Apocalipsis 19:8 - Ignaciano

⁸ Viti véhicanahi ema Cordero, tétavi­cavahi eta vipachi­na­vaipahi máicha, tacutihi súcani araimayare ticaetu­pi­rihipa, sucamui­ri­ha­hivare eta táurinaquene múiriare lino, tijapu tirape­pemeca” nacahepa. (Eta juca lino, táicutiarahi eta táurivahi eta víchaqueneana viti véhicanahi ema Viya.)

Táurinakene máechejiriruwa’i ema Viya tikaijare

⁸ Viti vé'ikana'i ema Cordero, tétavikawa'i eta vipachinawaipa'i máicha, takuti'i súkani araimayare, sukamuiri'apa eta múiriare lino, tijapu tirapepemeka. Eta juka lino, táikutiara'i eta táuriwa'i eta naíchakeneana ena té'ikana'i ema Viya.”

Apocalipsis 19:8 Iomraidhean Croise

San Mateo 17:2

Eta ánaqui, náimahapa tihapa­mai­chavahi eta máimahi ema Jesús te namirahu éna. Eta mamira, tétavicava eta tajara­rasira tacuti eta sache. Eta mamuiriha, tétavicava eta tajanu­nu­me­sirahi, étapa eta tajapuvahi.

San Mateo 22:12

Tacahe, máichapa: “Ajaira, ¿tájaha tacayema vahi pinacahini eta múiriare níjara­ru­heanahi tayehe­yarehi puiti juca piéstayarehi?” Émasera ema achane vahi majica­pahini.

Marcos 9:3

Eta mamuiriha, táetaviucha eta tajanu­nu­me­sirahi. Nájina tiratahaina tépachinacha tajanu­nu­me­cahini náicha eta muíriare.

San Lucas 24:4

Tiárame­ca­na­rinehi eta náejiasirahi. Váipa náimatie­que­ne­hahini tájaha­hipuca eta máichara­ra­cavahi. Tásiha, tiárami­carepa náimahahi ena apinana ajairana titupi­hanahi te nachacaya. Tijanu­nu­ca­vacahi eta namuirihana.

Hechos 1:10

Eta mayanirahi ema Jesús te anuma, náimara­ra­cáichaha ena máimitureana. Tacahe, tiárami­ca­reanapa tímere­cavana ena apinana ángeleana. Tijapu­mui­ri­havaca.

Romanos 13:14

Tásihasera, ímereca eta iúrivaina. Ácuti ema Viáquenu Jesucristo eta máurivahi éma. Vaipa ecusuapa eta tajamu­ra­cha­que­neanahi eta iáqueheana. Váhivare ecupa­nerecha eta íchiraya éta.

Romanos 3:22

Eta tacahehi puiti, yátupihi eta vijaca­pa­ca­revahi vimutu viti vicasi­ña­vanahi mayehe ema Jesucristo. Ema Viya vahi manere­ji­caimahi nácari­chuhini ena tiúriana. Váhivare máepuruimahi ena achaneana tisipe­ca­tu­ranahi. Eta nacasi­ñai­ravahi eta mayehe, majaca­pa­vacahi namutu.

Apocalipsis 15:4

Namutuhi tipicaviana, piti Tata. Namutuvare ticuna­chaviana taicha piti yátupi­que­névihi eta pisantuva, nájina nácuti­vihini. Títeca­nayare nácani achaneana te tamutu avasareana. Titsiuca­via­nayare taicha náimahahi tatupi­ruvahi tamutu eta píchaque­neanahi”.

Apocalipsis 19:14

Náehicapahi ena mayeheana ejército, tiásihanahi te anuma. Namutu ticape­ravaca eta cavayu tijapu. Eta namuirihana, amairiha eta táurinaquene lino tijapu.

Apocalipsis 3:18

Nuvaraha nuconse­jachahe: Te evarahapa yátupina eta errico­vayare, íteca eta nuyehe. Jéhevare núti núricha­heyare, ecutiyare ena ticayeheana eta yátupiquene oro. Jéhevare núti níjara­ca­heyare eta emuiri­hayare tijapu apaesa vahi ecutsiriha te numirahu. Nétsara­cha­he­yareva eta ipuruji apaesa ímairirica.