Jo̩shua 13:3 - O̩TAKADA O̩LA O̩JO̩ 1970

³ (akwo Shiho̩r e-ki dʼo̩gba Ijipti le̩, gbogbo wʼalo̩me̩ E̩kro̩n o̩pata o̩wo̩ ate̩, e-ku ma fulo rʼefu e-abo Kenan le̩; amodu abo Filistia me̩lu le̩, abo Gaza kpai abo Ashdo̩d kpai abo Ashkelo̩n kpai abo Gat kpai abo E̩kro̩n), kpai abo Afim,

Jo̩shua 13:3 Iomraidhean Croise

Abakwane̩ 10:6

Amo̩ma e̩ne̩ke̩le̩ Ham la che: Kush, kpai Mizraim, kpai Put, kpai Kenan.

Abakwane̩ 15:18

O̩jo̩ le̩ Jihofa fʼalo-wñ kpe̩ kpai Ebram, i kakini, Ugbe̩-we̩ oñ omi adu ane̩ kide̩ ñw u, akwo ohimini Ijipti le̩ gbogbo wa ohimini lile, owñ chʼohimini Yufretis,

1 Amonu 8:65

Abe̩le̩ So̩lo̩mo̩n fʼuje̩wñ uyo̩ le̩ hi iko le̩, abo Israe̩l chaka la jʼugbo-wñ, ujeju-wñ tabale akwʼugbo ku ma gudu wa Hamat gbogbo wa aji Ijipti, ma jo̩ o̩gba Jihofa O̩jo̩-wa, o̩jo̩ mebie meji, owñ chʼo̩jo̩ me̩gwe̩le.

1 Iko Iko E̩wñ 13:5

Abe̩le̩ Defid mʼabo Israe̩l chaka ko wa jeju ugbo kate, akwo Shiho̩r, aji Ijipti le̩, gbogbo wʼej o̩na ugbo ku ma gudu nyi Hamat, ku ma dʼakpati alo O̩jo̩ akwo Kiriat-jearim wa.

Aizaya 23:3

Oñ ejʼomi ki nana le̩; ulu e̩wñ Shihor kpʼe̩wñ oko ku ma ko wʼunyi o̩la Naye̩l mud ile-wñ kʼi je̩; owñ la chʼunyi aja abo uche̩ichi uche̩ichi.

Je̩re̩maya 2:18

Oñ ifai, e̩wñ e̩ ne̩ ej o̩na Ijipti? kʼe̩ ñmʼomi ohimini Naye̩l le̩? Abe̩k e̩wñ e̩ ne̩ kʼe̩ che ej o̩na Asiria? kʼe̩ ñmʼomi ohimini Yufretis le̩?

O̩lo̩da Eduwa Onukeji 2:23

I chʼe-amAfim ku ma dodo ikpo unyi ikpo unyi jo̩ gbogbo wa Gaza, abo Kafto̩r ku ma kwefu Kafto̩r dufu wa, fu ma chile̩che̩ rinyo̩ oñ ma kwododo koji ma.)

Jo̩shua 13:13

I chaka dabe̩le̩ abo Israe̩l fʼabo Ge̩shur kpai abo Maakat ne rinyo̩ n; ama abo Ge̩shur kpai abo Maakat dodo alumeji abo Israe̩l gbogbo tʼeñini.

Amakajo̩ 16:5

Tak amo̩ga abo Filistia mute̩gu wʼugbo onobule̩ le̩, oñ ma ka ñw u kakini, Gbʼo̩ ibe, kʼe̩ li ugbo kʼukpahiu-wñ ki tabale le̩ de̩, kʼe̩ li e̩wñ kʼa ache kʼa fʼu du, kʼa fʼu ji kʼa fʼu dema tak e̩ne̩ne̩ne̩ne̩-wa ako o̩ko̩ ajifu icham nyʼo̩gwo̩ko̩ nyʼogume̩lu ñw e̩.

Amakajo̩ 3:3

Owñ chʼamodu abo Filistia me̩lu le̩, kpai abo Kenan chaka, kpai abo Saido̩n, kpai abo Hifai ku ma dodo uwo Le̩bano̩n, akwo uwo Beal-he̩rmo̩n gbogbo wa alo̩na ugbo ku ma gudu nyi Hamat.

1 Samiue̩l 5:1

Abo Filistia la mʼakpati O̩jo̩ du, oñ ma mʼu du kwo E̩be̩niza nyi Ashdo̩d.

1 Samiue̩l 5:10

Taku ma dʼakpati le̩ kpuche̩ nyi E̩kro̩n. Oñ i lewatu, abu kʼakpati O̩jo̩ lewa E̩kro̩n, abo E̩kro̩n kwokwa kakini, Ma mʼakpati O̩jo̩ Israe̩l du dagbala wa ñw a ku ma fʼawa kpʼabo-wa kpa.

1 Samiue̩l 5:8

Todule̩ ma fʼuche̩ kpe̩ ado̩ amo̩ga abo Filistia wugbo ma, oñ ma kakini, Ab a ache kpʼakpati O̩jo̩ e-Israe̩l-i? Taku ma dohi kakini, Ama ki nʼakpati O̩jo̩ Israe̩l dagbala nyi Gat. Abe̩le̩ ma mʼakpati O̩jo̩ Israe̩l du le.

1 Samiue̩l 6:4

Taku ma kakini, E̩wñ chʼe̩wñ abi eje̩ kʼa adʼu dabiwa ñw u? Oñ ma dohi kakini, Alido e-o̩jamalia me̩lu, kpai amikeleku o̩jamalia me̩lu alu kʼuwewe amo̩ga abo Filistia de̩, todu atulubo̩ okate chʼame̩ kpʼamo̩ga-me̩ chaka.