Jo̩shua 10:5 - O̩TAKADA O̩LA O̩JO̩ 1970

⁵ Tak amonu abo Amo̩r me̩lu le̩, owñ chʼonu Je̩rusale̩m kpai onu He̩bro̩n kpai onu Jarmut kpai onu Lakish kpai onu Eglo̩n, kʼo̩la-ma jeju jo̩, tak ama kpai abogu-ma chaka mute̩gu ku ma ru le Gibeo̩n daka, oñ ma kʼogu bʼo̩.

Jo̩shua 10:5 Iomraidhean Croise

Abakwane̩ 15:16

Oñ ef o̩gba e̩ke̩le̩ ma adabi wa emi ge̩; todu e̩wñ ugbite̩re̩ abo Amo̩r jo̩ kpa ta n.

Je̩re̩maya 34:7

e̩gba kʼabogu onu Babilo̩n jʼakʼogu bo̩ Je̩rusale̩m, kpʼewo ewo Juda ki bo̩, kpai Lakish, kpai Azika; todu abʼe-le̩ kate bo̩ chʼewo Juda ki nʼaku.

Ekaluka 13:29

Abo Amale̩k dodo oj ane̩ o̩wo̩ o̩pata o̩gane̩; abo He̩t kpai abo Je̩bius kpai abo Amo̩r dodo oj ane̩ uwo o̩mo̩; oñ abo Kenan la dodo o̩la ohimini, kpai adabu Jo̩rdan jo̩.

Jo̩shua 10:16

Oñ amonu me̩lu le̩ ra nyʼakʼo̩la-ma maja ef owo Makeda.

Jo̩shua 10:6

Tak abo Gibeo̩n kpʼone̩ nyʼugbo Jo̩shua uru Gilgal le̩, ma kakini, E̩ ki bo̩wo̩lo̩ ugbo ate̩ko amadu-we̩-i n; mute̩gu wʼugbo wa piopio, kʼe̩ mʼuwa gba; todu amonu Amo̩r du ku ma dodo ane̩ uwo le̩ kʼo̩la-ma jeju nyʼuwa.

1 Samiue̩l 7:14

Tak ewo ewo kʼabo Filistia bʼabo Israe̩l gba, ma mʼu du dabi wa ñw Israe̩l akwo E̩kron gbogbo wa Gat, abo Israe̩l la mʼane̩-ma gba bʼo̩wo̩ abo Filistia te̩. Tak uja ño̩ dʼagbagba abo Israe̩l kpai abo Amo̩r ge̩ n.