Daniẹlụ 11:36 - Ika

³⁶ “Eze alị rị ẹbamịn-ugu k'e mẹ k'ọ sụọn'a. O k'a sị ya ka mmọn ile lẹ ihiẹn ile w'e fe, kujama oku Chuku hụn ka mmọn ile. Ihiẹn k'a rị a ghan'a d'e ru mgbe Osolobuẹ e gi ghọsịgụ ọnụma a hụn ọ rị e gi ẹ a ghọsị, makẹni ihiẹn Osolobuẹ kutọgụ sikọ d'e mẹrịrị.

Daniẹlụ 11:36 Iomraidhean Croise

Ẹbụ-ọma 136:2

Kpanmịn nị Chuku hụn ka mmọn ile, makẹni ihiẹn-ọsụsụọ a rị jẹnrin ejẹn.

Ẹbụ-ọma 33:10

Osolobuẹ a kpayịya iroro ndị alị ichẹn-ichẹn; o wiwi ihiẹn ndị alị ichẹn-ichẹn bu obi.

Itẹn 19:21

Ịhịan e rotọ ihiẹn bu ọda, kanị uche Osolobuẹ wụ ihiẹn hụn k'e mẹni.

Azaya 10:23

Onyẹ-nwọnni-ẹnyi, Osolobuẹ ihiẹn ile rị okpuru ẹ, jẹnkọ d'e zihẹchanrịnnị alịnị ile ntikpọ hụn o ku oku ẹ.

Azaya 10:25

O biekọ, olulu m rị e buni ụnụ a rọ, e bumẹni m wẹ olulu hụn m'e gi tikpọ wẹ.”

Azaya 10:5

Osolobuẹ sị, “Nsọngbu rị e che alị Asiria — hụn wụ nwan mkpịnsịn m gi rị a ghọsị olulu m, hụn bu ẹgbe m gi a ghọsị ọnụma m!

Azaya 14:13

I te sị enwẹn i, “M k'e shi elu-igwee; m k'e bushi ukpo m elu ghafe kokisẹ Chuku ile; m k'a nọ elu ugu ozuzu mmọn ndị wẹ e fe kị, mkpọnụnụ ugu ahụn rị nsọ.

Azaya 14:14

M k'a ghafedẹ orukpu-igwere; m k'a nọ kẹ Onyẹ Ahụn Kachanrịnnị.”

Azaya 26:20

Ndị nke m, jẹnmẹ ni; d'a banye ni mmughẹ ụnụ, ụnụ a gụnma enwẹn ụnụ ye; warị nị ẹkẹrẹ — d'e ru mgbe ọnụma Osolobuẹ rọgụ.

Azaya 30:33

O tekẹmẹkẹ wẹ kwademẹ Tofẹtị ebe wẹ nọ a dụn ihiẹn ọkụn; a kwademẹgụọ w'a tọnị eze. E mẹgụọ wẹ mgbugbu ọkụn a miwaye, shịawaye, ọkụn lẹ nkụn e jun ẹ; umẹrẹn Osolobuẹ hụn rị e hupụha lekẹ nsịn-ẹnyanwụn rị e nwun ọkụn, e d'a mụ ọkụn ye ẹ.

Azaya 46:10

M'a nọ mbidọn e ku ọgụgụ, e mẹ ndị mbụ-mbụ a marịn ihiẹn rị ihun. M sị: “Ihiẹn hụn m bu obi k'e mẹrịrị; m k'e mẹchanrịn ihiẹn ile m chọ nị m mẹ.”

Azaya 57:9

Y'e we udẹn-olivu jẹnni mmọn wụ Molẹkị, e mẹmẹ sẹnti i ọda-ọda, e wejẹnn'ẹ. Ị hụ a hanjẹn ndị ụkọ ị ebe teni, e jẹndẹ alị-mmọn lẹ enwẹn ẹ d'a chọ eyemẹka!

Izikẹlụ 28:2

“Nwa-ịhịan, gwa onyẹ rị a kị Taya, sị a: Lee ihiẹn Osolobuẹ Nwọn Ikẹn Ile ku: Makẹni ị rị a pache, a sị, ‘Mmọn kẹ m wụ; m rị ukpo mmọn etintin ohimin ebeni a kị,’ bụ ịhịan k'ị wụ, y'ẹlẹ mmọn, ọsụọn'a n'ị rị a sị enwẹn i n'ị wụ mmọn.

Izikẹlụ 35:13

Ị hụ a nyan isi e kuja oku m; y'e kuhọdụdẹni; a nụgụọ m wẹ ile.

Daniẹlụ 11:16

Hụn mayeni k'e mẹmẹ k'ọ sụọn'a; onwọnni onyẹ k'a s'ẹka che ẹ ọgụn. O k'e werichanrịn ọnọdị imẹ Alị hụ Ma mma, ọ banchanrịn a ẹka hụn o gi tikpọ a.

