Jo̩shua 9:10 - O̩TAKADA O̩LA O̩JO̩ 1970

¹⁰ kpai e̩wñ du kʼi che amonu abo Amo̩r meji ku ma jʼudaba Jo̩rdan le̩, owñ che Siho̩n onu He̩sh-bo̩n, kpai O̩g onu Beshan, e-kʼi de̩ Ashtaro̩t.

Jo̩shua 9:10 Iomraidhean Croise

Abakwane̩ 14:5

Tak o̩do̩ e̩ke̩gwe̩le̩-wñ Chedo̩rlaome̩r lewa kpai amonu ku ma jʼugbo-wñ le̩ oñ ma fʼabo Re̩feim Ashte̩ro̩t-kamaim kpai abo Zuzim Ham, kpai abo Emin Shafe-Karia-taim,

1 Iko Iko E̩wñ 6:71

Oñ ma ko ñw amo̩ma Ge̩rsho̩m kwef ane̩ abo akwo̩ra unyi ukpe̩reji o̩lo̩pu Manasa, Golan e-Beshan manyʼane̩ ije̩-wñ kpai Ashto̩ro̩t manyʼane̩ ije̩-wñ,

Ekaluka 20:14

Taku Mose̩s fʼamonuche̩ kpe̩ akwo Kede̩sh nyʼugbo onu Ido̩m, kakini, Abu kʼo̩maye-we̩ Israe̩l ka de̩ kakini, Uwe̩ chema ihianyi du kʼi ke̩re̩bʼuwa-i:

O̩lo̩da Eduwa Onukeji 1:4

oñ chʼabu kʼi fu Siho̩n onu abo Amo̩r kʼi dodo He̩shbo̩n kpai O̩g onu Beshan kʼi dodo Ashte̩ro̩t ugbo E̩drei du.

O̩lo̩da Eduwa Onukeji 2:30

Siho̩n, onu He̩shbo̩n, muda je̩ ñw a lale gu owñ du n; todu Jihofa O̩jo̩-we̩ je̩ ñw e̩do̩-wñ no̩, oñ i dʼe̩do̩ e̩gbiti ñw u, todu kʼi mʼowñ du tʼuwe̩ o̩wo̩ alu ki de̩ eñini-i.

Jo̩shua 12:4

kpai alo̩me̩ Og onu Beshan, kʼi dʼef e̩bo̩bo̩ abo Refaim, ku ma dodo Ashtaro̩t kpai Edrei

Jo̩shua 13:31

kpai ukpe̩reji Gilead kpai Ashtaro̩t kpai Edrei, ewo ojane̩ O̩g efu Beshan, abo e-le̩ chʼutodu Makir o̩ma Manasa, owñ chʼukpe̩reji abo Makir ikpo unyi ikpo unyi-ma.

Jo̩shua 2:10

Todu a gbo̩ alu ki Jihofa je̩ ñw omi Ohimini Ekpikpa gbe̩ bʼume̩ o̩gba te̩, e̩gba ku me̩ kwʼIjipti dufu wa le̩, kpai e̩wñ ku ma che amonu Amo̩r meji ku ma jʼudaba Jo̩rdan le̩, owñ chʼe-ku me̩ che Siho̩n kpai O̩g, ku me̩ mʼuma kojo̩ ñw O̩jo̩ jali.

Jo̩shua 2:9

oñ i ka ñw aboke̩le̩ le̩ kakini, U chema ka ki Jihofa mʼane̩-i du ñwu me̩, kʼokpo-me̩ fʼuwa mu me̩, kʼabo ku ma dodo ane̩-i ayo̩ dab ekpo ru me̩ o̩gba.

Jo̩shua 9:11

Oñ abogijo-wa kpai abo ane̩-wa chaka ka ñw a kakini, Me̩ mʼuje̩wñ ku me̩ je̩ ej o̩na ko nyʼo̩wo̩, ku me̩ ledo ma, ku me̩ la ka ñwu ma kakini, Amadu-me̩ a che; todule̩ fai me̩ kpʼalo kpai awa ke.

Jo̩shua 9:9

Ma ka ñw u kakini, Ane̩ ki dʼo̩najiji oñ amadu-we̩ kwo wa-i, todu odu Jihofa O̩jo̩-we̩; todu a gbo̩ uwohi-wñ, kpai e̩wñ du kʼi che Ijipti,