Apocalipsis 5:1 - Ignaciano

¹ Tacahe, te mavahu vaure ema máejaruhi tayehe eta trono, nímahapa macara­tacahi eta ichapeme ajureca ticayu­ruquihi, ticana­ra­cacahi eta letra te tajuhe étapa te táquecume. Ticaipistahi tayehe eta siete sello, táipista­ru­vanahi.

Táurinakene máechejiriruwa’i ema Viya tikaijare

¹ Taka'e, te mawa'u waure ema máejaru'i taye'e eta trono, níma'apa makarataka'i eta ichapeme ajureka tikayuruki'i, tikanarakaka'i eta letra te taju'e étapa te tákekume. Tikaipista'i taye'e eta siete sello, táipistaruwana'i.

Apocalipsis 5:1 Iomraidhean Croise

Apocalipsis 10:2

Téjiacahi eta ajure­cachicha eta macara­ta­sirahi te mavahu. Tásiha, eta mapaique vaure mácata­yaecahi eta une te mar. Eta étaquiape sapa tacata­yacahi te tiájipahi.

Apocalipsis 4:3

Tiárami­carehi eta máimahi. Tétavi­cavahi eta máurinavahi. Eta máimahi tacuti eta tajanu­nusira eta márijahi jaspe étapa eta cornalína. Te tachachacuana távihahi eta trono, tétavicava eta tajaraivahi tacuti­yaréni eta táimahi eta ahe eta táurinava. Véresera eta táimahi.

Apocalipsis 5:13

Nusamavare eta tahu tamutu eta máepiya­ruanahi ema Viya, eta tiávihanahi te anuma, étapa eta tiávihanahi te apaquehe, éneri­chuvare eta tiávihanahi te amahe eta apaquehe, étapa eta tiávihanahi te une. Ánipa tacahehi: “Tétavicava eta pítupa­ji­jia­si­ravahi, piti Vicaiyaquene, pítipa piti Cordero. Éti, tétavicava eta epicau­cha­ca­revahi. Éti, tétavicava eta ecuna­cha­ca­revahi. Tijarahi visama eta vijirau­chirahe. Máitava­ca­cayare eta vitsiusi­ra­heyare” nacahepa.

Apocalipsis 5:7

Ema maca Cordero tiyanapa, majacapahi eta ajureca te mavahu vaure mayehe ema máejaruhi te trono.

Apocalipsis 6:1

Tacahe, nímahapa ema Cordero te mavepi­stacapa eta tínapuca sello. Tásiha, nusamapa ema émana ecutia­rarehi. Eta mahu tacutichucha tirurehucha. Ánipa macahe: —Yare, piúchuca —macahepa.

Apocalipsis 6:16

Ánipa nacahe: —Vicavi eta ichape­queneana mari, apaesa vahi macuima­hahavi ema Viya, apaesa viúchucuha tayehe eta táiñehiquene máicuñaraqui ema Cordero.

Apocalipsis 8:1

Tacahe, mavepi­stacapa ema Cordero eta téqueneha sello tayehe eta ajureca. Tamuturine timatina. Média-horapuca eta tamatinaira.