San Lucas 6:35 - Ignaciano

³⁵ Étisera émuna­cayare ena ticatia­na­caheana. Íchayareva eta táuriqueneana nayehe namutu. Íjara­cavare nácani ticapu­caheana. Vahi ecucuchapa eta náitsiri­ji­rá­piyare. Máimaharine ema Viya. Éma tíjara­ca­heyare eta táitsiva­yarehi eta iúrivanahi. Eta tacahehi eta ímereu­chirava eta machichaheira ema Tata Vicaiyaquene. Taicha éma, tétavi­cavahi eta máuriva nayehe namutu ena váinara­ji­queneana énaripa ena máechava­ra­hanahi eta máemuna­si­ra­vacahi éna.

Táurinakene máechejiriruwa’i ema Viya tikaijare

³⁵ Étisera émunakayare ena tikatianaka'eana'i, tási'a íchayarewa eta táurikeneana, tási'a íjarakaware eta nakamukeneana nákani tikapuka'eana. Wa'i ekukuchapa eta náitsirijirapiyare. Eta taka'e'i eta ímereuchirawa eta machicha'eira ema Tata Vikaiyakene. Taicha ema, tétavikawa'i eta máuriwa naye'e namutu, énaipa ena wínarajikeneana máechawara'ana'i.

San Lucas 6:35 Iomraidhean Croise

San Mateo 5:9

Ena nani ticonse­ja­ra­hianahi nayeheana ena achaneana, nacaepa­hairahi eta semanereana, tétavicava eta náurica­ca­revaya éna; taicha máimereu­chainapa ema Viya eta machichai­ra­vacahi éma.

Marcos 5:7

Ema Jesús, eta máimairahi ema achane, máichapa: —¡Pijunijica ema maca achane, piti éreana! —máichapa. Tipiara­recapa muraca eta majica­pirahi ema achane. Ánipa macahe: —¿Tájaha picha píteca pipauchanu, piti Jesús, Machicha­que­nevihi ema Viya? ¡Pájapanunu, vuíchaha picuva­necanu ánaqui te nucaicu­ñai­yayare! —macahepa.

San Lucas 1:32

Tétavi­cavaya eta napicau­chi­rayare ena achaneana taicha Machicha­yarehi ema Viya. Ichape­que­neyare eta aquenu­cai­rayare éma taicha ema Viya manaca­yareva eta mávacu­reyare aquenu­cayare. Macuti­yarehi eta aquenu­cairahi ema máchucaini David.

San Lucas 6:36

Ejapa­nu­ra­hi­yareva, ecutiyare eta majapa­nui­ra­havihi ema Tata Vicaiyaquene.

San Juan 13:35

Te yátupina émunacaca, eta tímatia­ca­hea­nayare ena achaneana étirahi eti nímitu­reanahi —máichahavipa.

San Juan 15:8

Nuvaraha ímere­cavaya eta táurivayare eta ecaema­ta­nea­siranu, apaesa tétavi­ca­vainapa eta macuna­cha­ca­revaya ema Tata. Tásiha, ecaeche­raipahi eta yátupirahi nímiturehe.

Hechos 14:17

Máimere­ca­hi­né­nisera eta émairahi tépiyaca eta juca táuriqueneana. Tíjara­ca­havihi eta tiquiva. Tiúrina­chayare eta sucurecana vinica­queneana máicha. Máijara­si­ra­havihi tamutu eta vicamu­nu­queneana. Ticuri­sa­mu­re­cha­ha­vivare. Eta tacahe, ímati­quenéha yátupina eta émairahi Viya esiña­rajiya —náichapa ena apóstoleana.

2 Corintios 8:9

Ímati­richuhi éti eta máemuna­si­ra­havihi ema Viáquenu Jesucristo. Éma, tamutu tiúrica­carehi te mávihahi te anuma, tájina­hinéni mácamu­nuhini. Étive­ne­hisera tiúcupaicapa te juca apaquehe. Páurehi éma eta máitare­sirahi apaesa éti ejaca­pahini eta iúrica­careva maicha éma.

2 Timoteo 3:2

Taicha tivayu­cha­vainapa eta náichirayare eta najamu­ra­raivana. Tavayua­cainapa eta plata. Ticasi­ña­va­nainapa, navayu­chayare eta náechaji­ri­si­ravana. Tipana­ra­rahiana. Éneri­chuvare, masuápa­ji­rái­ra­há­nainapa nayehe ena ticachichana. Tájinainapa eta náitsiri­ji­rá­pinaya. Váipavare napicau­chaimahi ema Viya, nasapi­ha­ya­rechucha nacaeca­hiyare éma.