Daniẹlụ 10:20 - Ika

²⁰ Ya ọ nọ sị m, “Y'a marịnghọ ihiẹn haịn m gi bịa d'e kunrun i? Eziẹ, m kinkọ nwan azụụn d'a lụsọn mmọn rị a kị Pẹshịa ọgụn, m rịzịkwọ a hụn mmọn a kị Grisi kẹ ọ rị a chọ n'ọ bịa.

Daniẹlụ 10:20 Iomraidhean Croise

Ẹzra 4:4

Ya kẹ alị ndị nọkunmẹ ndị Juda nọ mẹmẹ nị ndụn gụ wẹ; e rọnmẹ wẹ ndị Juda egun nị wẹ tụnbehi.

Azaya 37:36

Ya Mmọn ozi Osolobuẹ nọ jẹn ebe ndị-agha Asiria ziẹntọ, gbupụ ndị-agha nnụ-uku isẹn-kwasị-ọgụn-itenẹi (185,000). Eki e fọn, ndị alị a hụn ozun ndị hụ ile kẹ wẹ jun ụzọ ile!

Daniẹlụ 10:13

Kanị mmọn hụn rị a kị alị-eze Pẹshịa gbọnkin m ụzọ ọrọgbọ akpọhịn ohu-kwasị-ọgụn. Ya Maịkẹlụ, hụn wụ onyẹ ohu imẹ ndị-isi ndị mmọn-ozi nọ bịa d'e yeni m ẹka, makẹni mmọn rị a kị alị-eze Pẹshịa te gbọndọn m ebẹhụ.

Daniẹlụ 7:6

“Ọhụn a ghagụ, m nọ nee ẹnya: e lee eje-anụ ọzọ rị m ihun, ọnwan nọ kẹ Liopadị! Nku ẹnọ rị a ụgba-azụụn. Nku ndị ahụn nọsọnmẹ kẹ nke nnụnụ. Eje-anụ hụnnị nwọn isi ẹnọ, wẹ ye ẹ ikẹn n'o gi kị.

Daniẹlụ 8:21

Mkpịn hụ ẹṅẹnrẹn ẹ tụ wụ eze ndị Griki, okẹn mpịn ahụn rị a ẹgbata ẹnya ẹbụọ wụ eze ibuzọ ndị Griki.

Ọrụn Ndị-ozi 12:23

Ozigbo, mmọn-ozi Osolobuẹ nọ titu Hẹrọdụ, makẹni o yeni Osolobuẹ ọghọ. Ọhọrị nọ bu ẹ ri, ọ nọ nwụnhụn.