Efesios 3:18 - Ignaciano

^18-19 Nuyasea­cavare ácutihini ena apamuriana echamuriana te tamutu avasareana, te yátupina ecaicutiara eta táichapevahi eta máemuna­si­rahavi ema Cristo. Tájina títaina éta. Tayanapane vahi vicúcai­cu­tia­ra­quenéna. Nuyasea­ca­hivare yátupina émainahini ecasamure ema Viya.

Táurinakene máechejiriruwa’i ema Viya tikaijare

¹⁸ Eta taka'e namutu ena machanerana ema Viya, narata'ainapa nakaikutiara ena eta maemunaraiwa ema viákenu Jesucristo etapa eta taichapewa eta maemunasira'avi ema Viákenu Jesucristo.

Efesios 3:18 Iomraidhean Croise

San Juan 15:13

Ena achaneana, te navarahahi náimerecaya eta náemuna­sirahi nácani náemuna­ruanahi, natanu­ca­yarehi náijara­casicha. Nácani tíjara­re­ca­va­napuca eta náepenirahi énavenehi ena náemuna­ca­sareana, éna yátupihi náimereca eta náemuna­sirahi. Ene nucahehi núti, níjara­re­ca­vayare eta népeniraya íchavene eti némuna­ca­sa­reanahi.

2 Corintios 13:13

Ani te juca téchaji­caheana namutu ena vichamuriana.

Gálatas 2:20

Eta nusuapirahi eta máepenirahi ema Cristo te crusu, nujaca­pa­carehi me Viya. Puiti, vaipa nútijivaina necha eta nítare­sirahi. Émapa téchanuhi ema Cristo tamutu eta nítare­sirahi. Émapa nucasiñahi taicha yátupihi eta macasi­ña­ca­revahi taicha yátupi­quenehi Machichahi ema Viya. Eta máemuna­si­ranuhi, tímija­ra­re­cavahi níchavenehi núti.

Gálatas 3:13

Ánivare tacahe eta Sagrada Escritura: “Mácani achane ichape eta maviureva, ticaeta­ta­ca­si­yarehi te yucuqui. Eta táicutiarahi eta máicuña­si­rayare ema Viya eta máchaneva”. Viti achaneana, ichape eta vícuña­ya­rehini taicha eta vimaitau­chirahi tamutu eta vanairipiana. Émasera ema Jesucristo, tépeni­na­havihi te crusu, tamuria­sirahi tamutu eta vícuña­ya­rehini víti.

Efesios 1:10

Tamutu eta juca mapane­re­ruanahi títaucha­va­ya­repahi, jácani tatupa­ra­quipahi. Te jena sácheyare manere­ji­caripa, ema Viya manacainapa ema Machicha Jesucristo aquenu­ca­que­ne­yarehi, téchayarehi tamutu eta táichara­ra­cavana. Nasuapa­ya­rehiva namutu ena tiávihanahi te anuma, énapa ena tiávihanahi te juca apaquehe.

Efesios 1:15

Eta tacahe, núti néchahehi éti tamutu te nuyuja­ra­sirana, taicha nusamai­ri­ricapa eta yátupirahi éhica ema Viáquenu Jesucristo étapa eta émuna­ji­ri­si­ra­cacahi emutu eti machane­ranahi ema Viya. Nuhasu­lu­pa­yachahi ema Viya eyehe.

1 Timoteo 3:16

Taicha eta juca véhiruhi vimutu, tétavi­cavahi eta táuriva: Vimutuhi visuapahi eta máucupai­sirahi te juca apaquehe ema Jesucristo, macaque­herahi eta juca viáquehehi viti achaneana. Émaripa ema Espíritu Santo macame­ta­ra­pi­hivare eta yátupirahi Machicha ema Viya. Náimaha­hivare ena ángeleana eta máechepu­sirahi te máecari. Te tamutupa, tichavapa éma te mávasa anuma. Tásiha, viti mavanarana véchaji­sihahi tamutu avasareana eta macuchu­cui­ra­ha­viyare vimutu viti achaneana. Ichape­muriana ena ticasi­ña­vanahi mayehe, téhicanahi éma.

Apocalipsis 3:21

“Emutu eti ecami­chanahi, ímiya­na­va­hivare eta éhisi­ranuhi, núti nucaeja­ca­he­va­cayare tayehe eta néjasi­hayare, tacutiyare eta néjasirahi te mavaure ema Tata, taicha eta nétume­chi­ravahi nucami­chirahi tamutu.