Jo̩shua 9:1 - O̩TAKADA O̩LA O̩JO̩ 1970

¹ Oñ i lewatu, e̩gba kʼamonu du ku ma jʼudaba Jo̩rdan ane̩ uwo-wñ kpai ane̩ o̩go̩-wñ o̩la Ohimini Elile o̩gba Le̩bano̩n le̩ gbʼinabali-wñ, owñ chʼabo He̩t kpai abo Amo̩r kpai abo Kenan kpai abo Pe̩re̩z kpai abo Hifai kpai abo Je̩bius le̩;

Jo̩shua 9:1 Iomraidhean Croise

2 Samiue̩l 24:7

oñ ma lewa aku Taya, kpai ewo ewo abo Hifai kpai abo Kenan chaka; oñ ma ledufu tʼo̩wo̩ o̩pata o̩gane̩ Juda, ugbo Birshiba.

Akwodufu 23:23

Todu onuche̩-mi atʼuwe̩ o̩gba, kʼi la mʼuwe̩ du nyʼugbo abo Amo̩r kpai abo He̩t kpai abo Pe̩re̩z kpai abo Kenan kpai abo Hifai kpai abo Je̩bius, oñ nakʼuma da rinyo̩.

Akwodufu 23:31

Omi la ahi o̩me̩-we̩ te̩ akwʼohimini Ekpikpa gbogbo wa kado ohimini abo Filistia, kpai akwo aje̩tachi le̩ gbogbo wʼohimini Yufretis; todu nakʼabo ane̩ le̩ nyʼef o̩wo̩-we̩, oñ uwe̩ ane̩ ma kwo bʼe̩ o̩gba te̩.

Akwodufu 3:17

Eka omi ka, ka kʼu nako me̩ kwʼef o̩bata Ijipti dufu wʼane̩ abo Kenan kpai e-abo He̩t kpai e-abo Amo̩r kpai e-abo Pe̩re̩z kpai e-abo Hifai kpai e-abo Je̩bius, owñ chʼane̩ ugbo kʼomi e̩nya kpai iño̩ acha.

Akwodufu 34:11

E̩ nafejutʼe̩wñ kʼu nañwa ñw e̩ eñini-i. Go, nanʼabo Amo̩r kpai abo Kenan kpai abo He̩t kpai abo Pe̩re̩z kpai abo Hifai kpai abo Je̩bius rinyo̩ bʼuwe̩ o̩gba te̩.

Ekaluka 13:29

Abo Amale̩k dodo oj ane̩ o̩wo̩ o̩pata o̩gane̩; abo He̩t kpai abo Je̩bius kpai abo Amo̩r dodo oj ane̩ uwo o̩mo̩; oñ abo Kenan la dodo o̩la ohimini, kpai adabu Jo̩rdan jo̩.

Ekaluka 34:6

Oñ alo̩me̩-me̩ o̩wo̩ olane̩ achʼOhimini Elile, kpai adabʼeti-wñ jo̩; e-le̩ la chʼalo̩me̩-me̩ o̩wo̩ olane̩.

O̩lo̩da Eduwa Onukeji 1:7

me̩ murida ku me̩ kʼe̩re̩ nyʼule̩-me̩, ku me̩ nyʼane̩ uwo abo Amo̩r kpai egbili du ki me̩rʼu ef o̩go̩ Araba o̩mo̩, oj ane̩ uwo kpai ane̩ uro̩je̩ kpai ane̩ o̩wo̩ o̩pata o̩gane̩ kpai ane̩ o̩lʼohimini, ane̩ abo Kenan kpai Le̩bano̩n gbogbo wa kado ohimini e-lile, owñ chʼohimini Yufretis.

O̩lo̩da Eduwa Onukeji 3:25

Nagbo̩ko̩bʼe̩ kʼe̩ je̩ ñwu mi daba kʼu li ane̩ ki nyo̩ ki dʼudaba Jo̩rdan-i, ane̩ uwo ki nyo̩ le̩ kpai Le̩bano̩n.

O̩lo̩da Eduwa Onukeji 4:49

manyʼo̩chaka ane̩ Araba kʼi dʼudaba Jo̩rdan o̩wo̩ olodudu, gbogbo wa ohimini Araba ki dʼe̩re̩ Pisga.

O̩lo̩da Eduwa Onukeji 7:1

E̩gba ki Jihofa O̩jo̩-we̩ dʼuwe̩ wʼoj ane̩ ugbo kʼuwe̩ anyi kʼe̩ ne̩ le̩, kʼi la mʼabo uche̩ichi chi rinyo̩ bʼuwe̩ o̩gba te̩, owñ chʼabo He̩t kpai abo Girgash kpai abo Amo̩r kpai abo Kenan kpai Pe̩re̩z kpai abo Hifai kpai abo Je̩bius, amuche̩ichi amone̩ mebie ku ma wewe ku ma la ño̩ gbiti tʼuwe̩ le le̩,

Jo̩shua 1:15

gbogbo taku Jihofa du uñmi ñw amo̩maye-me̩ alu kʼi du ñwu me̩, kʼama ki ño̩ mʼane̩ ki Jihofa O̩jo̩-me̩ adu ñwu ma gba ge̩; e̩gbale̩ tak ame̩ adabi tʼoj ane̩ kʼame̩ ne̩-i, ku me̩ mʼu gba, owñ chʼe-ki Mose̩s adu Jihofa du ñwu me̩ ejudaba Jo̩rdan o̩wo̩ olodudu-wñ.

