Jo̩shua 24:11 - O̩TAKADA O̩LA O̩JO̩ 1970

¹¹ Taku me̩ mu Jo̩rdan-i daba, oñ me̩ lewa Je̩riko, tak abo Je̩riko le̩ kʼogu bʼame̩, alu kʼabo Amo̩r le̩, kpai abo Pe̩re̩z, kpai abo Kenan, kpai abo He̩t, kpai abo Girgash, kpai abo Hifai, kpai abo Je̩bius ño̩ che ge̩; oñ u mʼuma ko nyʼume̩ o̩wo̩.

Jo̩shua 24:11 Iomraidhean Croise

Abakwane̩ 15:19

ane̩ abo Ken, kpai abo Keniz, kpai abo Kadmo̩n,

Eli Eko̩ DʼO̩jo̩ 105:44

Tak i mʼane̩ ane̩ abo uche̩ichi uche̩ichi ko ñw ma; oñ ma mʼakanya kʼamone̩ le̩ che ko chʼe-ma,

Eli Eko̩ DʼO̩jo̩ 114:3

Ohimini abadi fʼu li oñ i ra, Jo̩rdan mudabi tʼubi.

Eli Eko̩ DʼO̩jo̩ 114:5

E̩wñ chʼuwe̩, ohimini abadi, kʼe̩ ra? Uwe̩ Jordan, kʼe̩ dabi tʼubi?

Akwodufu 13:5

Tak e̩gba ku Jihofa mʼume̩ ko wa ane̩ abo Kenan kpai abo He̩t kpai abo Amo̩r kpai abo Hifai kpai abo Je̩bius, owñ chʼe-kʼi go̩ ñw amata-me̩ ka kʼi adu ñwu me̩, ane̩ kʼomi e̩nya kpai iño̩ acha efu-wñ le̩, ame̩ ade e̩wñ ucholo kide̩ ochu-i.

Akwodufu 23:23

Todu onuche̩-mi atʼuwe̩ o̩gba, kʼi la mʼuwe̩ du nyʼugbo abo Amo̩r kpai abo He̩t kpai abo Pe̩re̩z kpai abo Kenan kpai abo Hifai kpai abo Je̩bius, oñ nakʼuma da rinyo̩.

Akwodufu 23:28

Nakpʼamanukpe tʼuwe̩ o̩gba, ma la anʼabo Hifai kpai abo Kenan kpai abo He̩t bʼuwe̩ o̩gba te̩.

Akwodufu 23:31

Omi la ahi o̩me̩-we̩ te̩ akwʼohimini Ekpikpa gbogbo wa kado ohimini abo Filistia, kpai akwo aje̩tachi le̩ gbogbo wʼohimini Yufretis; todu nakʼabo ane̩ le̩ nyʼef o̩wo̩-we̩, oñ uwe̩ ane̩ ma kwo bʼe̩ o̩gba te̩.

Akwodufu 3:17

Eka omi ka, ka kʼu nako me̩ kwʼef o̩bata Ijipti dufu wʼane̩ abo Kenan kpai e-abo He̩t kpai e-abo Amo̩r kpai e-abo Pe̩re̩z kpai e-abo Hifai kpai e-abo Je̩bius, owñ chʼane̩ ugbo kʼomi e̩nya kpai iño̩ acha.

Akwodufu 3:8

omi la gwo̩ru wa kʼu mʼuma gba kwef o̩wo̩ abo Ijipti-i, kʼu laño̩ mʼuma ko kwʼoj ane̩ le̩ tʼane̩ ki nyo̩, kʼi laño̩ chenana, owñ chʼoj ane̩ ugbo kʼomi e̩nya kpai iño̩ acha, tʼuña abo Kenan kpai abo He̩t kpai abo Amo̩r kpai abo Pe̩re̩z kpai abo Hifai kpai abo Je̩bius.

Akwodufu 33:2

Omi la akpʼonuche̩ tʼuwe̩ o̩gba, oñ u nane abo Kenan kpai abo Amo̩r kpai abo He̩t kpai abo Pe̩re̩z kpai abo Hifai kpai abo Je̩bius bʼo̩mo̩ te̩.

E̩wñ kʼAme̩nukpuche̩ Che 13:19

Tak abu kʼi fʼabo uche̩ichi ojoji mebie oj ane̩ Kenan kpo̩fo̩, i mʼane̩-ma ko ñwu ma ku ma je̩ dab o̩do̩ oli me̩la.

E̩wñ kʼAme̩nukpuche̩ Che 7:45

e-kʼamata-wa ño̩ mugba arone aro̩ne oñ ma dʼu wa ti Jo̩shua ubi e̩gba ku ma chane̩ enʼane̩ abo uche̩ichi kʼO̩jo̩ ne bʼeju amata-wa te̩ le̩, gbogbo wʼiko Defid

O̩lo̩da Eduwa Onukeji 7:1

E̩gba ki Jihofa O̩jo̩-we̩ dʼuwe̩ wʼoj ane̩ ugbo kʼuwe̩ anyi kʼe̩ ne̩ le̩, kʼi la mʼabo uche̩ichi chi rinyo̩ bʼuwe̩ o̩gba te̩, owñ chʼabo He̩t kpai abo Girgash kpai abo Amo̩r kpai abo Kenan kpai Pe̩re̩z kpai abo Hifai kpai abo Je̩bius, amuche̩ichi amone̩ mebie ku ma wewe ku ma la ño̩ gbiti tʼuwe̩ le le̩,

Jo̩shua 3:10

Taki Jo̩shua kakini, Alu ku me̩ ale ku me̩ ama ka kʼO̩jo̩ ki deju dʼefu-me̩ le̩ de̩, ka ki nʼugbo du ki achi n, owñ le̩ afʼabo Kenan kpai abo He̩t kpai abo Hifai kpai abo Pe̩re̩z kpai abo Girgash kpai abo Amo̩r kpai abo Je̩bius ne dufu bʼume̩ o̩gba te̩.

Jo̩shua 4:1

Tak i lewatu, e̩gba kʼabo ichi le̩ chaka mudaba Jo̩rdan hioko, Jihofa ka ñwu Jo̩shua kakini,

Jo̩shua 4:19

Amone̩ le̩ la mute̩gu kwefu Jo̩rdan dufu o̩je̩ e̩ke̩gwa ochu ejodudu, oñ ma ru Gilgal kʼi de̩ alo̩me̩ Je̩riko o̩wo̩ olodudu-wñ.

Jo̩shua 4:23

Todu Jihofa O̩jo̩-me̩ je̩ ñw omi Jo̩rdan-i gbe̩ bʼume̩ o̩gba te̩, gbogbo taku me̩ daba kpa, dabalu ki Jihofa O̩jo̩-me̩ che Ohimini Ekpikpa kʼi je̩ ñw u gbe̩ bʼuwa o̩gba te̩, gbogbo tak a mudaba,

Jo̩shua 9:2

ma kʼo̩la-ma wa jeju jo̩, alu-ma chʼokate, ku ma kʼogu bo̩ Jo̩shua kpai abo Israe̩l.