Luku 8:3 - O̩TAKADA O̩LA O̩JO̩ 1970

³ kpai Joana o̩ya Chusa, adigede He̩ro̩d, kpai Susana kpai abobule̩ omune̩ ojoji wewe. Abobule̩-i nʼane̩ e-ma ache e̩wñ ñwu ma.

Luku 8:3 Iomraidhean Croise

1 Iko Iko E̩wñ 29:14

E̩ne̩ omi muda che? Abo e-mi la che̩ne̩? kʼawa neke gʼe̩dʼo̩la-wa kʼe̩wñ wa abe̩-i? Todu e̩wñ du kwʼugbo we̩ wa, e̩wñ ki la kwʼef o̩wo̩ e-we̩ wa oñ a ko ñw e̩-i.

Aizaya 23:18

Oñ e̩wñ aja-wñ kpai uro̩me̩ o̩ko̩ eje̩-wñ kʼi agba amud e̩wñ kiafo̩ e-Jihofa; ma ako ne jo̩ n, ai ako maja n, todu ane̩ aja-wñ achʼutod abo ku ma gugu o̩gba Jihofa, kʼama ki je̩ kʼefu, kʼama ki ño̩ nʼukpo ki akwojolugbo.

Matiu 14:1

Iko le̩ He̩ro̩d, ate̩trark, gbʼinabali Jisus.

Matiu 14:3

Todu He̩ro̩d gwo̩nyu Jo̩n, i la fʼu ji, oñ i mʼu du atʼunyi uga todu He̩ro̩dias, o̩ya Filip o̩maye-wñ.

Matiu 14:6

Oñ abu kʼo̩do̩ ku ma bi He̩ro̩d muda ko, o̩ma He̩ro̩dias onobule̩ do̩mo̩ atido alumeji-ma i la nyo̩ He̩ro̩d eju.

Matiu 2:11

Tak abu ku ma mugudu tef unyi ma fʼo̩ma kekele le̩ li kpai Me̩ri, iye-wñ, oñ ma lewa bʼane̩ ma adojikane̩ ñw u. Taku ma mʼe̩wñ akoko-ma tu, ma kʼo̩jamalia, kpai o̩bia frankinse̩ns kpai otulale mur chʼowñ ele.

Matiu 20:8

Oñ abu kʼo̩jo̩ adu, odu uche̩ achiwebe̩te̩ma le̩ ka ñw adanuku-wñ kakini, Fʼabuko̩lo̩ le̩ do̩ wa kʼe̩ rʼo̩me̩ ñwu ma; e̩ chane̩ kwʼabo ubiane̩ gbogbo wʼabo ejodudu.

Matiu 25:40

Tak Onu le̩ adohi ñwu ma kakini, Ami, naka ñwu me̩ kakini, Ukpe̩ ku me̩ che ñw e̩ne̩ ki nyaʼka ef amo̩maye-mi-i, mak omi me̩ che ñwu.

Matiu 26:11

Todu me̩ nʼame̩nale ugbo me̩ e̩gba du; me̩ muda ane̩ omi e̩gba du n.

Matiu 27:55

Abobule̩ wewe ku ma kwo Galili atu Jisus ubi ache e̩wñ ñw u jʼo̩mo̩ agʼo kwʼo̩najiji.

Luku 24:10

Ama le̩ la che Me̩ri e-Magdalini kpai Jo̩ana kpai Me̩ri e-Jeme̩s; tak abobule̩ ki bo̩ ku ma jʼugbo ma fʼe̩wñ-i ka ñw ame̩nukpuche̩.

Jo̩n 12:6

I la ko̩la kide̩ todabu kʼame̩nale chewʼowñ eju n, chai todabu kʼi chʼajoji, kʼi la nʼakpati ku ma kʼe̩wñ nyʼu.

E̩wñ kʼAme̩nukpuche̩ Che 13:1

Amakache̩ kpʼamakone̩wñ la jʼef ujeju abudo̩ Ondu Antio̩k; ama che Barnabas kpai Simeo̩n ku ma do̩ ko̩ Naija kpai Lukio̩s e̩ne̩ Sairini kpai Mane̩e̩n ku ma nʼowñ kpai He̩ro̩d kʼi je̩ Te̩trak le̩ gba kpai So̩l.

2 Abo Ko̩rint 8:9

Todu ame̩ chema ufe̩de̩nyo̩ e-Ondu-wa Jisus Kraist, kakini, Abu kʼi chaka chʼanana, todu me̩ i mud e̩nale, todu kʼame̩ ki mud anana lef ale-wñ le̩.

Abo Filipai 4:22

Abo kiafo̩ du agwa me̩, oñ e-abo ku ma jʼef unyi Sisa toji.

1 Timoti 5:10

uko̩lo̩-wñ o̩me̩me̩le̩ agbʼo̩ ibenu, kʼi fʼamo̩ma ne̩ gba, kʼi te̩tachojo, kʼi fʼe̩re̩ abo kiafo̩ gwe̩, kʼi mʼabo ku ma chekpama te̩ gbanyi, kʼi la tʼuko̩lo̩ e̩nyo̩ duu eche ubi.