San Lucas 18:14 - Ignaciano

¹⁴ Tiuri, nutupiru numetacahe: Ema maca achane, eta machavi­raipahi te mapena, tijaca­pa­ca­réinehi me Viya taicha yátupihi eta máeneuchi­ravahi. Émasera ema fariseo vahi majaca­pa­ca­rehini. Taicha nácani ticasi­ña­va­vai­canahi, tímija­cha­vanahi ticuna­cha­carehi, éna tépuru­ca­rea­na­yarehi me Viya. Nácanisera ena tiyasea­canahi ema Viya eta májapa­nui­ra­vacaina, yátupihi tijaca­pa­ca­rea­na­yarehi mayehe —macahepa ema Jesús.

Táurinakene máechejiriruwa’i ema Viya tikaijare

¹⁴ Tiuri, nutupiru numetaka'e: Ema maka achane, eta machaviraipa'i te mapena, tijakapakaréine'i me Viya taicha yátupi'i eta máeñauchirawa'i. Émasera ema fariseo wa'i majakapakare'ini. Taicha nákani tikasiñawawaikana'i, tímijachawana'i tikunachakare'i, ena tépurukareanayare'i me Viya. Nákanisera ena tiyaseakana'i ema Viya eta májapanuirawakaina, yátupi'i tijakapakareanayare'i maye'e.

San Lucas 18:14 Iomraidhean Croise

San Mateo 23:12

Éneri­chuvare nácani mánsuanahi, éna ticuna­cha­ca­re­pa­na­nayare me Viya. Nácanisera ticasi­ña­va­vai­canahi ticuna­cha­va­napuca, tímitsi­riá­va­nayare me Viya —macahepa.

San Mateo 5:3

—Ena náimatihi eta tacamu­nu­que­neanahi eta náchanevana, tétavi­cavahi eta náurica­ca­revaya taicha máejerare eta najaca­pi­rayare eta máechaji­riruva ema Viya, machane­ra­na­yarehi.

San Lucas 1:52

Nácani aquenucana nacatia­na­cai­na­papuca, ñicapa­que­cha­va­ca­ya­re­hisera éñi. Nasapihapa ena páureana­samihi, ñinere­ji­ruanaya éna, ñijupa­ha­nayare.

San Lucas 10:29

Émasera ema maestro vahi mavara­hahini apaque­he­re­rui­nahini. Máichapa: —¿Nájahasica ema nuparae­piyahi? —macahepa.

San Lucas 14:11

Taicha nácani ticasi­ña­va­vai­canahi tímija­cha­vanahi ticapi­cahuana, ema Viya máimica­tsi­ria­ca­va­ca­yarehi. Nácanisera mánsuanahi eta náitaresira, ichapeyare eta nacuna­cha­ca­re­vayare me Viya.

San Lucas 16:15

Tacahe, ema Jesús máichavacapa: —Éti épiya­cavahi iuri eta ímairavahi nayehe ena achaneana. Émasera ema Viya máimatihi eta esamureana. Macatia­nacahi ichape éma eta apimi­ra­hérahi.

Romanos 3:20

Natiari­hi­pu­casera nácani tímija­cha­va­na­ripahi tijaca­pa­careana taicha navara­hainapa náitauchaya eta vanairipiana. Váhique­nesera tijaca­pa­ca­rea­naimahi me Viya, taicha vahi étapa­ra­caimahi eta náitauchirahi. Taicha eta vanairipiana, tímima­ti­cha­ha­vichucha eta vicape­ca­tu­rairahi.

Romanos 5:1

Puítiripa vijaca­pa­careipa me Viya táichavenehi eta vicasi­ña­vairahi eta mayehe. Tásiha, tétavi­cavaipa viúrivahi eta mayehe. Vaipa vipica­ca­ra­ca­vahini tayehe eta vícuña­ya­rehini, taicha ema vímicu­ñaruhi ema Viáquenu Jesucristo, macaepa­haripa eta vícuña­ya­rehini.

Romanos 8:33

Puiti tájinapa viviurevaina táimicu­ña­ca­ha­vihini viti manere­ji­ruanahi, taicha ema Viya tépachia­ca­ha­viripa eta majaca­pi­ra­havihi.

Santiago 4:10

Ecaja­pa­nu­ra­vayare eta éneuchi­ra­vayare te mamirahu ema Viáquenu. Tásiha, tétavi­ca­vayare eta ejaca­pa­ca­re­vainapa mayehe ema Viya.

Santiago 4:6

Étaripa eta máemuna­si­ra­havihi ema Viya, tétume­cha­havihi, mamava­rairahi víchahini eta tamauri­que­neanahi. Taicha ánivare tacahe eta Sagrada Escritura: “Ema Viya macatia­na­cavaca ena tisiña­va­vai­ricana. Máemuna­ca­va­ca­hisera máimica­ta­ca­va­ca­hivare ena mánsuana”.