Apocalipsis 15:1 - Ignaciano

¹ Tacahe, te nésenicapa te anuma, nímaha­varepa eta apana ecutiarare. Tétavi­cavapa eta tárami­ca­revahi. Natiari­hivare ena siétequeneana ángeleana. Ticatu­pa­ra­ca­sianapa éna eta nacami­ri­si­ra­yarehi eta siétequene ecuña­raquiana te apaquehe. Te táitavapa eta juca ecuña­raquiana, títavai­na­varepa eta masema­nevahi ema Viya.

Táurinakene máechejiriruwa’i ema Viya tikaijare

¹ Níma'awarepa te anuma eta apana ekutiarare, natiari'iware ena siétekeneana ángeleana, tikatuparakasianapa ena eta nakamirisirayare'i eta siétekene ekuñarakiana te apake'e, eta masemanewa'i ema Viya.

Apocalipsis 15:1 Iomraidhean Croise

Apocalipsis 10:3

Tásiha, tipiaracapa muraca, tacuti eta tahu eta tíñehi­quenehi sárare. Te títapi­ricapa, nusama eta nahu ena apamuriana tacuti­yaréni eta tirure­huchahi. Siétequenehi eta najica­pirahi.

Apocalipsis 11:14

Títauchavapa eta juca apinaquene ecuñaraqui. ¡Váhisera tayere­que­ne­haimahi eta mapanaquene ecuñaraqui!

Apocalipsis 14:10

Muraca eta nacata­ji­vairaya taicha ichape eta náimiyu­se­ma­sirahi ema Viya. Ticaepu­ju­qui­cha­ca­sia­nainapa eta te muracaquene yucu, táetira­ráisina eta tamuruira. Muraca­quenehi eta nasamira. Táitusiava, natsiri­hainapa eta máimara­rasira ema Cordero, énapa ena ángeleana.

Apocalipsis 14:19

Tacahe, tiyanapa ema ángele. Macuru­ji­mu­rihapa ena achaneana tíchanahi eta tamauri­queneana. Tíñehi­quenehi eta náepenirahi taicha títecapapa eta táiñehiquene ecuñaraqui tiásihahi me Viya taicha eta náimiyu­se­ma­sirahi éma. Tacaja­pa­pa­he­ca­vacahi éna.

Apocalipsis 16:1

Nusamapa muraca eta mahu ema Viya tásiha­quenehi eta téqueneha cuarto náuchusinehi ena siétequeneana ángeleana. Ticava­na­hianapa éna. Ánipa tacahe eta navanahi: —Eyanapa ecamirica te apaquehe eta juca siétequene ecuñaraqui táiñehi­queneana tiávihanahi te escudilla taicha eta nusema­nevahi —máichapa ema Viya.

Apocalipsis 17:1

Tásiha, tipauchanupa ema émana ángele nasietenehi ena ticara­ta­canahi eta escudillana. Máichanupa: —Yare, nímecha­viyare eta suícuñayare esu esena túhusi, tavayu­revahi eta supeca­turana. Ésu, tacunahi eta ichapequene avasare te tachausi eta mar.

Apocalipsis 19:15

Te majaca ema tínapu­capahi, tiúchucapa tavasi­ma­hi­yaréni eta tacasi­riquene espada eta macapa­si­hayare ena mánarana. Macara­tacahi eta matsucurupa fiérroqui eta macuru­ji­si­ra­vacaya. Mácata­ya­ya­ji­ca­va­cayare ena mánarana tacutiyare eta nácata­ya­ya­ji­sirahi eta uva eta nacuchu­sirahi eta tachi táitive­quenehi. Éta tímereu­cha­yarehi eta tamura­ca­vayare eta náicuñaya, taicha tétavi­cavahi eta náimiyu­se­ma­sirahi ema Viya ema máitupa­ji­ji­ha­quenehi, máiturue­que­ne­havare tamutu.

Apocalipsis 21:9

Tacahe, tipauchanupa ema émana ángele nasietenehi ena ticara­ta­canahi eta siétequene escudilla tiámapahi eta siétequene ecuña­raquiana táiñehi­queneana. Tásiha, máichanupa: —Yare. Nímecha­viyare eta avasare, návihahi ena machanerana ema Cordero. Tímicu­ti­ji­ri­cavahi esu araima sucaetu­pi­ri­hi­quenehi eta suítauchi­ra­vayare —máichanupa.

Apocalipsis 8:13

Tacahe, nésenicapa te anuquehe. Nímaha­varepa ema émana ángele tiáraraicahi. Nusamapa tipiara­capahi muraca, ánipa macahe: —Páureanasami ena tiávihanahi te apaquehe. Tétavi­cavaya eta nacata­ji­vai­rayare, puiti te táitauchavapa eta nacachu­jairaya ena mapana­queneana ángeleana, téquene­hanaya ticachujana —macahepa.

Apocalipsis 8:2

Tásiha, nímahapa ena siéteana ángeleana, titupi­hanahi te mamirahu ema Viya. Ticaija­ra­ca­sianapa eta siete chujareana nachuja­na­yarehi.

Apocalipsis 8:6

Tacahe, nímaha­varepa ena siétequeneana ángeleana titseca­va­naripa eta nacachu­jai­rayare.

Apocalipsis 9:20

Énasera ena apamuriana achaneana tacaiti­ruanahi eta ecuñaraqui, váhiquene navara­haimahi náinajica eta náichira eta tamauri­queneana. Váhiquene téneucha­va­náimahi. Váhivare náinaji­cahini eta nacapa­hivana, eta nahiape­ma­revana, étapa eta náesena­ma­revana, étapa eta námeraivana. Váhivare náinaji­caimahi eta najirauchira ena éreanana, eta natsiusirahi eta nasiña­rajiana náepiya­ruanahi oro, plata, bronce, márijahi, yucuqui. Tamutu eta juca mayamu­ri­ca­ca­hivare, váhivare tapaicahini, váhivare tasama­ra­hihini, váhivare táimairi­ri­cahini.