Jo̩shua 24:32 - O̩TAKADA O̩LA O̩JO̩ 1970

³² Taku ma mʼachiku Jose̩f, e-kʼabo Israe̩l ko kwʼIjipti wa, ko ji She̩ke̩m, ef e̩bu ane̩ ki Jeko̩b la o̩wo̩ amo̩ma Hemo̩r kʼi chʼata She̩ke̩m le̩ todu o̩ko̩ ajifa ogume̩lu; oñ e-le̩ mud e̩wñ ogu amo̩ma Jose̩f.

Jo̩shua 24:32 Iomraidhean Croise

Abakwane̩ 33:19

Tak i fʼe̩bu ane̩ ugbo kʼi dʼunyabo-wñ fa le̩ la kwʼo̩wo̩ amo̩ma He̩mo̩r, ata She̩ke̩m, o̩ko̩ ogu me̩lu.

Abakwane̩ 48:22

U la mʼukpe̩ ane̩ʼka, kʼomi nʼo̩kwo̩chageli-mi kpai o̩o̩do̩-mi bʼabo Amo̩r le̩ gba du ñw e̩ tʼamo̩maye-we̩ le.

Abakwane̩ 50:24

Taku Jose̩f ka ñw amo̩maye-wñ kakini, Eku naku; O̩jo̩ muda awa fejudo me̩ chuu, i la ako me̩ kwʼoj ane̩-i tʼoj ane̩ e-kʼi go̩ ñw Ebraham kpai Aise̩k kpai Jeko̩b.

Abakwane̩ 50:25

Taku Jose̩f je̩ ñw amo̩ma Israe̩l go̩, i kakini, O̩jo̩ awa fejudo me̩ chuu, ame̩ ki kʼachiku-mi kwʼemi alo tʼate̩.

Akwodufu 13:19

Mose̩s ño̩ mʼachiku Jose̩f ko le̩. Todu Jose̩f je̩ ñw amo̩ma Israe̩l go̩ o̩me̩me̩le̩, i kakini, O̩jo̩ awa fejudo me̩ chuu; e̩gba le̩ ame̩ ki mʼachiku-mi ko kwʼemi alo.

Jo̩n 4:5

Abe̩le̩ i lewa ewo Samariaʼka ku ma dʼodu-wñ ko̩ Saikar; i me̩ru ane̩ ku Jeko̩b bu ñw o̩ma-wñ Jose̩f le̩.

E̩wñ kʼAme̩nukpuche̩ Che 7:15

Taki Jeko̩b mugwo̩ru nyʼIjipti, oñ i leku, owñ kpʼamata-wa le̩.

E̩wñ kʼAme̩nukpuche̩ Che 7:16

Taku ma mʼuma ko kwʼo̩mo̩ nyi Saike̩m, oñ ma ko ma jʼef oji kʼEbraham nʼo̩ko̩ ajifa la o̩wo̩ amo̩ma Emo̩r, abo Saike̩m le̩.

Abo Hibru 11:22

E̩do̩ ekono chʼe̩wñ ku Jose̩f dibekadʼakwodufu amo̩ma Israe̩l abu kʼi me̩ ediñmi; oñ i fʼuko̩ te̩ ñw ma ugbo o̩la achiku-wñ.