Efesios 2:7 - Ignaciano

⁷ Eta juca émavenehi ema Viya, mavarahahi máimereca maverahi eta viúrica­ca­revana máijara­ru­ha­viyare eta viyehe te jena sácheyare, taicha tétavi­cavahi eta máemuna­si­ra­havihi táichavenehi eta viúrujia­sirahi ema Jesucristo.

Táurinakene máechejiriruwa’i ema Viya tikaijare

⁷ Eta juka émavene'i ema Viya, mawara'a'i máimereka eta viúrikakarewana máijararu'aviyare eta viye'e te jena sácheyare, taicha tétavikawa'i eta máemunasira'avi'i táichavene'i eta viúrujiasira'i ema Jesucristo.

Efesios 2:7 Iomraidhean Croise

Romanos 2:4

Émasera ema Viya, tétavi­cavahi eta máurivahi eta eyehe. Vahi maícuña­ca­he­va­nehini. Ticami­chahehi, ticucha­pa­he­hivare, mavarairahi éneucha­vahini eta mayehe, ínaji­cahini eta íchira eta tamauri­queneana. Tásiha, vahi ecueme­pu­rureca eta máurivahi eta eyehe.

Efesios 1:7

Tásiha ema Viya, tiúrihi eta máimaira, máimerecahi eta máemuna­si­ra­havihi ichape. Tíjara­ca­havihi ema Machicha tépeni­na­ha­vi­yarehi eta macaepa­hai­rayare eta vipeca­turana, viúchucu­ha­yarehi máicha. Éneri­chuvare tíjara­ca­ha­vi­hivare eta véchema­raivaya vímatie­que­ne­hairaya ichape, taicha tímitu­ca­havihi eta mapane­reruana. Váhisera máimere­ca­va­nehini eta juca mapane­re­ruanahi acane; tapaemunava te tiúcupaicapa ema Machicha. Tivapi­navahi éma eta máitauchiraya eta mapane­re­ruanahi ema Maiya.

Efesios 2:4

Tímicu­ti­ji­ri­ca­vaichaha vépena­que­né­nahini táichavenehi eta vipeca­tu­ra­nainihi. Tétavi­ca­vasera eta majapa­nui­ra­havihi ema Viya. Ichapevare eta máemuna­si­ra­havihi. Tíjara­ca­ha­viripa arairupa eta vítaresira táichavenehi eta viúrujia­sirahi ema Cristo. (Táichavenehi eta majapa­nui­rahehi, ticuchu­cu­ha­he­yarehi.)

Efesios 3:21

¡Vicuna­cha­pa­ra­cahini ema Viya vámutu viti véhicanahi ema Jesucristo! ¡Máichecua­ra­qui­rénapa eta vicunachira! ¡Amén!

Efesios 3:5

Eta juca mapane­reruhi ema Viya, nájina náimatie­que­ne­hahini cape juca tásine­quenehi. Puítisera, ema Espíritu Santo tímecha­ha­viripa viti mayeheana santo apóstoleana énapa ena profetana.

2 Tesalonicenses 1:12

Tásiha, ena apamuriana achaneana nacuna­chayare ema Viáquenu Jesucristo táichavenehi eta náimairahi eta íchirahi éti eta táuriqueneana. Éneri­chuvare, éti ecuna­cha­ca­rénapa me Viya, taicha tétavi­cavahi eta máemuna­si­rahehi, émapa ema Viáquenu Jesucristo.

Tito 3:4

Puítisera, vaipa vácahehini, taicha máitsiva­charipa eta vítaresira ema Macatiu­ra­hi­quenehi Viya. Émasera, tétavicava eta máuriva eta viyehe. Témuna­ca­ha­viripa. Váhinéni víchahini eta táuriqueneana, tijapa­nu­ha­visera éma. Masipacaipa eta visamureana, máquijicaipa eta tamauri­que­neanahi eta viyehe. Éneri­chuvare tíjara­ca­havipa ema Espíritu Santo. Ema Espíritu Santo máitsiva­chi­na­há­vi­paipahi eta vítaresira, tímitu­ca­havipa eta viúrivayare eta viyehe­re­piyare.

1 Pedro 1:12

Émasera ema Espíritu Santo (ema másiha­quenehi te anuma), mameta­ca­vacapa vahi náimahaimahi ema Cristo, taicha camuri­yarehi eta áñoana eta máiteca­piraya. Vítipasera puiti viti vítare­rua­naichaha, vítipa vímatihi éma. Te vicame­ta­rairupa mayehe ema Jesucristo, ema Espíritu Santo títame­ta­cahehi te esamureana. ¡Tétavi­ca­vayare eta viúrica­ca­re­vayare víti, te viúchucuhapa! Énaripa ena ángeleana, ichape navarahahi náimatihini tájahapuca táichara­ra­ca­vayare eta viúrica­ca­re­vayare.