San Juan 8:18 - Ignaciano

¹⁸ Ene nucahehi núti. Yátupihi eta numeta­rapiana. Émapa ema Ticachi­chanuhi, éma títame­ta­cahehi eta yátupirahi eta numeta­rapiana —máichavacapa.

Táurinakene máechejiriruwa’i ema Viya tikaijare

¹⁸ Ene nuka'e'i nuti. Yátupi'i eta numetarapiana. Émapa ema Tikachichanu'i, ema títametaka'e'i eta yátupira'i eta numetarapiana.

San Juan 8:18 Iomraidhean Croise

San Juan 10:11

Éneri­chuvare núti yátupi­quenehi eta nujanea­si­ra­vacahi ena nuchanerana, tacutihi eta majanea­si­ra­vacahi mácani achane eta mayeheana uvesa. Núti níjarareca eta nítaresira eta nucatiu­chi­ra­vacahi.

San Juan 10:14

Núti yátupiquenénu pastulérunu taicha tiúrihi eta nujanea­si­ravaca ena nuchanerana. Tímati­nu­hivare ema Tata, tacutihi eta nímatirahi núti éma. Éneri­chuvare tacahehi eta nímati­ra­vacahi ena nuchanerana. Éna tímati­nua­na­hivare. Eta néñamai­ra­vacahi, núti nímija­ra­re­cavahi eta nítaresira náichavenehi éna.

San Juan 10:30

Taicha núti émapa ema Tata vicuti­cacahi eta vítupa­ji­jia­si­ra­va­vacahi —máichavacapa.

San Juan 10:9

Núti nujanea­ca­vacahi ena nuchanerana, nucutihi eta tapena eta uvesa. Nácani ticasi­ñavana eta nuyehe, nucatiu­cha­yarehi núti. Tájina náichavaimahi, tájinavare náechuria­caimahi. Néchavacahi núti.

San Juan 11:25

Ema Jesús máichavarepa: —Jéhevare núti, nucaita­rerahi nácani nucaeche­pu­reanaya. Táitusiava numetacavi: Nácani tisuapa­nua­nayare, tayana­pa­nepuca náepena, nucaita­re­ca­ya­resera núti.

San Juan 14:6

Ema Jesús majica­pa­varepa: —Nútira néhicacare. Nútirichuva nuti yátupiquenénuhi. Nútivare nucaita­rerahi, nájina apanaina ácasi­ñaimahi eta íteca­pi­rayare me Tata.

San Juan 8:12

Te táequenepa eta juca, tépana­va­varepa tímitureca ema Jesús. Máichavacapa ena achaneana: —Nútira numicau­chahehi eti achaneana te juca apaquehe. Eta tacahe, nácani téhica­nua­nayare, vahi ­ téjeca­pa­va­naimahi. Taicha eta nímitu­rapiana, étapa timícau­cha­vacahi. Tásiha, nacati­chainapa eta timapicu, vaipa napauchaimahi —máichavacapa.

San Juan 8:25

Tacahe, nayase­recapa éna: —Piti pímijachava mavaneruhi ema Viya. ¿Nájaha­visica pítinavaji? Ema máichavarepa: —¿Áyahe­papuca numetacahe?

San Juan 8:38

Núti néchaji­sihahi eta máimecha­que­né­nuanahi ema Tata. Étisera étachucha íchahi eta mavanai­ri­pia­na­richuhi ema ticachichahe ­ —macahepa.

San Juan 8:51

Nutupiruva numetacahe: Nácani tisuapa­nayare eta numeta­rapiana, máepena­ca­ca­nayare éna —máichavacapa.

San Juan 8:58

Ema Jesús majica­pavare: —Nutupiruva numetacahe: Májinai­chahahi ema Abraham, nunasi­que­ne­ripahi núti —máichavacapa.

Hebreo 2:4

Éneri­chuvare, ema Viya máimere­capahi eta tiárami­careana, máicutia­ranahi eta émairahi vanairuca, mavarairahi tisuapa­ca­re­yarehi eta nameta­rapiana. Éneri­chuvare puiti ema Espíritu Santo, éma tíjara­ca­havihi eta vítuca­que­ne­pa­chuyare apaesa vítaucha­yarehi eta vémata­ne­re­pi­pachuhi víjarahi máicha.