Jo̩shua 11:3 - O̩TAKADA O̩LA O̩JO̩ 1970

³ tugbo abo Kenan o̩wo̩ olodudu kpai o̩wo̩ olane̩ kpai abo Amo̩r kpai abo He̩t kpai abo Pe̩re̩z kpai abo Je̩bius oj ane̩ uwo le̩ kpai abo Hifai ku ma jo̩ e̩re̩ He̩rmo̩n oj ane̩ Mizpa.

Jo̩shua 11:3 Iomraidhean Croise

Abakwane̩ 31:49

kpai Mizpa ge̩, todu i kakini, Jihofa ki de agbagba omi kpai uwe̩, e̩gba kʼa kwo bʼomune̩ te̩.

2 Samiue̩l 24:16

Tak e̩gba kʼonuche̩ O̩jo̩ fʼo̩wo̩ nadala rʼo̩wo̩ Je̩rusale̩m kʼi fu kpabie̩, e̩bie̩ne̩ le̩ wo̩ Jihofa, oñ i ka ñw onuche̩ kʼi akpa amone̩ bie̩ kakini, I bo̩jo̩ me̩; o̩wo̩-we̩ ki kadʼo̩mo̩ ke. Onuche̩ Jihofa le̩ la dʼugbo ajita e-Arauna e̩ne̩ Je̩bius, ugbo ku ma gwʼo̩ka-wñ.

2 Samiue̩l 24:7

oñ ma lewa aku Taya, kpai ewo ewo abo Hifai kpai abo Kenan chaka; oñ ma ledufu tʼo̩wo̩ o̩pata o̩gane̩ Juda, ugbo Birshiba.

1 Amonu 15:22

Tak onu Esa fʼakoya ta ñw abo Juda chaka, e̩ne̩ du bo̩ tʼane̩ n; taku ma mʼokuta Rama ko kpʼigboli-wñ chaka, owñ chʼe-ku Beasha ne̩ ko̩. Tak Esa onu mʼe-le̩ ko ko̩ Geba e-Be̩njamin kpai Mizpa.

1 Amonu 9:20

I chʼe-amone̩ ki bo̩ kwef abo Amo̩r kpʼabo He̩t kpʼabo Pe̩re̩z kpʼabo Hifai kpʼabo Je̩bius du, ku ma ma dʼef amo̩ma Israe̩l n;

Eli Eko̩ DʼO̩jo̩ 133:3

Dabe̩ne̩ kʼeli He̩rmo̩n, kʼi achi abʼoji uwo Zayo̩n ma! Todu Jihofa fu ñwate̩ ku ma dʼe̩nyo̩ ñw o̩mo̩, owñ chʼiñmi ogbegbele̩.

Eli Eko̩ DʼO̩jo̩ 89:12

Uwe̩ chʼe̩ne̩ ki nyi o̩pata ate̩ kpai o̩pata o̩gane̩ te̩; Tabo̩r kpai He̩rmo̩n achʼo̩ga uyo̩ ñw odu-we̩.

Eli So̩lo̩mo̩n 4:8

Kwo Le̩bano̩n lebʼumi, o̩ya-mi; kwo Le̩bano̩n lebʼumi. Nyʼoj Amana, kpai Senir kpai He̩rmo̩n kʼe̩ go, ugbo owo amidu le̩, ugbo uwo uwo amikpali.

Je̩re̩maya 40:10

I chʼe-mi, me̩ go, omi agugu Mizpa kʼu dago o̩gba abo Kaldia ku ma awʼugbo wa ejo̩gba; i muda chʼame̩, me̩ ki ko omi achiwebe̩te̩ma kpʼuje̩wñ o̩lo̩ji kpʼekpo wa jo̩ ku me̩ ko nyʼe̩wñ eku-me̩, ku me̩ kwogugu ewo ewo-me̩ ku me̩ du le̩.

Je̩re̩maya 40:6

E̩gbale̩ Je̩re̩maya nyʼugbo Ge̩dalaya, o̩ma Ahaikam, Mizpa, oñ i bʼo̩ gugu o̩mo̩ ef amone̩ ku ma bo̩ jʼoj ane̩ le̩.

Je̩re̩maya 41:14

Abe̩le̩ amone̩ du kʼIshmae̩l mu kwo Mizpa lelo, murida dabi wa, oñ ma nyʼugbo Johanan, o̩ma Kareya.

Je̩re̩maya 41:3

Ishmae̩l ño̩ kpa amaJu chaka ku ma jʼugbo-wñ, owñ chʼugbo Ge̩dalaya, Mizpa, kpʼabo Kaldia ku ma li o̩mo̩, ama chʼabogu.

Ekaluka 13:29

Abo Amale̩k dodo oj ane̩ o̩wo̩ o̩pata o̩gane̩; abo He̩t kpai abo Je̩bius kpai abo Amo̩r dodo oj ane̩ uwo o̩mo̩; oñ abo Kenan la dodo o̩la ohimini, kpai adabu Jo̩rdan jo̩.

