Daniẹlụ 1:2 - Ika

² Osolobuẹ nọ bu Jehoyakim eze Juda che ẹ ẹka, nịzị a kịrị arịa ndị ọ kịrị imẹ Ụlọ-nsọ Chuku, ọ nọ buru ihiẹn ndịnị shi ụnọ-mmọn a rị Babilọnụ, bu wẹ che ebe w'e dọnmẹ ihiẹn rị mkpa imẹ ụlọ-mmọn a.

Daniẹlụ 1:2 Iomraidhean Croise

Jẹnẹsisi 10:10

Obodo Babẹlụ lẹ Ẹrẹkị lẹ Akadị lẹ Kal'nẹ kẹ alị-eze Nimrọdụ gha bidọn — alị ndịnị ile rịsọnmẹ alị Shina wụ Babilọnụ.

Jẹnẹsisi 11:2

Ogẹn wẹ gi rị a kwahunmẹ azụụn ọwụwa-ẹnyanwụn, wẹ nọ hụn alị aradan imẹ alị Shina, wẹ nọ biri ebahụn.

Ndị-nze Nke Ẹbụọ 24:1

Ogẹn Jehoyakim gi rị a kị, Nebukadineza wụ eze Babilọnụ nọ bịa ọgụn. Jehoyakim lẹ ndị Juda nọ rị okpuru ẹ ọrọgbọ ahụa ẹtọ. Kanị, o mẹgụ, Jehoyakim nọ rohutọ, femẹni Nebukadineza isi.

Ihiẹn Mẹni Nke Ẹbụọ 36:5

Jehoyakim rị nwa ahụa isẹn kwasị ọgụn k'o họnrin eze. Ahụa mmanaị k'ọ kị; imẹ Jerusalẹm k'ọ nọ kị. O mẹ ihiẹn rịlẹni mma ẹnya Osolobuẹ wụ Chuku ẹ.

Ihiẹn Mẹni Nke Ẹbụọ 36:7

Nebukadineza a kwarịzịghọ ihiẹn ndị ọ kwarị imẹ Ụlọ-nsọ Osolobuẹ, bu wẹ che obi-eze ẹ rị Babilọnụ.

Ẹzra 1:7

Eze wụ Saịrọsị nkẹ nọ kpọnpụha ihiẹn ndị hụ te rị Ụlọ-nsọ Osolobuẹ, ihiẹn Nebukadineza kpọnrin imẹ Jerusalẹm butọ imẹ ụlọ-mmọn a.

Azaya 11:11

Ogẹn hụ, Osolobuẹ jẹnkọ d'a tịnpụ ẹka nke mgbe ẹbụọ, wekinhẹnzi ndị nke ẹ họdụnị hụn rịsọnmẹ Asiria, Ijiptu ndịdan Iyi Naịlị, Ijiptu Ibe-elu wụ Patrọsị, Ẹtiopịa, Ẹlam, Shina wụ Babilọnụ, Hamatị lẹzi alị ndị teni rị mkpẹnrẹn ohimin.

Azaya 42:24

Onyẹ wedẹ nwan Jekọpụ ye wẹ kpụnrụn? Onyẹ we Izrẹlụ ye ndị e gbu a kwarị? Ẹlẹ Osolobuẹ hụn ẹnyi mẹ njọ? Makẹni ekwerini wẹ gha ụzọ a, edọnmẹni wẹ iwu ẹ.

Jerimaya 25:1

Ọnwan wụ oku Osolobuẹ gwa Jerimaya onyẹ-amụma banyeni ndị Juda ile ahụa mẹ ẹ ẹnọ Jehoyakim nwa Josaya kịma alị Juda. (Ahụa ohu hụ kẹ Nebukadineza kịma alị Babilọnụ.)

Jerimaya 27:16

Ya m nọzị sị ndị nchụn-ẹjan lẹ ndị alị, “Osolobuẹ sị: Ekwerikwọlẹ ni oku ndị-amụma hụ rị a sị ụnụ nị ‘Kikẹni-kikẹni kẹ wẹ k'a kwakinhẹn ihiẹn ụlọ-nsọ Osolobuẹ ndị ahụn Nebukadineza kwarị shi Babilọnụ!’ Ntụ kẹ wẹ rị a tụ ụnụ.

Jerimaya 28:3

O gini e zu ahụa ẹbụọ, e wekin m ihiẹn ile eze ndị Babilọnụ wụ Nebukadineza gha imẹ ụlọ-nsọ Osolobuẹ ebeni kwashi alị Babilọnụ.

