Jo̩shua 11:22 - O̩TAKADA O̩LA O̩JO̩ 1970

²² Abo Anak okate bo̩ oj ane̩ Israe̩l in; chai Gaza kpai Gat kpai Ashdo̩d, oñ ma bo̩bo̩ re.

Jo̩shua 11:22 Iomraidhean Croise

1 Amonu 2:39

Oñ i lewatʼe̩gba kʼo̩do̩ me̩ta muda, tak amadu Shimeai meji rale tʼugbo Ekish, o̩ma Maaka, onu Gat. Taku ma mudu ka ñwu Shimeai kakini, Go, amadu-we̩ le̩ jo̩ Gat.

1 Iko Iko E̩wñ 18:1

Tak ubi e-le̩ i lewatu ku Defid fʼabo Filistia gwoda, oñ i fʼuma dolo, tak i mu Gat kpʼadogbe-wñ gba bʼabo Filistia o̩wo̩ te̩.

1 Iko Iko E̩wñ 8:13

kpai Be̩raya kpai Shema ku ma chʼabo ku ma dʼoji dufu ef amata abo ku ma dodo Aijalo̩n, ku ma fʼabo ku ma dodo Gat ne.

2 Iko Iko E̩wn 26:6

Tak i ledufu akogu bʼabo Filistia, oñ i fʼaku Gat gulo̩ kpʼaku Jabne̩ kpʼaku Ashdo̩d; tak i fʼewo ewo ko ane̩ Ashdo̩d, kpʼef abo Filistia le̩.

Aizaya 20:1

O̩do̩ ku Tartan lewa Ashdo̩d, owñ chʼe̩gba ki Sargo̩n, onu Asiria kpʼo̩ uche̩ wa, kʼi la kʼogu bʼAshdo̩d kʼi la fʼu du,

E̩wñ kʼAme̩nukpuche̩ Che 8:40

Ma la fu Filip li Azotos. Oñ abu kʼi lale o̩mo̩ i fʼuche̩nyo̩ je̩rʼabo ewo ewo le̩ chaka gbogbo tak i lewa Se̩saria.

O̩lo̩da Eduwa Onukeji 2:23

I chʼe-amAfim ku ma dodo ikpo unyi ikpo unyi jo̩ gbogbo wa Gaza, abo Kafto̩r ku ma kwefu Kafto̩r dufu wa, fu ma chile̩che̩ rinyo̩ oñ ma kwododo koji ma.)

O̩lo̩da Eduwa Onukeji 9:2

amokoro ki gbo̩gba, amo̩ma Anak le̩, e-kʼe̩ ma ma, kʼuwe̩ la gbo̩ inabali-ma kakini, E̩ne̩ neke bʼejafu amo̩ma Anak jo̩?

Jo̩shua 10:41

Oñ Jo̩shua gwo ma da akwo Kede̩sh-barnea gbogbo wa Gaza, kpai ane̩ Goshe̩n chaka gbogbo wa Gibeo̩n.

Jo̩shua 15:14

Taku Kele̩b fʼamo̩ma Anak me̩ta ne kwʼo̩mo̩ dufu, ama che Sheshai kpai Ahinmu kpai Talmai, amo̩ma Anak le̩.

Jo̩shua 15:46

akwo E̩kro̩n gbogbo wa ohimini abadi, e-du ki jʼakolo̩ Ashdo̩d, manyu ikpo unyi ikpo unyi-ma.

Jo̩shua 15:47

Ashdo̩d manyu adogbe adogbe-wñ kpai ikpo unyi ikpo unyi-wñ; Gaza manyu adogbe adogbe-wñ kpai ikpo unyi ikpo unyi-wñ; gbogbo wa aji Ijipti kpai Ohimini Elile kpai o̩la-wñ ge̩.

Amakajo̩ 1:18

Juda ño̩ fu Gaza du, manyʼane̩-wñ kadʼalo̩me̩-wñ, kpai Ashke̩lo̩n manyʼane̩-wñ kadʼalo̩me̩-wñ, kpai E̩kro̩n manyʼane̩-wñ kadʼalo̩me̩-wñ.

Amakajo̩ 3:3

Owñ chʼamodu abo Filistia me̩lu le̩, kpai abo Kenan chaka, kpai abo Saido̩n, kpai abo Hifai ku ma dodo uwo Le̩bano̩n, akwo uwo Beal-he̩rmo̩n gbogbo wa alo̩na ugbo ku ma gudu nyi Hamat.

1 Samiue̩l 17:4

Oñ e̩nugbitiʼka kwef uru abo Filistia dufu, odu-wñ ko̩ Golayat, abo Gat; o̩gba-wñ chʼohibo̩wo̩ me̩fa nyʼo̩gabaʼka.

1 Samiue̩l 5:1

Abo Filistia la mʼakpati O̩jo̩ du, oñ ma mʼu du kwo E̩be̩niza nyi Ashdo̩d.