San Juan 17:11 - Ignaciano

¹¹ Puiti núti nujuni­ji­ca­va­cainapa ena píjara­runuana. Énasera nanasi­ya­rechaha te juca apaquehe. Nútisera nútija­painapa eta piyehe. Tata Nucaiyaquene, piti yátupi­que­névihi eta pisantuvahi. Nuyaseacavi pijanea­si­na­nu­va­cachucha éna, apaesa náimiya­navahi eta náurujia­si­ra­cacaina, návahá­si­ra­ca­cayare nácutihini eta viávahá­si­ra­cacahi víti.

Táurinakene máechejiriruwa’i ema Viya tikaijare

¹¹ “Nuti nujunijikawakainapa ena píjararunuana. Énasera nanasiyarecha'a te juka apake'e. Nútisera nútijapainapa eta piye'e. Tata Nukaiyakene, piti yátupikenevi'i eta pisantuwa'i. Nuyaseakavi pijaneasinanuwakachucha ena, apaesa náimiyanawa'i eta náurujiasirakakaina, náwa'asirakakayare nákuti'ini eta viáwa'asirakaka'i víti.

San Juan 17:11 Iomraidhean Croise

San Mateo 10:16

Esama­nuchaha. Núti nuvane­cahehi éti eyana epaica. Narari­hisera ena achaneana váinara­ji­que­neanahi étupia­rua­nayare. Éna nacutihi eta sárare táiñehi­que­neánahi. Étisera ecutiyare eta uvesa eta tamansuvahi. Ítucayare eta ecaiche­pai­si­rayare eta navaina­ra­jivana. Váhisera ecuji­ca­pauchava te návara­hapuca náehahe.

San Mateo 5:48

Tétavi­ca­va­sareya eta iúriva nayehe namutu. Vahi enere­ji­caimahi ena achaneana. Váhivare eyava­naimahi eta iúriva. Ecutiyare ema Vicaiyaquene te anuma eta máurivahi.

San Mateo 6:9

Éti, ani tacaheya eta eyuja­rau­chi­ravaina: Tata Vicaiyaquene, piti piáviha te anuma, vipicauchahi yátupi eta píjare.

San Juan 13:1

Tiuri, te jena sácheanahi tamira­hu­paipahi eta Pascua, ema Jesús máecharipa táiteca­pau­cha­yarepa eta majuni­ji­si­ra­yarehi eta juca apaquehe. Tiyana­yarepa mayehe ema Maiya. Tétavi­cavahi eta máemuna­si­ra­havihi viti máimitureana.

San Juan 14:20

Te nuchavapa nítareca, échavainapa éti eta mávahásiranuhi ema Tata, échavai­na­varepa eta návahásira­hevare núti, éti apana iávahácanu­hivare.

San Juan 16:28

Núti, eta násihahi mayehe eta nítesirahi te juca apaquehe. Puítisera nujuni­ji­cai­na­varepa eta apaquehe, nuchavai­na­varepa mayehe ema Tata —máichahavipa.

San Juan 16:33

Numeta­ca­hevare tamutu eta juca apaesa vahi ecuarameca. Ácasiñava yátupina nuyehe apaesa tacuija ecuichi­ravaina, tayanapane ecata­ji­vayare muraca te juca apaquehe. Ácasi­ña­va­hisera eta nuyehe, taicha núti máijara­runuhi ema Tata eta nucapa­que­mu­ri­hai­rayare namutu ena nánaranahi —máichahavipa.

San Juan 17:23

Píti piávahá­canuhi núti. Tásiha, núti návahá­ca­vacahi éna apaesa yátupi­nahini éna étanai­na­ri­chuyare eta napane­reruana, apaesa ena apamuriana achaneana te juca apaquehe étainahini náimatia­rai­nahini eta pivane­si­ranuhi, étapa eta pémuna­si­ra­vacahi ena nímitureana tacutihi eta pémuna­si­ranuhi núti.

San Juan 17:25

Tata Nucaiyaquene, píti yátupi­que­névihi eta pisantuvahi. Ena achaneana te juca apaquehe vahi náimati­vihini. Nútisera nímativihi.