O̩lo̩da Eduwa Onukeji 4:48

akwo Aroe̩r, ki dʼotete ukpolo Amo̩n, gbogbo wa uwo Zayo̩n (e-le̩ che He̩rmo̩n),

O̩lo̩da Eduwa Onukeji 7:1

E̩gba ki Jihofa O̩jo̩-we̩ dʼuwe̩ wʼoj ane̩ ugbo kʼuwe̩ anyi kʼe̩ ne̩ le̩, kʼi la mʼabo uche̩ichi chi rinyo̩ bʼuwe̩ o̩gba te̩, owñ chʼabo He̩t kpai abo Girgash kpai abo Amo̩r kpai abo Kenan kpai Pe̩re̩z kpai abo Hifai kpai abo Je̩bius, amuche̩ichi amone̩ mebie ku ma wewe ku ma la ño̩ gbiti tʼuwe̩ le le̩,

Jo̩shua 11:17

akwo uwo Halak, kʼi dʼo̩wo̩ ate̩gu nyi Seir le̩, gbogbo wa Beal-gad ef o̩go̩ Lebanon e̩re̩ uwo He̩rmo̩n. Oñ i mʼamonu-ma chaka ko, i la fʼuma gwoda, oñ i fu ma kpa.

Jo̩shua 11:8

Oñ Jihofa mu ma ko nyʼabo Israe̩l o̩wo̩, taku ma gwo ma da, ma fu ma ne gbogbo wa Saido̩n elile le̩, gbogbo wa Misrefo̩t-maim, gbogbo wa o̩go̩ Mizpe o̩wo̩ olodudu; oñ ma gwo ma da gbogbo ma je̩ ñw e̩ne̩ du bo̩ deju ge̩ n.

Jo̩shua 13:11

kpai Gilead kpai alo̩me̩ abo Ge̩shur kpai abo Maukat kpai uwo He̩rmo̩n chaka kpai o̩chaka Beshan gbogbo wa Saleka;

Jo̩shua 13:5

kpai ane̩ abo Gebal, kpai Le̩banon o̩wo̩ olodudu-wñ chaka, akwo Beal-gad e̩re̩ uwo He̩rmo̩n gbogbo wʼugbo kʼe̩ gudu tʼoj ane̩ Hamat,

Jo̩shua 15:38

kpai Dilean kpai Mizpa kpai Jo̩ktee̩l

Jo̩shua 15:63

Abo Israe̩l muda neke ne abo Je̩bius ku ma dodo Je̩rusale̩m le̩ dufu n: abe̩le̩ oñ abo Je̩bius le̩ dodo kpenyu abo Juda Je̩rusale̩m o̩mo̩ gbogbo tʼeñini.

Jo̩shua 18:26

kpai Mizpe kpai Che̩fira kpai Moza

Jo̩shua 3:10

Taki Jo̩shua kakini, Alu ku me̩ ale ku me̩ ama ka kʼO̩jo̩ ki deju dʼefu-me̩ le̩ de̩, ka ki nʼugbo du ki achi n, owñ le̩ afʼabo Kenan kpai abo He̩t kpai abo Hifai kpai abo Pe̩re̩z kpai abo Girgash kpai abo Amo̩r kpai abo Je̩bius ne dufu bʼume̩ o̩gba te̩.

Amakajo̩ 20:1

Tak amo̩ma Israe̩l chaka le dufu akwo Dan gbogbo wa Birshiba, manyʼabo ane̩ Gilead, oñ o̩gbadu le̩ jeju wʼugbo Jihofa Mizpa dabʼe̩ne̩ kate.

Amakajo̩ 21:5

Tak amo̩ma Israe̩l kakini, E̩ne̩ dʼef abo o̩lo̩pu Israe̩l chaka kʼi ma wʼef ujeju le̩ ugbo Jihofa n? Todu ma go̩ elile nʼe̩ne̩ kʼi ma dufu wa ñwu Jihofa Mizpa le̩ n, ma go̩ kakini, Ma adʼe̩ne̩ le̩ kpa chuu.

Amakajo̩ 21:8

Taku ma kakini, E̩ne̩ dʼef abo o̩lo̩pu Israe̩l kʼi ma te̩gu wa ñwu Jihofa Mizpa le̩ n? E̩ la go, i nʼe̩ne̩ du ki kwo Jebe̩sh-gilead wa uru ugbo ujeju le̩ n.

Amakajo̩ 3:3

Owñ chʼamodu abo Filistia me̩lu le̩, kpai abo Kenan chaka, kpai abo Saido̩n, kpai abo Hifai ku ma dodo uwo Le̩bano̩n, akwo uwo Beal-he̩rmo̩n gbogbo wa alo̩na ugbo ku ma gudu nyi Hamat.

Amakajo̩ 3:5

Abe̩le̩ abo Israe̩l kwogugu ef abo Kenan, kpai ef abo He̩t, kpai ef abo Amo̩r, kpai ef abo Pe̩re̩z, kpai ef abo Hifai, kpai ef abo Je̩bius;

1 Samiue̩l 10:17

Taku Samiue̩l fʼamone̩ le̩ do̩ jeju ñwu Jihofa Mizpa;