Jo̩shua 15:47 - O̩TAKADA O̩LA O̩JO̩ 1970

⁴⁷ Ashdo̩d manyu adogbe adogbe-wñ kpai ikpo unyi ikpo unyi-wñ; Gaza manyu adogbe adogbe-wñ kpai ikpo unyi ikpo unyi-wñ; gbogbo wa aji Ijipti kpai Ohimini Elile kpai o̩la-wñ ge̩.

Jo̩shua 15:47 Iomraidhean Croise

1 Amonu 5:4

Fa-i Jihofa O̩jo̩-mi la mʼuñmi du ñwu mi ugbo tʼugbo du; i nʼe̩no̩la du kpai e̩wñ e̩bie̩ne̩ ki wa che emi ge̩ n.

2 Amonu 18:8

I fʼabo Filistia kpa gbogbo wa Gaza kpai alo̩me̩-wñ, akwo o̩do̩go̩ abide gbogbo wa ewo kʼi nʼaku.

2 Iko Iko E̩wn 26:6

Tak i ledufu akogu bʼabo Filistia, oñ i fʼaku Gat gulo̩ kpʼaku Jabne̩ kpʼaku Ashdo̩d; tak i fʼewo ewo ko ane̩ Ashdo̩d, kpʼef abo Filistia le̩.

Akwodufu 23:31

Omi la ahi o̩me̩-we̩ te̩ akwʼohimini Ekpikpa gbogbo wa kado ohimini abo Filistia, kpai akwo aje̩tachi le̩ gbogbo wʼohimini Yufretis; todu nakʼabo ane̩ le̩ nyʼef o̩wo̩-we̩, oñ uwe̩ ane̩ ma kwo bʼe̩ o̩gba te̩.

Je̩re̩maya 47:1

O̩la abo Filistia ku Jihofa ka kʼi wʼugbo Je̩re̩maya o̩gba taku Fero kpo̩ Gaza fo̩ de̩.

Je̩re̩maya 47:5

Oji bo̩lo̩bo̩lo̩ lewa bu Gaza ma me̩, ma fʼAshkelo̩n ko̩da rinyo̩. Owñ chʼabe̩bo̩bo̩ ef o̩go̩-ma le̩, gbogbo nyʼe̩gba oñ uwe̩ akʼo̩la-we̩ da ke?

Ze̩fanaya 2:4

Todu ma ahiu Gaza tinyo̩, Ashke̩lo̩n la amud alache̩; ma ane̩ Ashdo̩d dufu o̩ro̩ka gbaa, ma la achi E̩kron tinyo̩ tili tili.

E̩wñ kʼAme̩nukpuche̩ Che 8:26

Ama onuche̩ Ondu ko̩la ñwu Filip kakini, Kwane̩, kʼe̩ lo rʼo̩wo̩ o̩pata o̩wo̩ o̩gane̩, tʼo̩na ki agwo̩ru kwo Je̩rusale̩m nyi Gaza le̩; o̩mo̩ chʼaje̩tachi.

O̩lo̩da Eduwa Onukeji 2:23

I chʼe-amAfim ku ma dodo ikpo unyi ikpo unyi jo̩ gbogbo wa Gaza, abo Kafto̩r ku ma kwefu Kafto̩r dufu wa, fu ma chile̩che̩ rinyo̩ oñ ma kwododo koji ma.)

Jo̩shua 11:22

Abo Anak okate bo̩ oj ane̩ Israe̩l in; chai Gaza kpai Gat kpai Ashdo̩d, oñ ma bo̩bo̩ re.

Jo̩shua 13:3

(akwo Shiho̩r e-ki dʼo̩gba Ijipti le̩, gbogbo wʼalo̩me̩ E̩kro̩n o̩pata o̩wo̩ ate̩, e-ku ma fulo rʼefu e-abo Kenan le̩; amodu abo Filistia me̩lu le̩, abo Gaza kpai abo Ashdo̩d kpai abo Ashkelo̩n kpai abo Gat kpai abo E̩kro̩n), kpai abo Afim,

Jo̩shua 15:4

oñ i alale o̩mo̩ anyi Azmo̩n, tak i akpoji aji Ijipti le̩; eledufu alo̩me̩-wñ la dʼohimini abadi: e-le̩ la chʼalo̩me̩-me̩ o̩wo̩ o̩pata o̩gane̩.

Jo̩shua 15:46

akwo E̩kro̩n gbogbo wa ohimini abadi, e-du ki jʼakolo̩ Ashdo̩d, manyu ikpo unyi ikpo unyi-ma.

Jo̩shua 15:48

Oñ oj ane̩ uwo le̩, Shamir kpai Jatir kpai So̩ko̩