San Lucas 21:25 - Ignaciano

²⁵ Tacahe, tímere­ca­va­nainapa eta ecutia­ra­reyare te sache, te caje, étapa te jarairiquiana. Tipica­nainapa ena achaneana te juca apaquehe. Tiárame­ca­nai­na­varepa taicha eta nasami­rayare eta muracaquene táepacuruha eta ichapequene une.

Táurinakene máechejiriruwa’i ema Viya tikaijare

²⁵ “Jarari'iyare eta ekutiarareya te sache, te kaje, étapa te jarairikiana, tipikanainapa ena achaneana te juka apake'e. Tiáramekanainapa taicha eta nasamirayare eta murakakene táepakuru'a eta ichapeama une.

San Lucas 21:25 Iomraidhean Croise

San Mateo 24:29

Tacahe, te táitavapa eta juca nacata­ji­vairaya ena achaneana, enéva­nénapa témahainapa eta sache. Étaripa eta caje, témahai­na­varepa. Témiri­ca­nainapa eta jarairiquiana. Étaripa eta tiávihanahi te anuma vímaima­ha­que­neanahi éneri­chuvare tiyamu­ri­ca­nainapa, tiyeje­je­ca­va­nainapa.

San Mateo 27:45

Tacahe, te las dócequenepa, témahapa eta sache. Timapicupa tamutu eta apaquehe. Mapana hora eta tamapi­cuirahi.

Marcos 13:24

Máichavarepa ema Jesús: —Te jena sácheanayare te táequenénapa eta jena nacata­ji­vai­rayare ichape ena achaneana, eta sache témahainapa, étaripa eta caje váipavare tijara­himahi.

Marcos 13:26

Nupaenu­ma­vainapa níteca nuchava núti Manere­ji­ru­nuhi ema Viya. Namutu tímaha­nua­nayare eta núcupai­si­rayare. Tiámanui­napaipa eta úcaji. Tétavi­ca­vayare eta nujarai­va­ya­repahi, níñehi­napaipa.

Marcos 15:33

Tacahe, te las dócequenepa, témahapa eta sache. Timapicupa tamutu eta apaquehe. Mapana hora eta tamapi­cuirahi.

San Lucas 21:24

Natiarihi ena tépenanaya te guerra, ena apamuriana nacara­ta­ta­ji­cainapa prisioné­roa­nainapa. Námava­cainapa te apana­queneana avasareana. Ema Viya máisapainapa tisiapana te Jerusalén ena apava­sa­queneana. Énapa téchanayare eta Jerusalén. Tiámainucava te máicutichapa ema Viya, macuchu­ca­va­cai­na­varepa.

San Lucas 21:26

Ena achaneana tiáquipai­ca­va­nainapa eta napisiraya, taicha eta náimairayare eta ecutia­ra­rea­nayare, váhisera náimatie­que­ne­haimahi tájahapuca eta náichara­ra­ca­va­yarehi. Éneri­chuvare tiyeje­ca­va­va­cainapa eta tiávihanahi te anuquehe anuma.

Hechos 2:19

Te juca anuma nímere­cayare eta tiárami­careana. Te juca apaquehe nucuchu­cayare eta ecutia­ra­reanaya, apaesa ímatinu nuti nucarichu nurataha nicha tamutu. Nucami­ricaya eta ecuñaraqui. Tépusai­ca­vayare eta náitine ena achaneana váinara­ji­que­neanahi. Nucami­ri­cayare te avasareana eta yucu étapa eta ichape quijare.

Apocalipsis 20:11

Nímaha­varepa eta ichapequene trono tijapu. Téjacahi ema Viya tayehe. Tétavi­cavahi eta márami­ca­revahi. Eta nímara­ra­sirahi éma, némitiacapa. Vaipa necha távihapuca návihahi téhepuca anuma, téhepuca apaquehe.