Daniẹlụ 11:3

Ogẹn ahụn, okẹn eze ohu k'a pụha, hụn k'e gi ọkịkị kpa ikẹn ọda-ọda, mẹ k'ọ sụọn'a.

Daniẹlụ 11:37

Onwọnni ihiẹn o k'a kpọ mmọn-lẹ-iyi ndị nẹdi ẹ wẹ mọbụ hụn a sụọ ikpoho mọbụ mmọn-lẹ-iyi ọwụlẹ, o k'a sị nị ịya kachanrịn wẹ ile.

Daniẹlụ 12:7

Ya okẹnnyẹ ahụn yi ẹkwa linẹni hụn rị elu mirin-iyi ahụn nọ kịshi ẹka-nni lẹ ẹka-ekpẹn elu zinmẹ elu-igwee, m nọ nụ k'o kun Onyẹ Ahụn Rị Ndụn Jẹnrin-ejẹn, sị, “O k'a rị ahụa ohu cheni ahụa ẹbụọ lẹ mkpikpi. Hụn wẹ gihụ mẹrigụ ndị-nsọ, ihiẹn ndịnị ile k'e mẹzuchanrịn.”

Daniẹlụ 2:47

Eze nọ sị Daniẹlụ, “Eziẹ, Chuku i ka mmọn ile; ịya a kị ndị-nze; ịya e wepụha ihiẹn-omimi ifọn, makẹni y'a sagụọ nwan ẹka wepụha ihiẹn-omimini ifọn.”

Daniẹlụ 4:35

Ndị ile bi elu-ụwa enwọn kẹ wẹ han ebe ọ rị. Ihiẹn sụọn'a k'o mẹ — kẹ ebe ikẹn ndị rị elu-igwee rị kẹ ebe ndị rị elu-ụwa rị. Onwọnni onyẹ a sa ẹka e gbọndọn ẹ mọbụ sị a: “K'i mẹni ihiẹnni?”

Daniẹlụ 5:19

Ufiri okẹn ọnọdị hụ o ye ẹ haịn ndị ile rị ichẹn-ichẹn lẹ ndị alị ile lẹ asụsụ ile gi a man'a piripiri ogẹn nke ẹ, a tụ egun ẹ. Ndị ọ chọ n'o gbu, o gbu; ndị ọ chọ n'o dọnmẹ ndụn, o dọnmẹ ndụn; ndị ọ chọ n'o bushi elu, o bushi; ndị ọ chọ n'o wetu alị, o wetu.

Daniẹlụ 5:20

Kanị, ogẹn o gi họnrọnma, kpọkin obi ẹ ebe ọ rị a pache, wẹ nọ wepụ a ukpo-eze ẹ, napụ a ọghọ a,

Daniẹlụ 7:8

“Ebe m rị e lekpọ mpịn iri ahụn, e lezi mpịn ọzọ gha imẹ wẹ pụha: hụnnị mẹ ẹkẹrẹ; mpịn ẹtọ imẹ ndị ibuzọ hụ nọ huepụn'a. Mpịnnị nwọn ẹnya nọ kẹ nke ịhịan lẹ ọnụ o gi rị a nyan isi. Ihiẹn Chuku Mẹ Eje-anụ Ndị Ahụn.

Daniẹlụ 8:19

Ọ sị: “M jẹnkọ nwan d'a gwa ị ihiẹn k'e mẹ ihun, ogẹn Osolobuẹ e gi ghọsị ọnụma a — makẹni ọhụn ahụn rị e ku oku ogẹn njẹndemẹ wẹ kayegụ:

Daniẹlụ 8:4

M hụ e lee ebunu hụ k'ọ rị a zụnshi ẹbamịn ọdịdan-ẹnyanwụn lẹ ẹbamịn-ugu lẹ ẹbamịn ọwụwa-ẹnyanwụn. Onwọnni anụ sa ẹka che ẹ ọgụn, onwọnzikwọnị hụn sa ẹka napụ a ihiẹn o gi. O mẹ k'ọ sụọ a, e bushi enwẹn ẹ elu.

Zẹkaraya 11:16

Makẹni, m rị nwan e wepụhanị alịnị onyẹ-ndu ọzọ, hụn nwọnlẹni ihiẹn ọ kpọ atụnrụn ndị rị a ẹka: kẹ wẹ rị a nwụn anwụn-o, ẹlẹ o k'a chọ n'ọ marịn; ẹlẹ o k'a chọ ndị kpahukọnị; ọ zụọkọ ndị rụ ẹhụ; o yekọ ndị rị ikẹn ihiẹn-oriri, kama, o bu ndị tutuni e ri, ọ fịọpụdẹ wẹ akpụkụ.

