Jo̩shua 2:6 - O̩TAKADA O̩LA O̩JO̩ 1970

⁶ E̩gbale̩ i la mʼuma ko le tʼojokunyi, i ko ma maja ef oli flaks e-kʼi ko te̩jo̩ ojokunyi le̩.

Jo̩shua 2:6 Iomraidhean Croise

2 Samiue̩l 11:2

Oñ i lewatʼolane̩ ku Defid kwane̩ kwʼoj ate̩-wñ oñ i tʼojokunyi onu ale. I dʼojokunyi o̩mo̩ oñ i li onobule̩ʼka kʼi dago agwo̩la; onobule̩ le̩ la che̩fe̩rʼeju tabale.

2 Samiue̩l 17:19

Tak onobule̩ o̩mo̩ fʼukpo uro̩na nadala bʼalu obuga le̩ ma, oñ i fʼo̩ka ku ma gwu te̩rʼoji-wñ; abo ki bo̩ la ma n.

1 Amonu 18:13

Ma ka ñw odu-mi e̩wñ kʼomi che e̩gba ku Je̩ze̩be̩l fʼamakache̩ Jihofa kpa n? Alu kʼu kʼaboke̩le̩ ogume̩lu kwef amakache̩ Jihofa le̩ maja ef owo ooje ooje n? kʼu la nʼuje̩wñ kpʼomiofo adu ñwu ma n?

1 Amonu 18:4

todu alu kʼe-le̩ de̩ de̩: e̩gba ki Je̩ze̩bel fʼamakache̩ Jihofa gwoda rinyo̩, Obadaya mʼamakache̩ ogume̩lu ko, oñ i mʼuma ko maja jʼef owo ooje ooje. I la kʼuje̩wñ kpai omiofo ñwu ma.)

2 Amonu 11:2

Ama Jiho̩she̩ba, o̩ma onu Joram onobule̩, kʼi chʼo̩maye Ehazaya, mu Joash o̩ma Ehazaya du, oñ i mʼu ji kwef amo̩ma onu ku ma akpa le̩, tʼowñ, tʼe̩ne̩ kʼi anʼe̩, i mʼuma ko jʼef unyi ugbo ku ma kʼate̩ jo̩; ma la mʼu du maja bʼeju Atalaya te̩, oñ ma ma dʼu kpa n;

Akwodufu 2:2

Tak onobule̩ le̩ fefunyo̩ oñ i fʼo̩ma e̩ne̩ke̩le̩ bi; oñ e̩gba kʼi li ka kʼi chʼo̩ma alifia, i mʼu du maja ochu me̩ta.

Je̩re̩maya 36:26

Tak onu ñwa ñwu Je̩re̩mee̩l, o̩ma onu, kpai Se̩raya o̩ma Azrie̩l, kpai Shelamaya, o̩ma Abdee̩l, ku ma mu Baruk ako̩takada le̩ kpai Je̩re̩maya akache̩. Jihofa muda mʼuma ko maja.

Matiu 24:17

E̩ne̩ ki dʼojokunyi ki gwo̩ru wane̩ kʼi kʼe̩wñ kwef unyi-wñ n.

O̩lo̩da Eduwa Onukeji 22:8

E̩gba kʼe̩ fʼunyi etito̩ ko̩, mak uwe̩ ki fʼo̩gba bu nyʼo̩pata ojokunyi-wñ daka, tode̩gba kʼone̩ ñwa kwʼo̩mo̩ wane̩, kʼe̩ we efʼudu e̩bie̩ fa abʼunyi-we̩ ma.

Abo Ko̩lo̩se 3:3

Todu ame̩ leku, oñ iñmi-me̩ maja kpai Kraist ef O̩jo̩.

Abo Hibru 11:23

E̩do̩ ekono chʼe̩wñ kʼabo ku ma bi Mose̩s dʼowñ maja ochu me̩ta, todabu ku ma li kʼi chʼo̩ma alifia; ma la ruilo o̩da onu le̩ n.

Jeme̩s 2:25

Abe̩le̩ Rehab ajo̩ko̩ ge̩, i che kwef uko̩lo̩ kʼi che oñ ma dale ñw u n? Owñ chʼamonuche kʼi gba ma nyi le, kʼi la ko ma kwʼo̩mo̩ lʼo̩na omune̩.

Jo̩shua 2:5

oñ i lewatu ame̩ru iko ku ma rʼo̩na alaku le̩, e̩gba kʼane̩ chubi, aboke̩le̩ le̩ ledufu; u la mʼugbo kʼaboke̩le̩ le̩ le n; rano ma piopio, todu me̩ amu ma.

Jo̩shua 2:7

Tak abo le̩ rano ma tʼej o̩na kʼuma nyi Jo̩rdan ugbo ki de̩ hie̩hie̩le̩ le̩; abu kʼabo ku ma rano ma ledufu ababale̩ ma fʼalaku re.

Jo̩shua 2:8

Oñ o̩gba taku ma dachi onobule̩ le̩ mute̩gu wʼugbo ma ojokunyi le̩,

Jo̩shua 6:25

Ama Jo̩shua fu Rehab ajo̩ko̩ le̩ kpai abo unyi ata-wñ kpai e̩wñ du kʼi ne̩ jadu ku ma deju; oñ onobule̩ le̩ gugu alumeji abo Israe̩l gbogbo tʼojolu eñini, todabu kʼi kʼamonuche̩ ki Jo̩shua kpe̩ atʼane̩ Je̩riko le̩ maja.