Je̩re̩maya 38:17 - O̩TAKADA O̩LA O̩JO̩ 1970

¹⁷ Taku Je̩re̩maya ka ñwu Ze̩de̩kaya, kakini, Abu ki Jihofa ki nʼe̩wñ du, kʼi chʼO̩jo̩ Israe̩l, aka de̩, kakini, Iche̩wñ kʼuwe̩ adufu nyʼugbo amagboji onu Babilo̩n, mak onugo-we̩ adeju, oñ ma awe enʼuna gu ewo-i jo; oñ uwe̩ adeju manyʼabo unyi-we̩.

Je̩re̩maya 38:17 Iomraidhean Croise

Abakwane̩ 12:13

Narodubʼe̩ kʼuwe̩ ki ka kʼe̩ chʼo̩maye-mi, todu ki nyo̩ ñw omi lʼo̩la-we̩, todu kʼonugo-mi ki deju lʼugbo we̩.

2 Amonu 24:12

Taku Jiho̩yachin, onu Juda, ledufu nyʼugbo onu Babilo̩n, owñ kpai iye-wñ kpai abuko̩lo̩-wñ kpai amagboji-wñ kpai amonoji-wñ; oñ onu Babilo̩n fʼowñ mu o̩do̩ e̩ke̩jo̩ kʼi jʼonu.

2 Amonu 25:27

Oñ i lewatu o̩do̩ ogue̩gwa nyoke mebie ku ma mu Jiho̩yachin onu Juda, ochu e̩ke̩gweji-wñ, o̩jo̩ ogu nyoke mebie ochu le̩, tak Ifil-me̩rodak, onu Babilo̩n, mʼoji Jiho̩yachin du dago kwʼef unyi uga, todu o̩do̩ le̩ i chane̩ ejʼonu-wñ;

1 Iko Iko E̩wñ 17:24

I ki dago kpaka kʼodu-we̩ ki nʼuwohi nyʼo̩gba ogbegbele̩ ku ma ka kakini, Jihofa ki nʼe̩wñ du chʼO̩jo̩ abo Israe̩l, owñ chʼO̩jo̩ ñw abo Israe̩l gbo: unyi Defid, adu-we̩, kʼi lonyane̩ o̩gba-we̩.

E̩zra 9:4

Tak abo du kʼo̩la-ma aga tod o̩la kʼO̩jo̩ e-Israe̩l ka tod ejʼada kʼabo ku ma mu lelo le̩ jʼada kʼo̩la-ma jeju wʼugbo mi; oñ ugoju mʼumi da gugu ane̩ gbogbo wʼiko ku ma kʼe̩wñ ele ane̩ wa.

Job 23:13

Owñ muda dʼalu kʼi de̩, e̩ne̩ la neke rʼo̩ ida? E̩wñ ki dʼonugo-wñ e̩do̩, e-le̩ i ache.

Eli Eko̩ DʼO̩jo̩ 80:14

Murida ge̩, egbo̩ko̩ a gbo̩ko̩bʼuwe̩, O O̩jo̩ kʼi nʼe̩wñ du le̩! dʼeju-we̩ wʼane̩ kwʼefojale, kʼe̩ go; kʼe̩ lewa fejudo ikeli-i,

Eli Eko̩ DʼO̩jo̩ 80:7

Mʼuwa rida tʼe̩gu-wa, O O̩jo̩ kʼi nʼe̩wñ du; eju-we̩ ki chʼugane̩, taku ma ajadu wa!

Je̩re̩maya 27:12

U la ku teju o̩la-i du ñwu Ze̩de̩kaya, onu Juda, u kakini, Me̩ mʼo̩lo̩-me̩ ko jʼofe oli uno̩lo̩ onu Babilo̩n, ku me̩ rʼowñ kpʼabo-wñ, kʼame̩ ki deju.

Je̩re̩maya 27:17

Me̩ ki netirʼuma n; me̩ rʼonu Babilo̩n, ka me̩ ki deju. E̩wñ chi kʼewo-i amud alache̩?

Je̩re̩maya 27:8

I la awatu ka kʼabo uche̩ichi abe̩k ojane̩ ki ma je̩ re̩ Ne̩biukadne̩za, onu Babilo̩n-i n, kʼi ma jʼakʼo̩lo̩-ma tʼofe oli uno̩lo̩ onu Babilo̩n-i n, u la anʼo̩kwochageli kpʼo̩kpo̩ta, kpʼe̩wñ ibi bʼudu ñw abo uche̩ichi le̩, Jihofa aka-i, gbogbo tak u nʼo̩wo̩-wñ fʼuma lie̩ kpa.

Je̩re̩maya 38:2

Abu ki Jihofa aka de̩, kakini, E̩ne̩ ki gugu ef ewo-i o̩kwo̩chageli kpai ukpo̩ta kpʼe̩wñ bibi akpa; e̩ne̩ ki muda dufu nyʼugbo abo̩ Kaldia adeju. Oji-wñ achʼe̩wñ kʼi aje̩ ef ogu le̩, oñ i adeju.

Je̩re̩maya 39:3

Oñ i lewatu e̩gba ku ma fu Je̩rusale̩m du amagboji onu Babilo̩n mugudu wa gugu alaku alumeji, ama che Ne̩rgal-shareza kpai Samagar-nebo kpai Sarsechim kpai Rabsaris kpai Ne̩rgal-shareza kpai Rabmag manyʼamagboji onu Babilo̩n kibo̩ chaka.

Je̩re̩maya 40:9

Taku Ge̩dalaya, o̩ma Ahaikam, o̩ma Shafan, go̩ ñwu ma kpʼabo-ma, kakini, Ame̩ ki railo e̩re̩ abo̩ Kaldia n; gugu oj ane̩-i, ku me̩ re̩ onu Babilo̩n, tak i anyo̩ ñwu me̩.

Je̩re̩maya 44:7

Todule̩, fai, abu ki Jihofa O̩jo̩ ki nʼe̩wñ du, O̩jo̩ Israe̩l, aka de̩, kakini, E̩wñ chi kʼame̩ ache e̩wñ e̩bie̩ne̩ inaina-i nyʼonugo-me̩, ku ma fʼe̩ne̩ke̩le̩ kpʼonobule̩ kpʼo̩me̩kpa kpai o̩ma ki aguane̩ ko̩da bʼalumeji Juda te̩, kʼe̩ne̩ du ki ño̩ bo̩ ñwu me̩ ge̩ n?

Izikie̩l 8:4

E̩ la go, ojima O̩jo̩ e-Israe̩l dʼano̩mo̩, i dʼalu kʼe̩wñ ki dab ane̩ ego kʼu li o̩go̩ de̩ eju.

Emo̩s 5:27

todule̩ nako me̩ nyʼef amu ej ano̩mo̩ ñwu Damaskus, Jihofa kʼodu-wñ ko̩ O̩jo̩ ki nʼe̩wñ du aka-i.