Je̩re̩maya 48:15 - O̩TAKADA O̩LA O̩JO̩ 1970

¹⁵ Mafu Moab chile̩che̩rinyo̩ me̩, ewo ewo-wñ le̩ mud oduduna me̩, abokolobia-wñ kʼi chi mugwo̩ru nyʼugbo ku ma kpa ma, Onu kʼodu-wñ ko̩ Jihofa ki nʼe̩wñ du aka-i.

Je̩re̩maya 48:15 Iomraidhean Croise

Eli Eko̩ DʼO̩jo̩ 47:2

Todu Jihofa O̩jo̩ Chamachala abailo, owñ chʼonu lile kʼi nʼo̩da ane̩-ile̩-i du.

Je̩re̩maya 46:18

Oji-mi, Onu, kʼodu-wñ ko̩ Jihofa ki nʼe̩wñ du, aka-i, I awa dabe̩ne̩ ku Tabo̩r ki jʼalumeji uwo uwo, kpai Karme̩l ki dʼet ohimini abadi chuu.

Je̩re̩maya 48:4

Ma fu Moab kpo̩fo̩ me̩; abo-wñ egini je̩ ñw ma gbʼukwa.

Je̩re̩maya 50:27

Fʼamo̩kokuno̩-wñ chaka kpa, me̩ ki je̩ ñw ma gwo̩ru nyʼugbo ku ma akpa ma. Atogwo ki chʼe-ma, iko-ma lewa me̩, owñ chʼe̩gba ku ma awa fejudo ma.

Je̩re̩maya 50:34

Agba ma tane̩ chʼegbiti: Jihofa ki nʼe̩wñ du, oñ odu-wñ ko̩; i agba ma tubi, todu kʼi dʼuñmi ñw ane̩ ile̩, kʼi la je̩ ñw abo ku ma dodo Babilo̩n ku ma we enʼuñmi.

Je̩re̩maya 51:40

Nako ma wa dab amo̩mala nyʼugbo ku ma akpa ma, dabe̩ne̩ kʼamokolo manyʼamobuko̩.

Je̩re̩maya 51:57

Omi la aje̩ ñw o̩te̩ mu amagboji-wñ kpʼamanibe-wñ, kpʼamigo̩bina-wñ kpʼamakoji onu-wñ kpʼamagbiti-wñ; taku ma alʼolu e-ogbegbele̩ ma ñʼaji olu ge̩ n, Onu kʼodu-wñ ko̩ Jihofa ki nʼe̩wñ du ka-i.

Danie̩l 4:37

Fai omi, Ne̩biukadne̩za, adiba ñw Onu efojale, nahiʼu ne naño̩ dojima ñw u; todu uko̩lo̩-wñ du chʼochochi, o̩na-wñ la tʼo̩kpakpa; i la neke chi abo ku ma lule̩ ef uba ukata.

Emo̩s 4:10

U dʼe̩wñ ibi kpuche̩ wʼef ume̩ alu ki de̩ Ijipti; u nʼo̩kwo̩chageli kpʼabokolobia-me̩; u la mʼamanya-me̩ ko; u laño̩ je̩ ñw ulu uru-me̩ ki mute̩gu wʼef iñmo̩-me̩ onugo; me̩ la dabi wʼugbo mi n, Jihofa aka-i.

Ze̩karaya 14:9

Taku Jihofa achʼonu ane̩-ile̩ du; o̩jo̩ le̩ Jihofa achʼokate, odu-wñ lañʼachʼokate.

Malakai 1:14

Ama ki fʼe̩ne̩ ki chʼO̩jo̩ e̩la mu, owñ chʼe̩ne̩ ki nʼo̩kʼe̩la ef ujo̩ ame̩wño̩re̩-wñ tak i doji, tak i dʼe̩wñ e̩kpabie̩ wa chʼiche̩bo̩ ñw Ondu; todu Onu inaina omi che, Jihofa ki nʼe̩wñ du ka-i; oñ odu-mi abailo ef abo uche̩ichi.

Jeme̩s 5:4

Me̩ go, ome̩ abuko̩lo̩ ku ma kpa e̩wñ oko-me̩ e-ku me̩ gwo̩nyʼu afuma le̩ nakwa; oñ ukwa abo ku ma kʼe̩wñ oko-me̩ wʼunyi la raugudu tʼeti Ondu ki nʼe̩wñ du me̩.

O̩la E̩bite 19:16

Oñ i chenʼodu ki che̩ko̩ o̩lʼotogbo-wñ kpʼoj uta-wñ kakini, Onu amonu, kpai Ondu amodu.