Daniẹlụ 10:13 - Ika

¹³ Kanị mmọn hụn rị a kị alị-eze Pẹshịa gbọnkin m ụzọ ọrọgbọ akpọhịn ohu-kwasị-ọgụn. Ya Maịkẹlụ, hụn wụ onyẹ ohu imẹ ndị-isi ndị mmọn-ozi nọ bịa d'e yeni m ẹka, makẹni mmọn rị a kị alị-eze Pẹshịa te gbọndọn m ebẹhụ.

Daniẹlụ 10:13 Iomraidhean Croise

Ẹzra 4:24

Ya kẹ ọrụn Ụlọ Chuku rị imẹ Jerusalẹm nọ kụsị d'e ru ahụa nke ẹbụọ Dariọsụ eze Pẹshịa kịma.

Daniẹlụ 12:1

“O ru ogẹn hụ, Maịkẹlụ onyẹ-isi ndị mmọn-ozi, onyẹ hụn e che ndị nke ụnụ nche, k'a pụha. Ogẹn nsọngbu k'a rị, ụdị hụn rịtulẹni kete anị ichẹn-ichẹn e bidọnlẹ. Kanị, o ru ogẹn hụ, wẹ k'a gbapụha ndị nke ụnụ, wẹ ile ẹfan wẹ rị imẹ ẹkụkwọ hụ.

Ndị Ẹfẹsọsụ 6:12

Makẹni, ẹlẹ ịhịan nwọn ẹhụ lẹ ẹdeke kẹ ẹnyi lẹ wẹ rị a lụ ọgụn, kanị, eje-mmọn rị ichẹn-ichẹn: ndị-isi eje-mmọn lẹ ndị-ọkịkị wẹ lẹ eje-mmọn ndị rị e mẹ eluni a gba ishi lẹ mmọn ile rị imẹ elu rị a kwadọn njọ kẹ ẹnyi lẹ wẹ rị a lụ.

Ndị Kolosị 2:10

Ya wụ, ụnụ e zuọlẹ nwan oke hụnnị ụnụ rị imẹ Kraịstị, onyẹ ndị-ọkịkị ile lẹ ọkịkị ile rị okpuru ẹ.

Ndị Tẹsalonika Ibuzọ 2:18

Ẹnyi te chọ nị ẹnyi bịazị d'a hụn ụnụ: tụmadụ mmẹ nwẹn wụ Pọlụ — a nwanghọ m mgbe ole-lẹ-ole nị m bịa, kanị Ekwensụ gbọndọn ẹnyi.

Pita Ibuzọ 3:22

Jesu rị nwan ẹka-nni Osolobuẹ imẹ elu-igwee ebe ọ lashi; ndị mmọn-ozi ile lẹ ọkịkị ile lẹ ikẹn ile rị nwan okpuru ẹ.

Judu 1:9

Kanị, Maịkẹlụ hụn wụ onyẹ-isi ndị mmọn-ozi emẹdẹni ẹnịna ogẹn o gi sọn Ekwensụ zụọ ozun Mozizi: egun Osolobuẹ anịn'a kuja oku Ekwensụ, kama ọ sịhụ Ekwensụ, “Di-nwọnni-ẹnyi a jụgbọ ị!”

Rẹvẹleshọnụ 12:7

Ya wẹ nọ lụma agha elu-igwee. Mmọn-ozi wụ Maịkẹlụ lẹ ndị mmọn-ozi e sọnn'ẹ nọ lụsọn eje-anụ uku hụ wụ Dragọnụ agha, Dragọnụ lẹ ndị mmọn-ozi ẹ nọ lụsọn wẹ agha.