Je̩re̩maya 44:1 - O̩TAKADA O̩LA O̩JO̩ 1970

¹ O̩la amaJu du ku ma gugu oj ane̩ Ijipti, ku ma gugu Migdol kpai Tapanhe̩s kpai Me̩mfis kpai oj ane̩ Patro̩s ki lewʼugbo Je̩re̩maya le̩ de̩, kakini,

Je̩re̩maya 44:1 Iomraidhean Croise

Abakwane̩ 10:14

kpai abo Patrus, kpai abo Kaslu (ugbo kʼabo Filistia kwo wa le̩), kpai abo Kafto̩r.

Akwodufu 14:2

E̩ ka ñw amo̩ma Israe̩l ku ma mudabi wʼubi ku ma rujʼo̩gba Pihahiro̩t, agbagba Migdol kpai ohimini le̩, o̩gba Beal-zefo̩n; me̩ ki ru ru jo̩ o̩la ohimini me̩ru o̩mo̩.

Aizaya 11:11

Tak i awache iko le̩ kʼOndu adʼo̩wo̩-wñ tʼo̩ onukeji kʼi fʼe̩bobo̩ amone̩-wñ la ñw o̩la-wñ, owñ chʼabo ku ma bo̩bo̩ kwʼAsiria kpai Ijipti kpai Patro̩s kpai Kush kpai Elam kpai Shainar kpai Hemat kpai ala ala ohimini abadi.

Aizaya 19:13

Amagboji Zoan mud ame̩nidada, ma la gbʼamagboji Me̩mfis ibe me̩; abo ku ma chʼokuta udane̩ o̩lo̩pu o̩lo̩pu-wñ je̩ ñw Ijipti chila.

Je̩re̩maya 2:16

Amo̩ma e̩ne̩ke̩le̩ Me̩mfis kpai Tafanhes fʼakpe̩te̩ oji-we̩ kpo̩fo̩ me̩.

Je̩re̩maya 24:8

Jihofa kakini, Alu kʼe̩ro o̩gbaikolo le̩ bie̩ne̩ kʼe̩bie̩ne̩-wñ ma jʼaje̩ n, abe̩le̩ oñ nache Ze̩de̩kaya, onu Juda kpʼamagboji-wñ kpʼabubo̩ abo Je̩rusale̩m ku ma bo̩ oj ane̩-i kpʼabo ku ma gugu ane̩ Ijipti chuu.

Je̩re̩maya 43:13

I ñʼakpʼojibo ojibo Be̩t-shimesh kʼi jʼane̩ Ijipti fo̩; oñ i anʼuna gu unyi unyi amo̩jo̩ Ijipti jo.

Je̩re̩maya 44:15

Tak aboke̩le̩ du ku ma ma ka kʼamo̩ya-ma agu otulale jo ñw amo̩jo̩ omune̩, kpʼabobule̩ du ku ma dago o̩mo̩, ujeju lile i che, owñ chʼamone̩ du ku ma gugu oj ane̩ Ijipti, ewo Patro̩s, dohi ñwu Je̩re̩maya kakini,

Je̩re̩maya 46:14

Me̩ dʼu kpogo Ijipti, fʼakoya-wñ ta Migdo̩l; fʼakoya-wñ ta Me̩mfis kpai Tapanhe̩s; me̩ kakini, Me̩ fʼo̩la mu dago, todu o̩kwo̩chageli lie̩ lʼuwe̩ daka me̩,

Je̩re̩maya 46:19

O uwe̩ o̩ma onobule̩ kʼe̩ gugu Ijipti, fʼe̩wñ eku amu che ñw o̩la-we̩ fʼo̩la amu-we̩ mu! Todu Me̩mfis amud e̩wñ awuwu, ma agujo rinyo̩, i anʼe̩ne̩ ki adodo ef uwñ n.

Izikie̩l 29:10

todule̩, go, omi chʼe̩na-gwunyʼuwe̩, kpʼe̩nagwunyu aji aji-we̩, oñ nache kʼane̩ Ijipti kʼi mud egbili e̩lanyi kpʼokuta hioko, kʼi chʼalache̩ te̩ akwo odo̩go̩ Se̩fena gbogbo wa alpme̩ Itiopia.

Izikie̩l 29:14

tak u narʼamu Ijipti da, oñ naje̩ ñwu ma mudabi tʼojane̩ Patros, owñ chʼoj ane̩ e̩te̩-ma, taku ma achʼojane̩ ki chʼo̩wo̩ wane̩ jʼo̩mo̩.

Izikie̩l 30:13

Abu kʼOndu Jihofa aka de̩ kakini: U ñʼafʼode ode-ma chile̩che̩, oñ naje̩ ñw e̩wñ o̩wai le̩ ki we jo Me̩mfis; idachi kʼi kwʼane̩ Ijipti ñʼade̩ ge̩ n; oñ nʼadʼailo te̩ ojane̩ Ijipti.

Izikie̩l 30:14

Tak u nache ku Patros ki chihi rinyo̩, oñ nakʼuna Zoan, u la ache e̩wñ kʼoji ajo̩-mi ka abi No ma.

Izikie̩l 30:16

Omi la akʼuna Ijipti; Sin alʼiwo̩ nana; ma akpa No fo̩, ame̩no̩la Me̩mfis ajʼo̩la-wñ gbogbo dʼo̩jo̩.

Izikie̩l 30:18

O̩jo̩ ñʼadu Tehafnehe̩s, e̩gba kʼu fʼoli uno̩lo̩ Ijipti guche̩ o̩mo̩, oñ uba ukpahiu-wñ atakpa bʼo̩ efu te̩; i la chʼe-owñ onugo akpa abʼowñ ma, oñ amo̩ma-wñ onobule̩ anyʼef amu.

Hosiya 9:6

Todu go, ma kwo bʼe̩kpabie̩ te̩ me̩; Ijipti aya ma jo̩, Me̩mfis ako ma ji. Iñelekpe anʼe̩wñ ube̩do̩-ma e-ajifa le̩; ikeke ajʼef unyabo-ma.