Apocalipsis 10:6 - Ignaciano

⁶ Ánipa macahe: —Tivane­canuhi ema Viya, ema acane­va­ca­quenehi eta máitaresira, ema yátupi­quenehi tépiyacahi eta anuma, eta apaquehe, eta mar, étapa tamutu eta tiáviha­que­neanahi tayehe. Éma, tivane­canuhi numetaca eta juca máechaji­ri­ruvahi: “Tájinapa vaipa tiyeremahi eta táitaviraya”.

Táurinakene máechejiriruwa’i ema Viya tikaijare

⁶ Tiwanekanu'i ema Viya, ema akanewakakene'i eta máitaresira, ema yátupikene'i tépiyaka'i eta anuma, eta apake'e, eta ichape une, étapa tamutu eta tiávi'akeneana'i taye'e. Ema, tiwanekanu'i numetaka eta juka máechejiriruwa'i: “Tájinapa waipa tiyerema'i eta táitaviraya,

Apocalipsis 10:6 Iomraidhean Croise

Apocalipsis 1:18

Núti yátupi­quenénu nucaita­re­carahi, taicha nuchavahi nítareca te táequenepa eta nacapa­si­ranuhi. Puiti máichecua­ra­qui­rénapa eta nítaresira. Nútiri­chuvare necha ena tépenana. Nucaeche­pu­cayare eta náqueheana ena náepena­queneana nácani níchuha­que­nea­nayare.

Apocalipsis 12:12

Tétavi­cavaya eta iúrisa­mu­revaya puiti, emutu eti iávihanahi tayehe eta juca anuma. Páureana­sa­misera ena ticava­sanahi te apaquehe étapa eta tiávihanahi te une te mar, taicha ema Váinaraji máucupau­cha­vacaipa. Tétavicava eta masema­ne­vapahi taicha máechahi eta ánipi­rinehi macaheyare —macahepa ema maca.

Apocalipsis 16:17

Ema téqueneha ángele nasietenehi máepusaicapa eta mayehe escudilla te anuquehe. Tásiha, nusamapa muraca eta mahu ema Viya tiásihahi te trono tayehe eta Templo. Ánipa macahe: —¡Títauchavapa puiti tamutu! —macahepa.

Apocalipsis 21:6

Ánivarepa macahe ema Viya: —Títauchavapa puiti tamutu eta nupane­reruana. Nútira néchahi tamutu eta táepani­ravahi eta apaquehe. Nútiri­chuvare néchahi eta táimiya­ni­ravahi tiuri. Puiti núti nítauchapa tamutu. Eti emaunehi, núti níjara­ca­heyare eta máitavacaca une ticaita­re­carahi. Tájina vahi evacha­re­caimahi.

Apocalipsis 4:10

Énavarepa ena véinticua­tro­queneana víyarahana tuparai­rucana tépuyu­canahi te mamirahu ema Viya, mávihahi te mayehe trono. Nacama­vahupa eta nayeheana corona. Titsiure­ca­navare. Ánipa nacahe:

Apocalipsis 4:11

“¡Tata Víyaquene, piti Viáquenuvihi! ¡Tétavi­cavahi eta piúrivahi! Picarichuhi piti vicasi­ña­quenévi. Ichape­quenehi eta vicuna­chi­ravihi. Tamutuhi pirataha píti. Taicha píti pépiyacahi acane tamutu eta juca vímaha­que­neanahi puiti. Pítiri­chuvare péchahi puiti tamutu eta pépiya­ruanahi”.

Apocalipsis 6:11

Tásiha, ticaija­ra­ca­sianapa eta namuiri­ha­na­yarehi eta tijapu. Ticame­ta­ca­sianapa nanara­ha­si­ra­nu­mayare apaesainahi. Tiámainu­ca­va­yarehi te tiyuri­ti­cavapa eta natupayare ena nachamuriana nacapa­rua­na­ya­re­cha­havare ena téhicanahi ema Cristo.