Jo̩shua 22:6 - O̩TAKADA O̩LA O̩JO̩ 1970

⁶ Abe̩le̩ Jo̩shua kadua ñwu ma, oñ i je̩ ñwu ma le ma; taku ma le tʼunyabo-ma.

Jo̩shua 22:6 Iomraidhean Croise

Abakwane̩ 14:19

Tak i kadua ñw u, kakini, O̩jo̩ Chamachala e-kʼi ne̩ efojale kpai ane̩-ile̩ kʼi de̩nyo̩ ñw Ebram;

Abakwane̩ 47:10

Taku Jeko̩b kadua ñwu Fero, oñ i kwʼo̩gba Fero dufu.

Abakwane̩ 47:7

Taku Jose̩f mu Jeko̩b ata-wñ duwa, oñ i mʼu du gugu o̩gba Fero; taku Jeko̩b kadua ñwu Fero.

2 Samiue̩l 6:18

Oñ e̩gba ku Defid fʼiche̩bo̩ e̩gujo kpai iche̩bo̩ ure̩do̩ che kpa, i kadua ñw amone̩ le̩ ef odu Jihofa ki nʼe̩wñ du.

2 Samiue̩l 6:19

Tak i fʼakalaʼka kpai ukpe̩ e̩laʼka kpʼe̩bo̩ achwebe̩te̩ma e̩gbe̩ʼka kpe̩ ñw amone̩ le̩ okoke chaka, owñ chʼo̩gbo̩ uwewe abo Israe̩l le̩ du tʼaboke̩le̩ tʼabobule̩. Abe̩le̩ tak amone̩ chaka kwʼo̩mo̩, e̩ne̩ne̩ne̩ne̩ le tʼunyi-wñ.

2 Samiue̩l 6:20

Taku Defid mudabi kʼi kadua ñw abunyi-wñ. Oñ Maikal, o̩ma So̩l, dufu wa aledo Defid i kakini, Ojima onu Israe̩l gbe̩ eñini-i! kʼowñ mʼofe-wñ chi te̩ eju abimo̩to̩ abobule̩ e-amadu-wñ eñini dabe̩ne̩ kʼe̩ne̩be̩te̩ʼka kʼi ma mʼanyo̩ n, kʼi adʼofe-wñ te̩!

1 Amonu 8:66

O̩jo̩ e̩ke̩jo̩-wñ i je̩ ñw amone̩ kwʼo̩mo̩; ma la kadua ñw onu, oñ ma nʼuyo̩ kpai e̩do̩ e̩bo̩ alo tʼunyabo-ma todu e̩nyo̩ du ki Jihofa du ña Defid, adu-wñ, kpai abo-wñ Israe̩l ge̩.

2 Iko Iko E̩wn 30:18

Todu o̩wo̩ amone̩ le̩ nana ma che o̩la-ma ki fo̩ n; abo Ifraim kpai Manasa kpai Isakar kpai Ze̩biulo̩n jʼefu ma wewe; ma muda je̩ Elaloji le̩ ojoji ñw alu kʼo̩takada le̩ ka, He̩ze̩kaya muda fʼadua che todu ma kakini, Jihofa kʼi nyo̩ kʼi nadʼu chʼe̩ne̩ du

Akwodufu 39:43

Taku Mose̩s fʼuko̩lo̩ le̩ li chaka, me̩ la go, ma fʼu che me̩; alu ki Jihofa ñwa ñwu ma abe̩le̩ ma fu che. Taku Mose̩s kadua ñwu ma.

Luku 2:34

taku Simeo̩n kadua ñwu ma, oñ i ka ñwu Me̩ri iye-wñ kakini, Go, ma mʼowñ-i dute̩ kʼamone̩ wewe ef abo Israe̩l ki ñwanane̩ ku ma ño̩ kwane̩; kʼi laño̩ chʼujiwe ku ma nʼalu kpʼo̩ bie̩;

Luku 24:50

Oñ i mʼuma ko ledufu, gbogbo wa Be̩tani: tak i mʼo̩wo̩-wñ ko dago, i la de̩nyo̩ ñwu ma.

Jo̩shua 14:13

Taki Jo̩shua kadua ñw u; oñ i mu He̩bro̩n du ñwu Kele̩b, o̩ma Jefune, kʼi mud e̩wñ o̩gu-wñ.

Jo̩shua 24:28

Abe̩le̩ Jo̩shua je̩ ñw amone̩ le̩ chaka le ma, e̩ne̩ne̩ne̩ne̩ le tʼugbo e̩wñ ogu e-wñ.

1 Samiue̩l 10:25

Taku Samiue̩l ka ñw amone̩ le̩ alu kʼo̩fe̩ ojane̩ le̩ ade̩, oñ i fʼu ko̩ nyʼef ubuku, oñ i mʼu du te̩ o̩gba Jihofa. Taku Samiue̩l je̩ ñw amone̩ chaka kwʼo̩mo̩ le, e̩ne̩ne̩ne̩ne̩ le tʼunyi-wñ.

1 Samiue̩l 13:2

So̩l fʼaboke̩le̩ Israe̩l icham nyʼo̩gwo̩ko̩ me̩ta chi ñw o̩la-wñ; ef abo le̩ one̩ icham nyʼo̩gwo̩ko̩ meji jʼugbo So̩l Mikmaah kpai oj uwo Be̩te̩l, oñ one̩ icham nyʼo̩gwo̩ko̩ jʼugbo Jo̩natan Gibea e-Be̩njamin. Oñ i je̩ ñw e̩ne̩ne̩ne̩ne̩ ef amone̩ kibo̩ kʼi le tʼunyabo-wñ.

1 Samiue̩l 2:20

Tak Ilai kadua ñw E̩lkana kpʼo̩ya-wñ, kakini, Jihofa ki dʼugbe̩ ñw e̩ lugbo onobule̩-i, todu ebi kʼi bi Jihofa le̩. Taku ma le tʼunyi-ma.