Jo̩shua 24:17 - O̩TAKADA O̩LA O̩JO̩ 1970

¹⁷ todu Jihofa, O̩jo̩-wa, chʼe̩ne̩ kʼi mʼawa kpai amata-wa ko kwʼoj ane̩ Ijipti kwef unyi adu le̩ wa, kʼowñ la fʼujiwe inaina le̩ che eju-wa, kʼi laño̩ fejute̩ wa ej o̩na du kʼa le kpai ef amone̩ chaka kʼa le gu efu-ma du le̩;

Jo̩shua 24:17 Iomraidhean Croise

2 Iko Iko E̩wn 13:10

I muda chʼe-wa, Jihofa chʼO̩jo̩-wa, awa la hiʼu tinyo̩ n; amatama ku ma ache e̩wñ ñwu Jihofa, chʼamo̩ma Aro̩n, abo Lifai la jʼef uko̩lo̩ e-ma:

Akwodufu 13:14

Tak e̩gba kʼo̩ma-we̩ e̩ne̩ke̩le̩ atʼuwe̩ ene ejo̩gba-i kakini, E̩wñ che oji e-le̩? Uwe̩ aka ñw u kakini, Lʼugbo ukpahiu o̩wo̩-wñ oñ Jihofa mʼuwa ko kwʼIjipti dufu, kwef unyi adu le̩.

Akwodufu 13:3

Taku Mose̩s ka ñw amone̩ le̩ kakini, Me̩ nadibekado o̩jo̩ eñini-i, kʼi chʼo̩jo̩ ku me̩ kwo Ijipti dufu, kwʼef unyi adu le̩, todu lugbo ukpahiu o̩wo̩-wñ oñ Jihofa ko me̩ kwo ugbo kide̩ dufu; me̩ ki je̩ uje̩wñ du kʼo̩jo̩wu dʼefu-wñ n.

Akwodufu 19:4

Ame̩ fʼe̩wñ kʼomi che abo Ijipti li me̩, kpai alu kʼomi ne̩ me̩ oj ika amo̩re̩, kʼu la ko me̩ wʼugbo-mi-i.

Aizaya 46:4

gbogbo tʼo̩jo̩ ogijo omi chʼowñ, u la ane̩ me̩ gbogbo tʼiloji efufu. Omi cho̩na-wñ, omi la ane̩; ochochi, omi ane̩, u la agbʼo̩ tane̩.

O̩lo̩da Eduwa Onukeji 29:2

Taku Mose̩s fʼabo Israe̩l chaka do̩ wa, oñ i ka ñwu ma kakini, Ame̩ li e̩wñ ki Jihofa che Fero kpai amadu-wñ chaka kpai ane̩-wñ chaka eju-me̩ ane̩ Ijipti;

O̩lo̩da Eduwa Onukeji 32:9

Todu ukpe̩ e-Jihofa chʼamone̩-wñ, Jeko̩b chʼukpe̩ e̩wñ ogu-wñ.

O̩lo̩da Eduwa Onukeji 7:19

owñ chʼajama inaina kʼeju-we̩ li le̩ kpai ujiwe kpai e̩wñ uno̩ kpai o̩wo̩ e̩gbiti kpai o̩wo̩ kʼi nadala te̩, e-ki Jihofa O̩jo̩-we̩ ne̩ du we̩ dufu wa le̩; abe̩le̩ Jihofa O̩jo̩-we̩ ache amone̩ du kʼailo-ma aba me̩.

Jo̩shua 24:16

Tak amone̩ le̩ dohi kakini, Kʼawa ki ti Jihofa no̩, kʼa che e̩wñ ñw amo̩jo̩ omune̩ ki dab ale ñʼane̩ ñw a;

Jo̩shua 24:18

Jihofa laño̩ fʼamone̩ le̩ chaka ne bʼuwa o̩gba te̩, tʼabo Amo̩r ku ma dodo jʼane̩ le̩; todule̩ awa onugo are̩ Jihofa, todu owñ chʼO̩jo̩ e-wa.