Jo̩shua 1:4

Akwo aje̩tachi kpai ane̩ Le̩bano̩n kide̩, gbogbo wʼohimini elile, owñ chʼohimini Yufretis, kpai ane̩ abo He̩t chaka gbogbo wʼOhimini Elile o̩wo̩ olane̩, e-le̩ chʼalo̩me̩-we̩.

Jo̩shua 10:23

Taku ma fʼabe̩le̩ che, ma la kʼamonu me̩lu le̩ kwef owo dufu ñw u, owñ che onu Je̩rusale̩m kpai onu He̩bro̩n kpai onu Jarmut kpai onu Lakish kpai onu Eglo̩n.

Jo̩shua 11:17

akwo uwo Halak, kʼi dʼo̩wo̩ ate̩gu nyi Seir le̩, gbogbo wa Beal-gad ef o̩go̩ Lebanon e̩re̩ uwo He̩rmo̩n. Oñ i mʼamonu-ma chaka ko, i la fʼuma gwoda, oñ i fu ma kpa.

Jo̩shua 13:5

kpai ane̩ abo Gebal, kpai Le̩banon o̩wo̩ olodudu-wñ chaka, akwo Beal-gad e̩re̩ uwo He̩rmo̩n gbogbo wʼugbo kʼe̩ gudu tʼoj ane̩ Hamat,

Jo̩shua 15:12

Tak alo̩me̩-wñ o̩wo̩ olane̩ che Ohimini Elile, kpai o̩la-wñ. E-le̩ chʼalo̩me̩ abo Juda ale daka, alu kʼakwo̩ra unyi akwo̩ra unyi-ma de̩.

Jo̩shua 22:4

Fai Jihofa O̩jo̩-me̩ la mʼuñmi du ñw amo̩maye-me̩ alu kʼi ka ñwu ma; todule̩ me̩ ki mudabi tʼunyabo-me̩, oj ane̩ kʼame̩ ne̩ le̩, owñ chʼe-ki Mose̩s adu Jihofa, du ñwu me̩ ejudaba Jo̩rdan le̩.

Jo̩shua 22:7

I chʼe-abo ukpe̩reji o̩lo̩pu Manasa le̩, Mose̩s mʼane̩ ku ma ane̩ du ñwu ma Beshan; Jo̩shua muda dʼane̩ ñw abo ukpe̩reji o̩lo̩pu Manasa ki bo̩ ef amo̩maye-ma ejudaba Jo̩rdan o̩wo̩ olane̩-wñ. Oñ e̩gba ki Jo̩shua je̩ ñwu ma lo tʼunyabo-ma kʼi la kadua ñwu ma,

Jo̩shua 23:4

Go, omi la fʼabo uche̩ichi uche̩ichi kibo̩ kpe̩ nyʼume̩ o̩wo̩ alu kʼanya-me̩ je̩ ku ma mud e̩wñ ogu kʼabo o̩lo̩pu o̩lo̩pu-me̩ aje̩, akwo o̩la Jo̩rdan le̩, manyu abo uche̩ichi uche̩ichi du e-kʼu fugwo da rinyo̩, gbogbo wa Ohimini Elile, o̩wo̩ ugbo kʼolu atunyane̩ le̩.

Jo̩shua 24:11

Taku me̩ mu Jo̩rdan-i daba, oñ me̩ lewa Je̩riko, tak abo Je̩riko le̩ kʼogu bʼame̩, alu kʼabo Amo̩r le̩, kpai abo Pe̩re̩z, kpai abo Kenan, kpai abo He̩t, kpai abo Girgash, kpai abo Hifai, kpai abo Je̩bius ño̩ che ge̩; oñ u mʼuma ko nyʼume̩ o̩wo̩.

Jo̩shua 3:10

Taki Jo̩shua kakini, Alu ku me̩ ale ku me̩ ama ka kʼO̩jo̩ ki deju dʼefu-me̩ le̩ de̩, ka ki nʼugbo du ki achi n, owñ le̩ afʼabo Kenan kpai abo He̩t kpai abo Hifai kpai abo Pe̩re̩z kpai abo Girgash kpai abo Amo̩r kpai abo Je̩bius ne dufu bʼume̩ o̩gba te̩.

Jo̩shua 3:17

Oñ amatama ku ma ne̩ akpati alo e-Jihofa le̩ kwodago kpaka ane̩ e̩gbe̩ alumeji Jo̩rdan le̩ gbogbo tak abo ichi le̩ mudaba Jo̩rdan hioko.

Jo̩shua 5:1

Oñ i lewatu, e̩gba kʼamonu abo Amo̩r ku ma jʼudaba Jo̩rdan o̩wo̩ olane̩ le̩ chaka kpai amonu abo Kenan ku ma jʼo̩lʼohimini chaka, gbo̩ abu ki Jihofa je̩ ñw omi Jo̩rdan gbe̩ bʼabo Israe̩l o̩gba te̩, gbogbo taku ma mudaba kpa, e̩do̩-ma muyo̩ efu-ma, afu laño̩ bo̩ efu-ma ge̩ n, tod abo Israe̩l le̩.

Jo̩shua 6:27

Abe̩le̩ Jihofa dʼugbo Jo̩shua; oñ uwohi-wñ dʼugbo du ane̩ le̩.

Jo̩shua 9:7

Tak aboke̩le̩ Israe̩l ka ñw abo Hifai le̩ kakini, Ikani i chʼefu-wa oñ me̩ dodo; ab a le kʼa kpʼalo kpai ame̩?