Jọnụ 5:30

“Asa m ẹka gi ikẹn m mẹ ihiẹn ọwụlẹ. M hụ a nụ ihiẹn Osolobuẹ rị a gwa m, e gi ẹ a han eṅẹn; ya wụ, ezigbo eṅẹn kẹ m'a han, makẹni arị m e mẹ uche m, kalẹ uche onyẹ zihẹni m.

Jọnụ 6:38

Makẹni, aghanị m elu-igwee bịa d'e mẹ uche m, kanị uche onyẹ hụn zihẹni m.

Ọrụn Ndị-ozi 4:28

Ya kẹ ihiẹn i kwademẹtọ nọ gha ẹka wẹ bụn.

Ditrọnọmi 10:17

Makẹni, Osolobuẹ wụ Chuku ụnụ wụ Chuku ka mmọn-lẹ-iyi ile, Nna ndị nna; Chuku ahụn hi ogbe, hụn e mẹ ihiẹn a tụ egun; ara gbeyeni ịhịan, ara na egho azụụn.

Ndị Tẹsalonika Nke Ẹbụọ 2:3

Anịkwọlẹ ni onyẹ ọwụlẹ gi ụzọ ọwụlẹ dufie ụnụ: Ụhụọhịn hụ abịakọ mmanị okẹn nnupụ-isi hụ lalanị bịagụ, e wepụhagụ wẹ Eje-ịhịan hụ, Onyẹ ahụn ntikpọ rị e che.

Ndị Tẹsalonika Nke Ẹbụọ 2:4

O k'e bunụmanị mmọn lẹ iyi ọwụlẹ lẹ ihiẹn ile w'e fe; o sikọ d'e weri enwẹn ẹ nị ịya ka wẹ ile; o sikọ d'e weridẹ ocho imẹ Ụlọ-nsọ Osolobuẹ kpọma enwẹn ẹ Osolobuẹ.

Ndị Tẹsalonika Nke Ẹbụọ 2:8

Ogẹn hụ, Eje-ịhịan hụ a pụha. Di-nwọnni-ẹnyi wụ Jizọsị k'e gi uzun k'a gha a ọnụ pụha lẹ ọghọ Di-nwọnni-ẹnyi k'e gi bịa, gbu Eje-ịhịan hụ la iwi.

Joshụa 22:22

“Osolobuẹ wụ Chuku hụn wụ Chuku nkesi; Osolobuẹ wụ Chuku hụn wụ Chuku nkesi!! Ọ marịnghọ! Ndị Izrẹlụ lẹ enwẹn wẹ wẹ marịnzịkwọ. Omẹni nnupụ-isi mọbụ nị ẹnyi gi ẹ pa oku Osolobuẹ haịn ẹnyi gi mẹ ihiẹnni, ya edọnmẹlẹ ẹnyi ndụn tannị.

Rẹvẹleshọnụ 10:7

mmọn-ozi nke ẹsa gbuọlẹ opi ẹ, ihiẹn ahụn Osolobuẹ zuemẹ sikọ d'e mẹchanrịn k'o dọn gwa ndị idibo ẹ ndị-amụma.”

Rẹvẹleshọnụ 12:14

Kanị, e ye wẹ okpoho hụ nku ẹbụọ, nku ugọn uku, kẹni ọ gha ebe agwọ hụ rị fepụ, shi imẹ atụ, ebe wẹ jẹnkọ d'a nọ e ye ẹ ihiẹn-oriri ahụa ẹtọ lẹ ifọn isin.

Rẹvẹleshọnụ 13:1

M nọ hụn eje-anụ ohu k'ọ gha imẹ ohimin pụla. Mpịn iri lẹ isi ẹsa k'o nwọn. Okpu-eze ohu-ohu rịsọnmẹ elu mpịn ndị hụ. Ẹfan rị ichẹn-ichẹn e kuja oku Osolobuẹ rịsọnmẹ elu isi ẹsa hụ.

Rẹvẹleshọnụ 17:17

makẹni Osolobuẹ e mẹgụọ wẹ ile e kwerigbama kẹni o gi wẹ mẹ ihiẹn ọ chọ n'o mẹ, mẹ wẹ bu ọkịkị wẹ che ẹka eje-anụ ufie hụ, d'e ru ogẹn oku Osolobuẹ e gi mẹzuchanrịn.

Rẹvẹleshọnụ 17:3

Ya mmọn-ozi hụ nọ buru m imẹ mmọn shi imẹ atụ, m nọ hụn okpoho nọdị alị elu eje-anụ ohu e nwun ufie-ufie. Wẹ de ẹfan ichẹn-ichẹn wẹ gi e kuja oku Osolobuẹ jun eje-anụ ufie ahụn ẹhụ. Isi ẹsa lẹ mpịn iri kẹ eje-anụ ufie ahụn nwọn.