Jerimaya 35:11

Kanị, hụnnị eze Babilọnụ wụ Nebukadineza bịa nwan d'a lụsọn alị Juda agha, ẹnyi nọ sị, ‘Nị ẹnyi gwẹrụ (gwarị) kwashi Jerusalẹm d'a nọdị, kẹni ẹnyi hụn isi wanahịn ndị Babilọnụ lẹ ndị-agha alị Aram.’ Ya haịn ẹnyi gi nwan rị Jerusalẹm.”

Jerimaya 50:2

Osolobuẹ sị, “Gi ẹ yi oro; gwa wẹ ya imẹ alị ichẹn-ichẹn. Weshi ihiẹn-ahịma elu hị a! Ekuhọdụkwọlẹ! Sị wẹ, ‘Wẹ k'e mẹri Babilọnụ weri; ifẹnrẹn k'e mẹ mmọn wẹ wụ Bẹlụ! Wẹ jẹnkọ d'e tikpọchanrịn mmọn wẹ wụ Maduku; ifẹnrẹn k'e mẹ ihiẹn ndị ahụn wẹ kpụ wẹ e fe; wẹ k'e tikpọchanrịn ihiẹn ndị ahụn ile wẹ a rụa.’

Jerimaya 51:44

M jẹnkọ d'e ye Bẹlụ mmọn Babilọnụ afụnfụn, mẹ ẹ gbọpụ ihiẹn o lue. Alị ile erujẹnkọzị ebe ọ rị. Mgbọn Babilọnụ k'a dan!

Daniẹlụ 5:13

Ya wẹ nọ wẹhẹ Daniẹlụ ihun eze. Eze nọ sị a, “Ịyụ wụ Daniẹlụ, onyẹ ohu imẹ ndị hụ eze nẹdi m gha Juda kpụnhan?

Daniẹlụ 5:18

“Eze-Agụ, Chuku Hụn Kachanrịnnị ye nẹdi i wụ Nebukadineza ọkịkị, mẹ ẹ wụrụ okẹn ịhịan, ye ẹ ọghọ lẹ ikpẹn.

Habakọkụ 1:16

Ya haịn o gi a chụnyeni ọga a ẹjan, e ye ụkpalị a oyiye nị uwẹ k'o gi e rijun ẹfọ, uwẹ k'o gi e ri kẹ eze!

Zẹkaraya 5:11

Ọ nọ sị m, “Wẹ bukọ a alị Shina wụ Babilọnụ d'a tụnn'a ụlọ-mmọn; wẹ tụngụ a, a dọ w'a ye elu ukpo-mmọn wẹ k'a nọ e fe ẹ.”

Ditrọnọmi 32:30

Nanị kẹ onyẹ ohu dọn s'ẹka chụ ndị Izrẹlụ ọgụn-iri kwasị nnụnaị ọsọ, mmadụ ẹbụọ a han mmadụ nnụ-uku iri wẹ gbama ọsọ — mmanị Onyẹ wụ Ọmụma wẹ e regụọ wẹ, mmanị Osolobuẹ e wegụọ wẹ ye wẹ mẹri.

Ndị Han Eṅẹn 2:14

Osolobuẹ nọ gi ọnụma sọn ndị Izrẹlụ, we wẹ ye ẹka ndị ohin, wẹ hụ a maye wẹ, a narịn wẹ ihiẹn wẹ; o re wẹ ye ndị iṅẹnrẹn wẹ rị wẹ azụụn ile, asazịnị wẹ ẹka che wẹ ọgụn.

Ndị Han Eṅẹn 3:8

Ya Osolobuẹ nọ gi olulu sọn Izrẹlụ ọda-ọda, o wedẹ wẹ ye Kushanị-Rishataịm eze Aram-Naharaịm mẹri, wẹ nọ rị okpuru ẹ ọrọgbọ ahụa ẹsatọ.

Ndị Han Eṅẹn 4:2

Ya Osolobuẹ nọ hapụ wẹ nị Jabini eze Kenaanị mẹshi wẹ ikẹn. Jabini nọ obodo Hazọ a kị. Onyẹ ndu-agha a wụ Sisẹra hụn bi Haroshẹtị-Hagoyim.

Samuẹlụ Nke Ibuzọ 5:2

Wẹ nọ buban Ẹkpẹti hụ imẹ ụlọ mmọn wẹ wụ Dagọnụ, bu ẹ che ụsụọ Dagọnụ.