San Juan 17:6

Nítamu­tu­ru­ca­ripahi eta nímitu­si­ra­vacahi ena píchuha­que­neanahi píjara­ru­nuanahi píti. Nímima­ti­cha­va­ca­hivare eta piúrivahi píti. Yátupi­hisera eta pichicha­na­veanahi éna, taicha nasuapahi eta nímitu­rapiana píjara­ru­nuanahi núti.

San Juan 7:33

Tacahe, ema Jesús máichavacapa ena suntaruana: —Vuíchaha titupa­racahe eta ecara­ta­ca­nuhini. Yátupisera ánipirine eta nucaheyare eta eyehe. Tásiha, nuchavainapa mayehe ema tivane­canuhi.

Hechos 3:21

Ema maca Jesucristo puiti téjacahi te anuma. Jarari­hi­ya­resera eta sache eta machavi­rayare, máetupi­ri­ca­yareva tamutu. Ánaquia­paripa, eta juca mameta­rapihi ema Viya nayehe ena mayeheana santo profetanaini eta náimitu­si­rayare ena achaneana.

Romanos 12:5

Ene vicahehi víti. Camuri­havihi, étanai­chu­hisera eta viáquehehi eta viúrujia­si­ra­cacahi eta véhisirahi ema Cristo, vímica­ta­ca­cairahi eta vicaema­ta­nea­sirahi éma.

Romanos 9:17

Ema Viya ánivare macahehi eta te Sagrada Escritura mayehe ema rey te avasare Egipto: “Núti nunacavihi eta piávacurehi pirreyva­yarehi, taicha nímativi eta pimura­ca­sa­mu­revahi. Nuvara­hasera núti nímima­ti­cha­viyare eta tamutuirahi nurataha nítupa­ji­jia­sirava, apaesa táimaticare eta níjare te tamutu eta juca apaquehe” macahepa ema Viya.

1 Corintios 1:10

Nupara­pe­naveana, ¿tájaha­papuca ecayema éti vaipa tétupicava eta epane­reruana? Núti nusamai­ri­ricahi eta íputsia­si­ra­va­va­caripa. Taicha tacahehi eta nameta­si­ranuhi ena suchicha­naveana esu vichamuri vénaraha Cloé. Nupara­pe­naveana, nutupa­ra­ca­heyare te máijare ema Viáquenu Jesucristo, tácuticáca eta epane­reruana. Nuvaraha étanai­narichu eta epane­reruana. Vaipa ecuipu­tsiacaca.

Gálatas 3:28

Tayanapane apava­sa­sa­jue­cuhehi éti; tayana­pa­ne­hivare ecasi­ri­qui­quíjihi eti ajairana, ena esenana; tayana­pa­ne­hivare músuanapuca, líbreanapuca. Téhesera te mamirahu ema Viya, étana­richuhi eta vímahi.

Filipenses 2:9

Eta tacahe, ema Viya máijaracapa eta máejasi­ha­yarehi tayehe eta anuque­hepana mávacu­re­yarehi, étapa eta tacapi­ca­huirahi ichape eta máijare,

Hebreo 9:24

Ema Jesucristo, tájina máimati­yahini mayuja­ra­cahini eta te jena santuário te juca apaquehe. Étaque­ne­hisera masiapa eta mayuja­ra­si­rayare eta te Santuário tiávihahi te anuma. Puíticha matupi­ha­mi­rauchahi ema Viya eta mayaseu­chi­ra­havihi víti.

Santiago 4:4

¡Tétavi­cavapa eta emaetu­pi­si­ravahi eti achaneana! ¡Éjeca­pavahi ichape mayehe ema Viya! Evarahapa éhica eta nayehe­re­pianahi ena achaneana masuapa­ji­rai­ra­hanahi. Tihapa­pi­cahepa eta tájipa­racana te juca apaquehe. Masapihapa epuru­yarehi ema Viya, ecatia­nacapa éma.

