlẹni ẹfan a imẹ ẹkụkwọ ndụn-itẹbitẹ, a tụ w'a ye imẹ odiyiri ọkụn hụ.

Rẹvẹleshọnụ 3:5

Onyẹ hụn mẹrini k'e yi ẹkwa ọchan; onwọnni ogẹn m'e gi finchanpụ ẹfan a imẹ ẹkụkwọ ndụn-itẹbitẹ! M k'a nọ idẹnya Nẹdi m lẹ ndị mmọn-ozi ẹ kpọ ẹfan hụnyẹ, ku oku ẹ ọhụnma.

Rẹvẹleshọnụ 7:14

M nọ sị a, “Diọkpa, ịyụ marịn ndị wẹ wụ.” Ọ nọ sị m, “Ndịnị gha okẹn ukpokpo hụ pụha. Wẹ gi ẹdeke Nwa-ebulu hụ sụ ẹwuru wẹ, wẹ nọ họnrin ẹkwa-ọchan.