Daniẹlụ 11:34 - Ika

³⁴ Wẹ dan, ẹkẹrẹ eyemẹka k'a bịanị wẹ, kanị ndị bu ọda gilẹni ezioku bịa sikọ d'a bannị wẹ.

Daniẹlụ 11:34 Iomraidhean Croise

Daniẹlụ 11:21

“Onyẹ nwọnlẹni ihiẹn ọ wụ, hụn wẹ kinlẹni eze k'a nọkin ẹnya a. Hụnyẹ k'a maye alị-eze ahụn ogẹn ihiẹn gi rịnị wẹ mma, gi akọ weri ẹ.

Daniẹlụ 11:32

O k'e gi ọnụ-ọma wiwikẹnmẹ ndị tikpọ nkwerigbama Osolobuẹ, kanị ndị hụn marịn Chuku wẹ k'e che ẹ ọgụn, kpa ikẹn.

Matiu 7:15

“Kpachanpụ nị nị ndị amụma-ntụ ẹnya: w'e kọnrin kẹ atụnrụn, a bịa d'e kunrun ụnụ, kanị, eje-ẹwọrọ kẹ wẹ wụ imẹ.

Ndị Rom 16:18

Makẹni ndị nọ ẹrịra arị e fe Di-nwọnni-ẹnyi wụ Kraịstị, kanị ẹfọ wẹ lẹ ihiẹn a gụnnị wẹ kẹ wẹ rị e fe. W'e gi ọnụ-ọma lẹ oku ọnụnụ-ire e dufie ndị marịnlẹni ihiẹn.

Ndị Galeshịa 2:4

kanị ndị ahụn gi nzuzue banhan, e mẹ nọ kẹ sị wẹ wụ ndị kwerini, e te kughọ oku ịkwa ugun. Wẹ bịa d'e lele ụdị inwọnrin-enwẹn hụn ẹnyi nwọn imẹ Kraịstị Jizọsị, kẹni wẹ buzi ẹnyi che imẹ igbọn.

Timoti Nke Ẹbụọ 4:3

Makẹni ogẹn lala hụn ịhịan jẹnkọlẹni d'e kweri ezigbo nkuzi. Kama, ebe ntịn wẹ rị a chọsọnmẹ n'ọ nụ ihiẹn a sụọnị wẹ, wẹ k'a chọrị ndị k'a kuzi wẹ ihiẹn wẹ chọ nị wẹ nụ.

Taịtọsụ 1:11

O furu ni wẹ kpukin wẹ ọnụ! Makẹni, wẹ rị e gi ihiẹn ahụn furulẹni wẹ gi ufiri egho a kuzi a sụkpọsọnmẹ ikpụlọ.

Jọnụ Ibuzọ 4:1

Ndị nke m, ẹlẹ mmọn ile gi ịhịan ku oku kẹ ụnụ k'e kweyeni, ka e lelegụ nị kẹ wẹ gha ẹka Osolobuẹ bịa nke-esi, makẹni, ndị amụma-ntụ bu ọda a pụhagụọ imẹ ụwa.

Jọnụ Ibuzọ 4:5

Wẹ wụ nke ụwa. Makẹni wẹ wụ nke ụwa, w'e ku kẹ ndị ụwa, ụwa hụ e gọn wẹ ntịn.

Jọnụ Nke Ẹbụọ 1:7

Ndị-ndufie bu ọda a bangụọ imẹ ụwa. Ndịnị ara kweri nị Jesu Kristi gi ẹhụ ịhịan bịa. Onyẹ nọ ẹnịna wụ onyẹ-ndufie hụ lẹ Eṅẹnrẹn-Kraịstị hụ wụ anti-Kraịstị!

Judu 1:4

Makẹni, o nwọnghọ ndị ghalẹni a tụ egun Osolobuẹ hụn gi nzuzue banhan imẹ igunrun ẹnyi, ụdị ịhịan Ẹkụkwọ-nsọ kutọgụ afụnfụn rị e cheni wẹ; ndị gi ẹfọmanị Osolobuẹ mẹ e họnrin oghere wẹ gi e bi eje-obibi, a jụdẹ Jizọsị Kraịstị hụn ịya sụọ wụ Onyẹ nwọn ihiẹn ile lẹ Di-nwọnni-ẹnyi.

Rẹvẹleshọnụ 12:13

Ogẹn Dragọnụ hụ gi hụn nị a tụtugụọ w'a ye elu-ụwa, ọ nọ chụma okpoho hụ mụ nwata-okẹnnyẹ hụ.

Rẹvẹleshọnụ 2:20

Kanị, ọnwan wụ ihiẹn ị rị e mẹ rị e ze m ize: y'e ye okpoho hụ wụ Jezibẹlụ efe, Jezibẹlụ ahụn kpọ enwẹn ẹ onyẹ-amụma, hụn gi ihiẹn ọ rị a kuzi e dufie idibo m, e mẹ wẹ a ghẹrẹ, e ri ihiẹn-oriri wẹ gi rụa mmọn.