1 Pedro 1:5

Puítisera, tétavi­cavahi eta máitupa­ji­jia­si­ravahi ema Viya eta majanea­si­rahehi, táichavenehi eta ecasi­ña­vairahi mayehe. Taicha mavaraha ticuchu­cu­ha­heyare te jena sache táepani­ra­vayare eta viúrita­re­siraya.

1 Juan 3:12

Tásiha, vahi ecucuti éti ema Caín, mávaháruhi ema Váinaraji. Ema maca Caín macapacahi ema maparapéni Abel, táichavenehi eta máetaviu­chirahi eta mavaina­ra­jivahi. Ema maca Abel, táimica­pacahi eta masuapa­ji­raivahi, máichirahi eta táuriqueneana.

1 Juan 5:19

Taicha véchahi eta macachi­chai­ra­havihi ema Viya. Váhisera vámutu. Nararihihi ena apamuriana achaneana machane­ranahi ema Váinaraji.

San Judas 1:1

Nuti Judas néchaji­ca­hevaca emutu eti nupara­pe­naveana nuchamu­rianahi. Núti mavane­runuhi ema Viáquenu Jesucristo. Éti ímatihi ema nuparape Santiago. Núti nucaju­re­hevaca eta juca nucartane taicha eti apanavare machane­rahepa ema Tata Vicaiyaquene, taicha esuapahi eta máichuarapihi. Tétavi­cavahi eta majanea­si­rahehi táichavene eta iúrujia­sirahi ema Machicha Jesucristo.

San Judas 1:24

Ema Viya, tétavicava eta máitupa­ji­jia­si­ravahi. Macarichuhi éma marataha ticatiu­chahavi tayehe eta vícuchinihi vícuña­ya­rehini, taicha mavanecahi máepeni­na­haviya ema Machicha, ema Viáquenu Jesucristo. Puíticha tétavi­ca­va­hivare eta majanea­si­rahehi éti apaesa vahi ecuaqui­pai­ca­vahini tayehe eta pecatu. Taicha mavarahahi máepachi­na­chayare eta iáchanevana, tacuija­hi­varéni eviurevaina eta mámira­heyare te mamirahu te jena sácheyare. Tétavi­ca­vainapa eta iúrisa­mu­revaya te ímahapa eta majarai­va­quenehi. Acane nacuna­chanahi ena ángeleana. Éneri­chuvare víti, tétavi­ca­va­yareva eta vicuna­chiraya éma vimutu víti, taicha tétavi­cavahi eta márami­ca­revahi taicha ichape­quenehi eta máitupa­ji­jia­sirava. Vépuyu­miraucha eta víjara­sirava visuapayare. Máitava­ca­cayare eta vitsiusi­rayare éma. Amén.

Apocalipsis 15:4

Namutuhi tipicaviana, piti Tata. Namutuvare ticuna­chaviana taicha piti yátupi­que­névihi eta pisantuva, nájina nácuti­vihini. Títeca­nayare nácani achaneana te tamutu avasareana. Titsiuca­via­nayare taicha náimahahi tatupi­ruvahi tamutu eta píchaque­neanahi”.

Apocalipsis 4:8

Tacahe, ena nani cuátroqueneana ecutia­rareana tiávihanahi tayehe eta trono, sáisivaca eta napavana. Ticauqui­ha­va­cavare amairiha eta napavana. Ena nani, vahi táechuqui­hahini eta nacuna­chirahi ema Viya, ema acane­va­caquene eta máitare­sirahi. Tijiranahi tamutu sácheana, yátiana. Ánipa nacahe: “Tétavi­cavahi eta pisantuva, piti Tata. Tétavi­ca­va­hivare eta pítupa­ji­jia­si­ravahi, píturue­queneha tamutu. Piti pitiari­hi­quenehi te tépana­vainapa eta apaquehe. Puiti pinasi­ri­chuvare eta viyehe. Pítiri­chuvare pinasiyare te táitavapa tamutu. Puiti vihasu­lu­pa­ya­chavihi eta pichane­ra­havihi” nacahepa ena ángeleana.