Jo̩shua 17:1 - O̩TAKADA O̩LA O̩JO̩ 1970

¹ Ukpe̩ kʼanya je̩ ñw abo o̩lo̩pu Manasa le̩ de̩, todu owñ chʼo̩ma o̩gba Jose̩f. Abu ku Makir, o̩mo̩gba Manasa, kʼi chʼata Gilead le̩, chʼagbiti o̩gu, ma kpe̩ Gilead kpai Beshan ñw u.

Jo̩shua 17:1 Iomraidhean Croise

Abakwane̩ 41:51

Taku Jose̩f dʼodu e-ku ma bi o̩gba ko̩ Manasa, i kakini, todu O̩jo̩ je̩ ñwu mi gbenyo̩ akanya-mi kʼu che kpai abʼunyi ata-mi du.

Abakwane̩ 41:52

I la dʼodu o̩ma-wñ ekeji ko Ifraim, todu O̩jo̩ je̩ ñwu mi nʼugbe̩ oj ane̩ o̩bata-mi.

Abakwane̩ 46:20

Ane̩ Ijipti ma bi Manasa kpai Ifraim ñwu Jose̩f, ama chʼe-kʼAse̩nat o̩ma Potife̩ra kʼi chʼatama On le̩, bi ñw u.

Abakwane̩ 48:17

Tak e̩gba ku Jose̩f li kʼata-wñ dʼo̩wo̩-wñ awo̩to̩ nʼoji Ifraim, i bie̩ne̩ eju-wñ; tak i gwo̩nyu o̩wo̩ ata-wñ, kʼi mʼu du bʼoji Ifraim te̩ tʼoji Manasa.

Abakwane̩ 48:18

Oñ Jose̩f ka ñw ata-wñ kakini, Ata-mi, i chʼabe̩le̩ no, todu e-kide̩ chʼo̩mo̩gba; mʼo̩wo̩ awo̩to̩-we̩ du nʼo oji.

Abakwane̩ 50:23

Jose̩f la li amaaju Ifraim; ma laño̩ bi amo̩ma Makir kʼi chʼo̩ma Manasa no Jose̩f e̩re̩.

2 Samiue̩l 2:9

oñ i du owñ jʼonu Gilead kpai abo Ashur kpai Je̩zree̩l kpai Ifraim kpai Be̩njamin kpai abo Israe̩l chaka.

1 Iko Iko E̩wñ 2:23

Oñ Gishur kpai Eram bo̩ Jair gba unyi unyi-wñ, manyu Kenat kpai adogbe-wñ, owñ chʼewo ewo o̩gbo̩ me̩ta. Abo-i chaka chʼe-amo̩ma Makir, kʼi chʼata Gilead.

Izikie̩l 47:13

Abu kʼOndu Jihofa aka de̩ kakini, Alu ku me̩ ahi ome̩ ku me̩ fʼane̩-i kpe̩ru ñw abo̩lo̩pu Israe̩l me̩gweji kʼi mud e̩wñ ogu-ma de̩. Jose̩f anʼukpe̩ meji.

Izikie̩l 48:4

Oñ ale alo̩me̩ Naftali, akwʼo̩wo̩ olodudu-wñ gbogbo tʼo̩wo̩ olane̩-wñ Manasa chʼukpe̩ʼka.

Ekaluka 26:29

Amo̩ma e̩ne̩ke̩le̩ Manasa che: e-Makir, akwo̩ra unyi abo Makir; Makir la bi Gilead: e-Gilead, akwo̩ra unyi abo Gilead.

Ekaluka 27:1

Tak amo̩ma onobule̩ e-Ze̩lo̩fe̩had, kʼi chʼo̩ma He̩fe̩r, kʼi chʼo̩ma Gilead, kʼi chʼo̩ma Makir, kʼi chʼo̩ma Manasa, ku ma chʼabo akwo̩ra unyi akwo̩ra unyi Manasa o̩ma Jose̩f te̩wa; odu amo̩ma-wñ onobule̩ la ko̩: Mala kpai Noa kpai Hogla kpai Milka kpai Tirza.

Ekaluka 32:33

Taku Mose̩s mʼu ko ñwu ma, owñ chʼamo̩ma Gad kpai amo̩ma Rube̩n kpai ukpe̩reji abo o̩lonu Manasa, o̩ma Jose̩f le̩, oj ane̩ Sihon, onu abo Amo̩r, kpai ojane̩ O̩g, onu Beshan, owñ chʼane̩ le̩ kpai ewo ewo ane̩ le̩ gbogbo wa kad alo̩me̩-wñ, owñ chʼewo ewo ane̩ ki lʼuma daka le̩.

O̩lo̩da Eduwa Onukeji 21:17

i ki muda fʼeju mʼe-o̩mo̩gba ne̩, owñ chʼo̩ma o̩ya o̩machi le̩, kʼi ako ukpe̩ meji e̩wñ du kʼi ne̩ ñw u; todu owñ chʼe̩ro ukpahiu-wñ ejodudu: oji ajo̩ kʼi du te̩ ka kʼowñ chʼo̩mo̩gba.

Jo̩shua 17:2

Abe̩le̩ anya je̩ ñw abo Manasa kibo̩ alu kʼakwo̩ra unyi akwo̩ra unyi-ma de̩, todu amo̩ma Abieze̩r kpai todu amo̩ma Hele̩k kpai todu amo̩ma Asrie̩l kpai todu amo̩ma She̩ke̩m kpai todu amo̩ma Hefe̩r kpai todu amo̩ma Shemida; abo e-le̩ chʼamo̩ma e̩ne̩ke̩le̩ Manasa o̩ma Jose̩f akwo̩ra unyi akwo̩ra unyi-ma.

Jo̩shua 22:7

I chʼe-abo ukpe̩reji o̩lo̩pu Manasa le̩, Mose̩s mʼane̩ ku ma ane̩ du ñwu ma Beshan; Jo̩shua muda dʼane̩ ñw abo ukpe̩reji o̩lo̩pu Manasa ki bo̩ ef amo̩maye-ma ejudaba Jo̩rdan o̩wo̩ olane̩-wñ. Oñ e̩gba ki Jo̩shua je̩ ñwu ma lo tʼunyabo-ma kʼi la kadua ñwu ma,

Amakajo̩ 5:14

Abo ku ma fʼili nyʼane̩ Amale̩k kwo Ifraim wa, uwe̩ Be̩njamin, ma tʼo̩ ubi ef amone̩-we̩; amigobina kwo Makir gwo̩ru wa, abo ku ma nʼo̩kpa ako̩takada la kwo Ze̩biulo̩n wa;